လက်ပံတောင်း ဆည်တဲရွာမှ ဥပဒေမဲ့ အကြမ်းဖက်သမားများအား ပြတ်ပြတ် သားသား အရေးယူရန် လိုအပ်

 

 ယမန်နေ့ နံနက်(၁ဝ)နာရီတွင် မုံရွာကြေးနီသတ္တုစီမံကိန်းတွင် တာဝန်ထမ်းဆောင်နေသော တရုတ်နိုင်ငံသား(၂)ဦးအဖမ်းခံရပြီး အချက်(၃)ချက် တောင်းဆိုခဲ့ရာမှ အကြမ်းဖက်မှုအား ထိထိရောက်ရောက် ဖြေရှင်းနိုင်ရန် လိုအပ်လျက် ရှိကြောင်း သိရှိရသည်။

မြန်မာဝမ်ပေါင်ကုမ္ပဏီ၏ သတင်းထုတ်ပြန်ချက်အရ ဖမ်းဆီးထားသူများက နံနက်ပိုင်းက ဖမ်းဆီးသွားခဲ့သော ဆန္ဒပြဆန့်ကျင်မှုများကို ဦးစီးဆောင်ရွက်နေသူ အောင်စိုးအား အမြန်ဆုံးပြန် လွှတ်ပေးရန်၊ စီမံကိန်းနယ်မြေအတွင်း ဆောင်ရွက်နေမှုများ အားလုံး ရပ်ဆိုင်းပေးရန်၊ အစိုးရထံမှ မြေယာလျော်ကြေး ရယူရန် ငြင်းဆန်နေသူများ၏ လယ်မြေများ

အားလုံးကို ပြန်လည်ပေးအပ်ရန် အချက်(၃)ချက်ကို တောင်းဆိုခဲ့ကြောင်း၊ ဤသို့ ဖမ်းဆီးထားခြင်းကို ရဲတပ်ဖွဲ့အား တိုင်ကြားပြီး ရဲတပ်ဖွဲ့က ၀င်ရောက်ဖြိုခွင်းမှုများ ပြုလုပ်ခဲ့ပါက ဖမ်းဆီးထားသူများကို သတ်ပစ်မည် ဟု ခြိမ်းခြောက်ခဲ့ကြောင်း သိရှိရသည်။

ဖမ်းဆီးခံရသည့်အထဲတွင် တရုတ်နိုင်ငံသား ၂ ယောက် အပြင် မြန်မာနိုင်ငံသား ၀န်ထမ်း ကိုခင်အောင်မိုးဆိုသူလည်း ပါဝင်ကြောင်း၊ ယခုအခါ ကိုခင်အောင်မိုးကတော့ ပြန်လွတ်လာပြီဟု သိရှိရကြောင်း၊ သူတို့ ၀န်ထမ်းနှစ်ဦးကို ဖမ်းဆီးထားသူတွေဟာ သူတို့ရဲ့စီမံကိန်းကို ဆန့်ကျင်တဲ့ လူနည်းစု အစွန်းရောက် တက်ကြွလှုပ်ရှားသူတွေသာဖြစ်ပြီး ဒီလူတွေ ပြန်လွတ်လာဖို့ ကမ်းလှမ်းဆောင်ရွက်နေ ကြတဲ့ ကျေးရွာ လူကြီးတွေနဲ့ ကျန်ကျေးရွာသားတွေ ကိုလည်း ကျေးဇူး တင်ကြောင်း ၀မ်ပေါင်ကြေညာချက်မှာ ဖော်ပြပါရှိကြောင်း သိရှိရသည်။

“အောင်စိုး ဆိုတာက အစိုးရက ဖမ်းဝရမ်း ထုတ်ထားတဲ့ တရားခံပြေး တစ်ယောက်ဖြစ်ပါတယ်။ သူ့ကို ဖမ်းတာဟာ ဥပဒေနဲ့အညီ အရေးယူနိုင်ဖို့ ဆောင်ရွက်တာ ဖြစ်ပါတယ်။ ဒါကို မကျေနပ်လို့ စီမံကိန်းဧရိယာထဲမှာ မြေတိုင်းသွားတဲ့ တရုတ်နိုင်ငံသား နှစ်ယောက်နဲ့ မြန်မာနိုင်ငံသား တစ်ယောက်တို့ကို ဒီလိုမျိုး ဓါးစာခံ အဖြစ် ဖမ်းဆီးခေါ်ဆောင်သွားတာဟာ ဘယ်လိုမှ လက်ခံနိုင်စရာ အကြောင်း မရှိပါဘူး။ မြန်မာနိုင်ငံအလယ်ပိုင်းမှာ ဒီလိုမျိုး သူပုန်ရွာကြီး ထောင်ပြီး ဥပဒေနဲ့ လုပ်ချင်တိုင်းလုပ်နေတာမျိုး ကိုတော့ ပြင်းပြင်းထန်ထန် အရေးယူဖို့ လိုပါတယ်။ ဒီကိစ္စဟာ တစ်နိုင်ငံလုံးမှာ ရှိတဲ့ နိုင်ငံခြားရင်းနှီးမြုပ်နှံမှုတွေ ကိုလည်း ခြိမ်းခြောက်ရာ ရောက်ပါတယ်။ ဒီအတိုင်း ဥပဒေမဲ့ အကြမ်းဖက်တာကို အစိုးရအနေနဲ့ ထိထိရောက်ရောက် အရေးယူပေးဖို့ လိုပါတယ်။ ဒါက ဆန္ဒထုတ်ဖော်တာနဲ့ မဆိုင်ဘူး။ လက်ပံတောင်းပြဿနာနဲ့ မဆိုင်ပါဘူး။ ဒါက အကြမ်းဖက်လုပ်ရပ်ပါ” ဟု အထက်မြန်မာပြည် မျိုးချစ်လူငယ်များအဖွဲ့က ထုတ်ဖော်ပြောကြားသည်။

“အာဏာပိုင်တွေက မနေ့က ည ၁၂ နာရီ နောက်ဆုံးထားပြီး ပြန်လွှတ်ပေးဖို့ တောင်းဆိုတယ်။ ဆည်တဲရွာလူကြီးတွေက အကြမ်းဖက်သမားတွေနဲ့ အာဏာပို်င်တွေအကြား ကြားဝင်ညှိနှိုင်းပေးတယ်။ ဒါပေမယ့် အကြမ်းဖက်သမားတွေက လက်မခံဘူး။ ည ၁၁ နာရီမှာ ဖမ်းထားတဲ့ တရုတ်နိုင်ငံသားတွေကို ရိုက်တာနှက်တာတွေ လုပ်တယ်။ ကျွန်တော်တို့လည်း စီမံကိန်းကို ဆန့်ကျင်တဲ့ထဲမှာ ပါပါတယ်။ ဒါပေမယ့် အခုဟာက အကြမ်းဖက်တာဗျ။ ဒီလိုမျိုး လုပ်ချင်တိုင်း ထင်ရာစိုင်းနေတာကိုတော့ အမြန်ဆုံး အရေးယူဆောင်ရွက်ပေးဖို့ လိုတယ် ထင်တယ်ဗျ။ အကြမ်းဖက်တာကို ကျွန်တော်တို့ လက်မခံပါဘူး”ဟု မုံရွာမြို့ခံ တစ်ဦးက ပြောဆိုသည်။

“အကြမ်းဖက်သမားတွေ မြန်မာနိုင်ငံအလယ်ပိုင်းလို နေရာမျိုးမှာ သူပုန်စခန်းတွေ ဆောက်ပြီး လှုပ်ရှားနေတာပဲ။ ဒီလို အကြမ်းဖက်သမားတွေ ခိုအောင်းနေတဲ့ နေရာတွေကို ဖြိုခွင်းပြီး အကြမ်းဖက်သမားတွေကို အမြန်ဆုံး ဖမ်းဆီးအရေးယူပေးဖို့ အစိုးရနဲ့ ရဲတပ်ဖွဲ့၊ တပ်မတော်တို့ကို တောင်းဆိုချင်ပါတယ်။ အကြမ်းဖက်သမားကို အကြမ်းသမားလို့ ရှင်းရှင်းလင်းလင်း မြင်ဖို့၊ အကြမ်းဖက်လုပ်ရပ်ကို အကြမ်းဖက်လုပ်ရပ် လို့ ရှင်းရှင်းလင်းလင်း မြင်ဖို့ လိုပါတယ်။ တရုတ်နိုင်ငံသားပဲ ဖြစ်ဖြစ်၊ အမေရိကန်နိုင်ငံသားပဲ ဖြစ်ဖြစ် ဒီနိုင်ငံထဲမှာ ဒီလိုမျိုး အလုပ်ခံရတာ ကျွန်တော်တို့ လုံးဝလက်မခံပါဘူး။ မနေ့က တစ်ညလုံး ညှိနှိုင်းပြီးပြီ။ အခုအချိန်ထိလည်း အကြမ်းဖက်သမားတွေက ပြန်လွှတ်မပေးဘူး။ အကြမ်းဖက်သမားတွေနဲ့ ညှိနှိုင်းစရာ မလိုဘူး ထင်တယ်။ ဒီအကြမ်းဖက်မှုနောက်ကွယ်မှာ ပါဝင်ပတ်သက်နေတဲ့ ဟန်ဝင်းအောင် ဦးဆောင်တဲ့အဖွဲ့၊ မိုးသီးဇွန်ဦးဆောင်တဲ့ အဖွဲ့၊ ဒါတွေအားလုံးကို ပြင်းပြင်းထန်ထန် အရေးယူပေးဖို့ တောင်းဆိုပါတယ်။ ဒီလုပ်ရပ်ကို ထောက်ခံသူအားလုံးဟာ အကြမ်းဖက်သမားတွေကို အားပေးအားမြှောက် လုပ်သူတွေပါပဲ။ ကျွန်တော်တို့အနေနဲ့ အကြမ်းသမားနဲ့ တက်ကြွလှုပ်ရှားသူ ခွဲခြားပြီး မြင်ဖို့ လိုတယ်” ဟု မြန်မာနိုင်ငံ လူငယ်များအစည်းအရုံး ဦးဆောင်သူ ကိုရဲရင့်အောင် က ပြောသည်။

“အကြမ်းဖက် လုပ်ရပ်တွေကို ရှုတ်ချပါတယ်။ အစိုးရအနေနဲ့ ပြတ်ပြတ်သားသား ကိုင်တွယ် ဖြေရှင်းပေးဖို့ လိုပါပြီ။ ဒီလို အကြမ်းသမားတွေကို အမြစ်ပြတ်သွားအောင် နှိမ်နင်းပေးဖို့ လိုပါတယ်။ ဒါဟာ နစ်နာမှုတွေကို ရိုးရိုးသားသား ဆန္ဒထုတ်ဖော် တောင်းဆိုနေတဲ့ ပြည်သူတွေရဲ့ လုပ်ဆောင်ချက်ကို ဖျက်ဆီးလိုက်တာပါပဲ။ ဆည်တဲရွာထဲက အကြမ်းဖက်သမားတွေကို ကျေးရွာနေ ပြည်သူတွေက မကူညီဖို့ လိုပါတယ်။ အစိုးရအနေနဲ့ လုပ်သင့်လုပ်ထိုက်တာကို လုပ်ဆောင်ဖို့ လိုပါတယ်။ ဒါက ရိုးသားတဲ့ ပြည်သူတွေ မဟုတ်တော့ပါဘူး။ သူတို့က အကြမ်းဖက်သမားတွေ ဖြစ်နေပါပြီ။ အကြမ်းဖက်လုပ်ရပ်တွေအတွက် အကြမ်းဖက်သမားတွေအတွက် နေစရာ မရှိဘူး ဆိုတာမျိုး ဖြစ်အောင် စံနမူနာပြ လုပ်ဆောင်ပေးဖို့ တောင်းဆိုပါတယ်” ဟု လက်ပံတောင်းတောင် စိမ်းလန်းစိုပြေရေးအဖွဲ့က ထုတ်ဖော်ပြောကြားသည်။

အသေးစိတ်သိရှိလိုပါက ဦးမြင့်သိန်း@Mr.Dong Yun Fei ဝမ်ပေါင်အုပ်ချုပ်မှုမန်နေဂျာ-095186204 သို့ ဆက်သွယ်မေးမြန်းနိုင်ကြောင်း သိရှိရသည်။

P-84665398340-753221

ပြည်သူ့အာဏာ