ရှမ်းပြည်နယ်တောင်ပိုင်း မိုးမိတ်မြို့နယ် ခတ်ချယ်ကျေးရွာအနီးတွင် ဖရဲအူကျောက် တူးဖော်နေသော ဒေသခံ ရှမ်းလူမျိုးများအား ကချင်လွတ်မြောက်ရေး တပ်မတော်(KIA)အဖွဲ့မှ လာရောက် ဆက်ကြေးကောက်သွား ကြောင်း ယင်းဒေသခံများထံမှ သိရသည်။
အဆိုပါနေရာအနီးတစ်ဝိုက်သို့ နေ့စဉ်ဖရဲအူကျောက် လာရောက်တူးဖော်သော ဒေသခံများမှာ ၅၀ မှ ၇၀ ခန့် အထိ ရှိကြောင်းနှင့် စက်ယန္တရားများဖြင့် တူးဖော်ခြင်းမဟုတ်ဘဲ တစ်ပိုင်တစ်နိုင်
တူးဖော်ခြင်းသာ ဖြစ်ကြောင်း သိရသည်။အဆိုပါနေရာအနီးတစ်ဝိုက်သို့ နေ့စဉ်ဖရဲအူကျောက် လာရောက်တူးဖော်သော ဒေသခံများမှာ ၅၀ မှ ၇၀ ခန့် အထိ ရှိကြောင်းနှင့် စက်ယန္တရားများဖြင့် တူးဖော်ခြင်းမဟုတ်ဘဲ တစ်ပိုင်တစ်နိုင်
``မိသားစုတစ်ပိုင်တစ်နိုင် တူးကြတာပါ၊ ထမင်းစားရရုံလောက်ပါပဲ၊ ချမ်းသာနိုင်တဲ့ ကျောက်လည်း မဟုတ် ပါဘူး၊ မနေ့ကဆိုရင် ကချင်ပြည်နယ်ထဲက ကချင်စစ်သားတွေ ဆက်ကြေးဆိုပြီး လာတောင်းတယ်၊ သူတို့ နယ်မြေမဟုတ်ဘဲ လာအနိုင်ကျင့်နေတာ၊ မပေးရင် မပြန်မှာစိုးလို့ ပေးလိုက်ကြတယ်´´ ဟု ရွားသားတစ်ဦးက ပြောသည်။
KIA အဖွဲ့နှင့်အတူ ကျောက်ကုန်သည်နှစ်ဦးလည်းပါလာပြီး ရွာသူရွာသားများ တူးဖော်ထားသော ဖရဲအူ ကျောက် များကိုလည်း KIA အမိန့်ဖြင့် ၀ယ်ယူနေကြောင်းသိရသည်။
``KIA အဖွဲ့က ရွာသားရွာသားတွေ တူးလို့ရတဲ့ ကျောက်တွေကို သယ်လည်းမသယ်ရဘူး၊ တရုတ်ကုန် သည်တွေဆီဘဲ ရောင်းရမယ်လို့ ပြောတယ်၊ တရုတ်ကုန်သည်တွေက ဈေးနှိမ်တယ်၊ ဒေသခံတွေမှာ ပင်ပန်း တယ်၊ အကျိုးအမြတ်ကိုကြတော့ လူမျိုးခြားက ရနေတယ်´´ ဟု မိုးမိတ်မြို့ခံတစ်ဦးက ပြောသည်။
KIA အဖွဲ့သည် တရုတ်ကျောက်ကုန်သည်အား တရုတ် - မြန်မာနယ်စပ်မှ ၀င်ခွင့်ပြုကာ ၎င်းတို့စခန်းများ၌ပါ နေထိုင်ခွင့်ပြုထားကြောင်း၊ ၎င်းတို့သွားရောက်ဝယ်ယူလိုသော ကျောက်မှော်၊ ရွှေမှော်များအား လိုက်ပို့ကာ လုံခြုံရေး ယူပေးထားကြောင်း သိရသည်။
``ကချင်ပြည်နယ်မှာသာမကဘဲ ဒီရှမ်းပြည်နယ်ထဲအထိပါ KIA က နယ်မြေချဲ့လာတာ၊ ဆက်ကြေးကောက် တယ်၊ တရုတ်ကျောက်သည်တွေခေါ်လာပြီး မှောင်ခိုဈေးနဲ့ ကျောက်တွေဝယ်ပြီး တရုတ်ပြည်ပြန်ပို့တယ်၊ အလားတူ ကျောက်စိမ်း၊ ရွှေ၊ ပယင်းတွေလည်း မှောင်ခိုလမ်းကြောင်းကနေ တရုတ်ပြည်သွားနေတာ၊ သစ် မှောင်ခို၊ မူးယစ်ဆေးဝါးမှောင်ခိုတွေလည်းရှိတယ်၊ KIA ကြောင့် အဖိုးတန်သယံဇာတတွေ ဆုံးရှုံးနေတာတော့ အမှန်ပဲ´´ ဟု ကျောက်စိမ်း၊ ရွှေလုပ်ငန်းရှင်တစ်ဦးက ပြောကြားသွားသည်။
ဇော်မိုင်
No comments:
Post a Comment