သံလွင်မြစ် အပါအ၀င် မြစ်ငါးစင်း ရေကြီးမည်ဖြစ်ပြီး ဘင်္ဂလားပင်လယ်အော်တွင်
မုတ်သုံလေ ဆက်လက် အားကောင်းနေသောကြောင့် ဒေသအချို့တွင်
ရေလွှမ်းမိုးမှုအန္တရာယ်မြင့်မားနေဆဲဖြစ်ကြောင်း မိုးလေ၀သပညာရှင် ဒေါက်တာထွန်းလွင်က ပြောသည်။ ‘‘နိုင်ငံတကာက ခန့်မှန်းချက်တွေအရလည်း မြန်မာနိုင်ငံမှာ ရေကြီးနိုင်တဲ့ ဒေသတွေ ရှိနေသေးတယ်။ မိုးကလည်း ကောင်းနေတုန်းပဲ။ရေဖုံးလွှမ်းနိုင်တဲ့ နေရာတွေကတော့ တိုးလာနေတယ်’’ဟု ဒေါက်တာထွန်းလွင်က ပြောကြားသည်။ အမေရိကန်နိုင်ငံ အမျိုးသား အာကာသအေဂျင်စီ(NASA) က မြန်မာနိုင်ငံတွင် ရေဖုံးလွှမ်းနိုင်သောဒေသများအဖြစ် ရန်ကုန်မြို့၊ မင်္ဂလာဒုံမြို့နယ်အပါအ၀င် မြစ်ဝကျွန်းပေါ်ဒေသမှ ပုသိမ်၊ဟင်္သာတ၊မအူပင်၊ပဲခူး၊သာယာဝတီမြို့ နှင့် မွန်ပြည်နယ် သထုံနှင့်ရေးမြို့နယ်၊ ရခိုင်ပြည်နယ် စစ်တွေနှင့်ကျောက်ဖြူမြို့တို့ကို သတိပေးထားကြောင်း ၄င်းက ဆိုသည်။
မိုး/ဇလဌာနက ပဲခူးမြို့ ရွှေကျင်၊ မဒေါက်၊ ငါးသိုင်းချောင်းနှင့်
ဘားအံမြို့တို့တွင် မြစ်ကြီးများ စိုးရိမ်ရေမှတ်အနီးသို့ မြင့်တက်လာကြောင်း
သတိပေးထားသည်။
သံလွင်မြစ်၊ ပဲခူးမြစ်၊ စစ်တောင်းမြစ်၊
င၀န်မြစ်နှင့် ရွှေကျင်မြစ်တို့မှာ မြစ်ရေကြီးနိုင်ပြီး၊ လှည်းကူး၊
ငါးသိုင်းချောင်း၊ လှိုင်းဘွဲနှင့် ရခိုင်ပြည်နယ်မှ မြို့နယ်အချို့တွင်
ရေဘေးအန္တရာယ်ရင်ဆိုင်နေရသည်။ ရခိုင်ကမ်းရိုးတန်းတွင်လည်း
လေပြင်းကျရောက်ပြီး သြဂုတ်လ ၂ ရက်က ရမ်းဗြဲကျွန်းအနီး ပင်လယ်ပြင်၌
ငါးဖမ်းစက်လှေတစ်စီး နစ်မြုပ်ခဲ့ကာ ရေလုပ်သား ၁၉ ဦးပျောက်ဆုံးနေဆဲဖြစ်သည်။
7daydaily
No comments:
Post a Comment