ပဲခူးတိုင်းဒေသကြီး ရေတာ ရှည်မြို့နယ် ရန်ကုန်-မန္တလေး အမြန်လမ်း မိုင်တိုင်အမှတ်(၁၆၁/၁) အနီးတွင် ယခုလ ၂၇ ရက် ညနေ ၃ နာရီက
ယာဉ်တစ်စီးမီးလောင်မှု ဖြစ်ပွားကြောင်းသတင်းအရ သာဂ ရအမြန်လမ်းရဲစခန်းမှ
တပ်ဖွဲ့ဝင် များ၊ အမြန်လမ်းမီးသတ်တပ် ဖွဲ့ဝင်များနှင့် ရေတာရှည်မြို့နယ်
မီးသတ်တပ်ဖွဲ့ဝင်များပါဝင်သော ပူးပေါင်းအဖွဲ့ကသွားရောက်ဝိုင်းဝန်း
ငြှိမ်းသတ်ခဲ့ရာ ညနေ ၃ နာရီ ၄၅ မိနစ်တွင် မီးငြိမ်းသွားခဲ့သည်။
စစ်ဆေးချက်အရ မန္တလေးမှ ရန်ကုန်သို့ ရန်ကုန်တိုင်းဒေသကြီး ရွှေပြည်သာမြို့နယ်၊(၁၂)ရပ်ကွက် နေ မျိုးမင်းနိုင်(၄၂နှစ်) မောင်း နှင်လာသည့် ၄င/ xxxx လင့် ခရူဇာယာဉ်မှာ ယာဉ်နောက်ပိုင်း ဆီတိုင်ကီမှ ဝိုင်ယာရှော့ခ်ဖြစ်၍ မီးလောင်ကျွမ်းခဲ့ခြင်းဖြစ်ကြောင်း၊ ထိုသို့လောင်ကျွမ်းမှုကြောင့် ယာဉ် တစ်စီးလုံးမီးလောင်၍ ငွေကျပ် သိန်း ၆ဝဝ ဖိုးခန့် ပျက်စီးဆုံးရှုံး ခဲ့ပြီး မျိုးမင်းနိုင်အား သာဂရ အမြန်လမ်းရဲစခန်းက(ပ) ၅/ ၂ဝ၁၄၊ ပြစ်မှုပုဒ်မ ၂၈၅ ဖြင့် အမှုဖွင့်အရေးယူထားသည်။
ကျော်မင်းသော်
The Union Daily
No comments:
Post a Comment