စိုင်းစိုင်းခမ်းလှိုင်က ပြည်တွင်း ကျော်ကြားသူများ၏ Facebook စာမျက်နှာများအနက် ပထမဦးဆုံး Like ၁ သန်း ရရှိသူဖြစ်လာ

ပြည်တွင်း ဟစ်ဟော့ပ် အဆိုတော်နှင့် သရုပ်ဆောင်ဖြစ်သူ စိုင်းစိုင်းခမ်းလှိုင်၏ တရားဝင် Facebook စာမျက်နှာသည် Like ၁ သန်းကျော်ရှိခဲ့ပြီး ၎င်းသည် မြန်မာနိုင်ငံ၏ နာမည်ကျော်ကြားသူများအနက် ပထမဦးဆုံး Like ၁ သန်းပြည့်သူ ဖြစ်လာခဲ့သည်။

ပြည်တွင်းအခြေစိုက် Amara Digital Marketing Agency မှ ပြည်တွင်းရှိ အောင်မြင်ကျော်ကြားသူများ၏ Facebook စာမျက်နှာ Like ရရှိမှု အခြေအနေအား application တစ်ခုဖြင့် စိစစ်ထားခြင်းဖြစ်ပြီး ပျမ်းမျှအားဖြင့် Facebook သုံးစွဲသူ ၃ ဦးတွင် ၁ ဦးက အဆိုပါ အနုပညာရှင်၏ လူမှုကွန်ရက် စာမျက်နှာကို Like ပြုလုပ်ထားသည်ဟု သိရသည်။

ယခုလ ၂၈ ရက်နေ့က တရားဝင် Facebook စာမျက်နှာတွင် Like ၁ သန်း ရရှိသွားသော စိုင်းစိုင်းခမ်းလှိုင်၏ အဆိုပါ လူမှုကွန်ရက် စာမျက်နှာသည် ယနေ့နံနက်ပိုင်းတွင် ၁ သန်း ၃ ထောင်ကျော် သွားပြီဖြစ်သည်။

စိုင်းစိုင်းခမ်းလှိုင်၏ Facebook စာမျက်နှာ Like ရရှိမှုနောက်တွင် ရပ်တည်နေသော အခြားကျော်ကြားသည့် အနုပညာရှင်မှာ ဝတ်မှုန်ရွှေရည်ဖြစ်ပြီး သူမ၏ တရားဝင် Facebook စာမျက်နှာသည် ယခုအချိန်တွင် Like ရရှိမှု ၉ သိန်း ၁ သောင်းကျော်ဖြစ်သည်။

ယခုလက်ရှိ မြန်မာနိုင်ငံ၏ Facebook သုံးစွဲသူဦးရေမှာ ၃ သန်းကျော်ရှိလာပြီဖြစ်ကြောင်း အထက်ပါ အေဂျင်စီမှ သိရသည်။

Internet Journal
Yesterday at 10:01am ·