ငါးပြေမအတု သတိပြု

မြန်မာလူမျိုးတို့ အသည်းစွဲနှစ်ခြိုက် သော ရေချိုငါးမျိုးများတွင် ငါးပြေမ ပါဝင်ပါသည်။ စားသုံးရာ၌ အရသာ လေးလေးပင်ပင်ရှိခြင်း၊ အသားနူးညံ့ ခြင်းတို့ကြောင့် အကြိုက်ပိုကြဟန် တူပါ၏။ အလယ်ရိုးကြောင်းအပြင် ကျောဘက် ဆူးမာများနှင့် ဝမ်းဘက်ဆူး တောင်များကြောင့် အရိုးများလွန်း သည်ဟူ၍ အချို့က ရှောင်ကြသော် လည်း မြန်မာထမင်းဆိုင်များတွင် ငါးပြေမဆီပြန်ဟင်းသည် ရောင်းပန်း လှသော ဟင်းတစ်ခွက်ဖြစ်ပါသည်။

ပဲခူးတိုင်းဒေသကြီး ပျဉ်ပုံကြီးဘက်မှ ထွက်သော လက်တစ်ဝါးခန့် ငါးပြေမ ကြီးများသည် ကဝက်ကင်းငါးသလောက် နည်းတူ ပျဉ်ပုံငါးပြေမဟူ၍ နာမည် ရသည်။ ငါးပြေမသည် မြန်မာ့တိုင်း ရင်း ရေချိုငါးမျိုးဖြစ်ပြီး သိပ္ပံအမည်မှာAnabus testudineus ဖြစ်သည်။ မျိုးရင်း (Family) Anabantidae ၌ ပါဝင်ပြီး အင်္ဂလိပ်အမည်မှာ climbing perch ဖြစ်၏။

ငါးပြေမသည် အသားစားငါးမျိုး (Carnivore) ဖြစ်ပြီး ပါးဟက်အတွင်း အပိုလေရှူ အင်္ဂါပါ၍ ငါးကျည်း၊ ငါးခူများနည်းတူ အသက်ပြင်းသည်။ ငါးဈေးတန်းများ အတွင်း အကောင်အရှင်ထားရောင်း သည်ကို တွေ့နိုင်ပြီး အရွယ်အစား ကိုလိုက်၍ တစ်ပိဿာလျှင် ၆ဝဝဝ ကျပ်မှ ၁ဝဝဝဝ ကျပ်အတွင်း ရောင်း ဈေးရှိ၍ ဈေးကောင်းလှ၏။ ငါးပြေမ ကို ပြည်တွင်း၌ သုတေသနပြု စမ်းသပ်သားဖောက်နိုင်သော်လည်း စီးပွားဖြစ်သားပေါက်များ ထုတ်လုပ် ရောင်းချနိုင်သည့်အဆင့်သို့ မရောက် ရှိသေးပေ။
ယခုနှစ်ပိုင်းအတွင်း ငါးပြေမနှင့် ဆင်တူသော ငါးတစ်မျိုးကို ဈေးများရှိ ငါးဈေးတန်းများတွင် လည်းကောင်း၊ လမ်းဘေးခေါင်းရွက်ဗျပ်ထိုး ဈေးသည် လေးများထံတွင်လည်းကောင်း ငါးပြေမ ဟူ၍ ဈေးခေါ်ပြီး တွင်တွင်ကျယ်ကျယ် ရောင်းချနေသည်ကို တွေ့ရှိနေရပါ၏။ မိမိရောက်လေ့ရှိသော (၃၈)လမ်းဈေး၊ ပုဇွန်တောင်ဈေးနှင့် ရေကျော် ဈေးများ၌လည်း တွေ့မြင်ရပါသည်။

ရောင်းဈေးမှာ တစ်ပိဿာလျှင် ကျပ် တစ်သောင်းမှ တစ်သောင်းနှစ်ထောင် အထိ ဈေးကောင်းသည်။
ယင်းငါးသည် ငါးပြေမနှင့် အသွင် သဏ္ဌာန်ဆင်နေ၍ ရုတ်တရက် ကြည့်ပါက ဆင်တူနေသော်လည်း ဂရုတစိုက်ကြည့်ပါမူ ကွဲပြားသည့် အချက်များရှိသည်ကို တွေ့ရပါလိမ့် မည်။ ထိုငါးသည် ငါးပြေမထက် ဦးခေါင်းပိုင်းသေးငယ်ပြီး ချွန်နေကာ ကိုယ်အလျားမှာ ခုံးဝိုင်းသည်။ ငါးပြေမတွင်ကား ကိုယ်အလျား ပို၍ ရှည်သည်။ ထင်ရှားသော ကွဲပြား ချက်မှာ ငါးပြေမ၏ ပါးဟက်ဖုံး (opercle) ၌ ခွေးသွားစိတ်သဏ္ဌာန် ဆူးဇောင်းများပါရှိပြီး အဆိုပါ ငါးတွင်မူ ပါးဟက်ဖုံး၌ အရိုးပြား ၂ ချောင်းသာ တွေ့ရ၏။ မိမိလက်လှမ်း မီသမျှ စူးစမ်းလေ့လာချက်များအရ ယင်းငါး၏ မျိုးရင်းသည် Nandidae ဖြစ်ပြီး သိပ္ပံအမည်မှာ Pristolepis fasciata ဖြစ်ပါသည်။အင်္ဂလိပ်အမည်မှာ Catopra ဖြစ်ပြီး မြန်မာ၊ ထိုင်း၊ မလေးရှားနှင့် အင်ဒိုနီးရှား နိုင်ငံများ၌တွေ့ရှိကာ အစုံစားသည့် ငါးမျိုး (Ominivore) ဖြစ်ပါသည်။

နေ့စဉ် ဈေးဝယ်ခြမ်းချက်ပြုတ်နေရ သော အိမ်ရှင်မများအဖို့ကား ဈေးဝယ်ရာ၌ ရောင်းမှားဝယ်မှား ဖြစ်လေ့ဖြစ်ထရှိပေရာ အာဖရိက ငါးခူနှင့် တိုင်းရင်းမြန်မာငါးခူ၊ ငါးဖမ်းမနှင့် ငါးဖယ်အောင်း၊ ရွှေဝါငါးကြင်းနှင့် ငါးဖိန်း၊ ငါးမြင်းနှင့် ငါးတန်တို့ကား မှားဝယ်လေ့ရှိသော၊ မှားဝယ်တတ်သော ငါးမျိုးများ ဖြစ်ပါသည်။ အချို့ဆိုလျှင် ငါးခူနှင့် ငါးကျည်း၊ ငါးခုံးမနှင့် ငါးဘဲဖြူတို့ ကိုပင် မှားဝယ်သည်ကို တွေ့ဖူးသည်။ အာဖရိကငါးခူတွင် ဦးခေါင်းနှင့် ကိုယ်အပိုင်းဆက်သည့် ကုတ်နေရာ၌(V) ပုံသဏ္ဌာန်အချွန်ရှိပြီး မြန်မာ တိုင်းရင်းငါးခူ၌မူ မြန်မာအက္ခရာ (က)ပုံသဏ္ဌာန် တွေ့နိုင်ပါသည်။ ငါးဖယ်အောင်းမှာ ငါးဖမ်းမနှင့် ဆင်တူသော်လည်း ငါးဖမ်းမထက် အရွယ်ကြီးသော ငါးမျိုးဖြစ်သည်။ ရွှေဝါငါးကြင်းမှာ ခန္ဓာကိုယ်ခုံးဝိုင်း ကာ ငါးဖိန်းမှာမူ ကိုယ်အလျား ရှည်သွယ်ပါသည်။ ငါးမြင်းနှင့် ငါးတန် တွင်ကား ခုတ်သားများသာ အရောင်း များ၍ အသား၏ အရောင်ကို ကြည့်ရှုပြီး ခွဲခြားနိုင်ပါသည်။ ငါးမြင်း ၏အသားမှာ ဖြူပြီး ငါးတန်အသားမှာမူ အဝါရောင်သန်းပါသည်။ လောက ဓမ္မတာအရ အရာရာတွင် ဆင်တူ ယိုးမှားရှိသော အဖြစ်မျိုးများရှိတတ် ပေရာ မည်သည့်နယ်ပယ်၌မဆို ရောင်းမှားဝယ်မှား အဖြစ်မများကြ စေခြင်းငှာ သတိချပ်၍ ဝယ်ယူစားသုံး နိုင်ကြပါရန် ရေးသားဖော်ပြလိုက် ရခြင်းဖြစ်ပါသည်။

စံလွင် (ငါးဦးစီး)
The Mirror Daily