ပဏာမလက်ရွေးစင် မြန်မာယူ ၂၃ အသင်းနှင့် ဂျပန်ညွန့်ပေါင်းအသင်း (JFL ALL STAR) တို့၏ ချစ်ကြည်ရေး ခြေစမ်းပွဲကို စက်တင်ဘာလ ၁၀ ရက်နေ့ (ယနေ့) တွင် ယှဉ်ပြိုင်ကစားကြမည်ဖြစ်ရာ ယင်းခြေစမ်းပွဲကို MRTV (မြန်မာ့အသံနှင့် ရုပ်မြင်သံကြား) က တိုက်ရိုက် ပြသမည် ဖြစ်ကြောင်း မြန်မာနိုင်ငံ ဘောလုံးအဖွဲ့ချုပ် စီမံရေးရာ ညွှန်ကြားရေးမှူး ဦးစိုးမိုးကျော်က ပြောကြားသည်။
မြန်မာနိုင်ငံ ဘောလုံးအဖွဲ့ချုပ်နှင့် ဂျပန် ဘောလုံးအဖွဲ့ချုပ်တို့ စီစဉ်ကျင်းပသည့် အဆိုပါ ခြေစမ်းပွဲကို သုဝဏ္ဏကွင်း၌ ယင်းနေ့ညနေ ၄ နာရီတွင် ယှဉ်ပြိုင်မည်ဖြစ်ရာ ကွင်းဝင်ကြေး အခမဲ့ဖြင့် ကြည့်ရှုနိုင်မည် ဖြစ်ကြောင်း ၎င်းကပြောဆိုသည်။
မြန်မာနိုင်ငံ ဘောလုံးအဖွဲ့ချုပ်နှင့် ဂျပန် ဘောလုံးအဖွဲ့ချုပ်တို့ စီစဉ်ကျင်းပသည့် အဆိုပါ ခြေစမ်းပွဲကို သုဝဏ္ဏကွင်း၌ ယင်းနေ့ညနေ ၄ နာရီတွင် ယှဉ်ပြိုင်မည်ဖြစ်ရာ ကွင်းဝင်ကြေး အခမဲ့ဖြင့် ကြည့်ရှုနိုင်မည် ဖြစ်ကြောင်း ၎င်းကပြောဆိုသည်။
(၂၈) ကြိမ်မြောက် SEA Games ပြိုင်ပွဲဝင်မည့် လက်ရွေးစင် အသင်းအတွက် ခြေစွမ်းကောင်းမွန်ပြီး အသက်မီသည့် ကစားသမားများ ပေါ်ထွက်လာရန် ရည်ရွယ် ဖွဲ့စည်းထားသည့် လက်ရွေးစင် B အသင်းအနေနှင့် ယှဉ်ပြိုင်ခြင်း ဖြစ်ကြောင်း ပဏာမမြန်မာယူ ၂၃ အသင်း ယာယီနည်းပြချုပ် ဦးကြည်လွင်က ရှင်းပြသည်။
မြန်မာအသင်းနှင့် ခြေစမ်းမည့် ဂျပန် ညွန့်ပေါင်းအသင်းမှာ ဂျပန် ဘောလုံးအဖွဲ့ချုပ် လက်အောက်ရှိ ဂျေလိဂ်-၂ မှ ဆီမီးပရိုအဆင့် ကစားသမားများဖြင့် စက်တင်ဘာ ၅ ရက်နေ့က ဖွဲ့စည်းခဲ့သည့် အသင်းဖြစ်ကြောင်း ယင်းအသင်း၏ အဖွဲ့ခေါင်းဆောင် ကိုင်တိုဆိုင်ဇိုက ပြောသည်။
အဆိုပါ ဂျပန် ဘောလုံးအဖွဲ့ချုပ် (JFL) ညွန့်ပေါင်းအသင်းသည် စက်တင်ဘာလ ၅ ရက်နေ့က လာအို လက်ရွေးစင်အသင်းနှင့် လာအိုနိုင်ငံတွင် ခြေစမ်းကစားခဲ့ရာ သုံးဂိုးပြတ် အနိုင်ရရှိခဲ့ကြောင်း၊ မြန်မာအသင်းနှင့် ယှဉ်ပြိုင်ပြီးပါက ကမ္ဘောဒီးယားနိုင်ငံသို့ ဆက်လက် ထွက်ခွာမည် ဖြစ်ကြောင်း ယင်းအသင်းက ထုတ်ပြန်ထားသည်။
ပဏာမမြန်မာယူ ၂၃ အသင်းကို ကစားသမား ၂၅ ဦးဖြင့် စက်တင်ဘာလ ၄ ရက်နေ့က စတင်လေ့ကျင့်နေပြီး ယခုခြေစမ်းပွဲ တစ်ပွဲတည်း အတွက်သာ ဖွဲ့စည်းထားခြင်း ဖြစ်ကြောင်း မြန်မာနိုင်ငံ ဘောလုံးအဖွဲ့ချုပ်က ထုတ်ပြန်ထားသည်။
The Voice Weekly
No comments:
Post a Comment