အမတ်လောင်းရွေးချယ်ရေး စိန်ခေါ်မှုများ

အမျိုးသားဒီမိုကရေစီအဖွဲ့ချုပ် ရန်ကုန်တိုင်းဒေသကြီး ပြည်သူ့လွှတ်တော်အဆင့်ဆင့်ကိုယ်စားလှယ်လောင်းများရွေးချယ်ရေး ဆွေးနွေးနေကြစဉ်/ဓာတ်ပုံ − စိုးညွန့်ဖေ့စ်ဘွတ်

ရွေးကောက်ပွဲဝင်ရောက်ယှဉ်ပြိုင်မည့် ကိုယ်စားလှယ်လောင်းစာရင်းနောက်ဆုံးပေးပို့ရမည့် ရက် ၁၂ ရက်သာ လိုတော့သည့်အချိန်တွင် ပါတီအများစုမှာ အရည်အချင်းပြည့်ကိုယ်စားလှယ်လောင်း ရွေးချယ်နိုင်ရန် အကျပ်ရိုက်နေသည်။
ပြည်ထောင်စုရွေးကောက်ပွဲ ကော်မရှင်က ၂၀၁၅ ရွေးကောက် ပွဲဝင်ရောက်ယှဉ်ပြိုင်မည့် ကိုယ် စားလှယ်လောင်းစာရင်း တင်သွင်းရမည့်ရက် ၂၀ ရက်သာ ပေး၍ သြဂုတ် ၈ ရက်နောက်ဆုံးထား ပေးပို့ရမည်ဟု  ကြေညာထားသည့်အတွက် ပါတီများအနေဖြင့် အချိန်မီကိုယ်စားလှယ်လောင်း ရွေးချယ်နိုင်ရေးတက်သုတ်ရိုက် လုပ်ကိုင်နေကြရသည်။ ထို့အပြင် ရွေးကောက်ပွဲဝင်ရန် ငွေကြေး အခက်အခဲ၊ စိတ်ကြိုက်ကိုယ်စား လှယ်ရရှိနိုင်မှုအခက်အခဲအပါအဝင် အခြားအခက်အခဲများစွာ ရှိနေကြောင်း နိုင်ငံရေးပါတီများက ပြောသည်။

ကိုယ်စားလှယ်လောင်းစာရင်း တင်ပြရမည့်အချိန်နည်း

ပြည်ထောင်စုရွေးကောက်ပွဲ  ကော်မရှင်က ရွေးကောက်ပွဲဝင် ရောက်ယှဉ်ပြိုင်မည့် ကိုယ်စားလှယ်လောင်းစာရင်းကို ဇူလိုင် ၂၀ ရက်မှ သြဂုတ် ၈ ရက်အထိ တင်သွင်းရမည်ဟု ထုတ်ပြန်ထား သည့်အတွက် ပါတီများအနေဖြင့် ကိုယ်စားလှယ်လောင်း ရွေးချယ်ရန် အချိန်ရက် ၂၀ သာ ရရှိခဲ့သည်။

အဆိုပါ အချိန်ကာလမှာ မဲ ဆန္ဒနယ်အနည်းစုသာ ဝင်ရောက်ယှဉ်ပြိုင်မည့် ပါတီများအတွက် ပြဿနာမဟုတ်သော်လည်း ပြည် ထောင်စုတစ်ဝန်းဝင်ရောက်ယှဉ် ပြိုင်မည့်ပါတီများအတွက် ခက်ခဲ မှုရှိနေသည်ဟု 7 Day Daily က မေးမြန်းထားသည့် ပါတီ ၂၀ အနက်ပါတီ ၁၇ ပါတီက ပြောကြားသည်။ ပြည်သူ့ဒီမိုကရေစီပါတီနှင့် မြန်မာ့လူ့ဘောင်သစ်ဒီမိုကရက် တစ်ပါတီနှစ်ခုကမူ ဝင်ရောက်ယှဉ် ပြိုင်မည့်နေရာနည်းသည့်အတွက် ၎င်းတို့အတွက် အခက်အခဲမရှိနိုင်ဟု ဖြေကြားသည်။

ပြည်ထောင်စုရွေးကောက်ပွဲ ကော်မရှင်က သတ်မှတ်ထားသည့်ရက် တိုတောင်းသည်ဟု ထုတ် ဖော်ပြောကြားထားသော ပါတီထဲတွင် အမျိုးသားဒီမိုကရေစီ အဖွဲ့ ချုပ်ပါတီလည်း ပါဝင်ခဲ့ပြီး ယင်းပါတီက ၁၀ ရက်ခန့် အချိန်ထပ်ပေးရန်  တင်ပြတောင်းဆိုထားသော်လည်း ပြည်ထောင်စု ရွေးကောက် ပွဲကော်မရှင်က လက်မခံခဲ့ပေ။

ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီသည် လွန်ခဲ့သည့် တစ်နှစ်ခန့်မှစ၍ ကိုယ်စားလှယ်လောင်းရွေးချယ်မှုအတွက် ကြိုတင်ပြင်ဆင်ထားနိုင်သဖြင့် အချိန်မလုံလောက်မှုအခက်အခဲကို ရင်ဆိုင်ရခြင်းမရှိဟုဆိုသည်။

ကျန်းမာရေးကြောင့် အနားယူမည့်ပါတီဝင်များနေရာ အစားထိုးမည့်သူများ အံဝင်ခွင်ကျရှိရေး ရွေးချယ်ရမှု၊ တပ်မတော်မှအငြိမ်းစားယူကာ ပါတီအတွင်းဝင် ရောက်၍ ကိုယ်စားလှယ်လောင်းအဖြစ် ယှဉ်ပြိုင်မည့်သူများ မဲဆန္ဒ နယ်မြေနှင့်ကိုက်ညီမှုရှိစေရန် စိစစ်ရမှုများတွင်သာ အခက်အခဲရှိနေသည်ဟုဆိုသည်။

‘‘အချို့ဝန်ကြီးလိုမျိုးတွေပြန်ပြီးယှဉ်ပြိုင်မယ်ဆိုတဲ့အခါ အရင် နေရာက ပြိုင်ရင် ပြဿနာမရှိဘူး။ နေရာပြောင်းပြီး ၀င်ပြိုင်မယ်ဆိုတဲ့ အခါမျိုးကျတော့ ပြန်စိစစ်ရတယ်။ ပြီးတော့ ကိုယ်စားလှယ်လောင်းအချို့က အမျိုးသားလွှတ်တော်မှာ ပြိုင်ချင်တဲ့ပါတီကပြည်သူ့ လွှတ် တော်မှာ တာဝန်ပေးချင်တယ်ဆို တာမျိုးတွေ အချိန်ကပ်မှ ညှိရတဲ့ အခက်အခဲတွေလည်းရှိတယ်’’ဟု ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီပြောရေးဆိုခွင့်ရှိသူ ဦး သိန်းဆွေကပြောသည်။

‘‘ပေးထားတဲ့ ရက်တိုတဲ့အတွက် သူ့နေရာနဲ့သူ ချထားပေးဖို့ တော်တော်ခက်တယ်။ ဖြစ်တဲ့နည်း နဲ့ ရွေးနေရတဲ့အတွက် အရည်ချင်း အပြည့်အဝရဖို့ ခက်သွားတယ်။ အချိန်လုံလောက်စွာရှိပြီး စိတ်တိုင်းကျ လူရွေးနိုင်ဖို့ လိုတယ်။ အခုတော့ ပါတီတွေက ဖြစ်သလို အမြန်လုပ်နေကြရတဲ့အနေအထားမှာ ရှိတယ်’’ဟု  အချိန်အခက်အခဲရှိနေမှုနှင့်ပတ်သက်၍ ခေတ်သစ်ပြည်ထောင်စုပါတီဥက္ကဋ္ဌ ဦးအောင်သန်းက ပြောသည်။

ထိုသို့ အချိန်အခက်ခဲကြောင့် ပါတီများအနေဖြင့် သက်ဆိုင်ရာမဲဆန္ဒနယ်များနှင့် အရည်ချင်းကိုက်ညီသူ ၇၀ ရာခိုင်နှုန်းသာ ရွေးချယ်မှုပြုလုပ်နိုင်မည်ဟု ၎င်းက သုံးသပ်သည်။

အမျိုးသားတိုးတက်ရေးပါတီဥက္ကဋ္ဌ ဒေါက်တာနေဇင်လတ်က ၎င်းတို့ပါတီအနေဖြင့် ပါတီထူ ထောင်သည့်အချိန်နှင့် ရွေးကောက်ပွဲပြုလုပ်မည့်ကာလ နီးကပ်သွားသည့်အတွက် ဘဏ္ဍာ ရေးအပိုင်းတွင် အနည်းငယ်အကျပ်အတည်းရှိနေရုံမှအပ အခြား ထွေထွေထူးထူးအခက်အခဲမရှိဟု ဆိုသည်။

အချိန် မလုံလောက်မှု ကြောင့် ကိုယ်စားလှယ်လောင်း ရွေးချယ်မှုကို အိုးနင်းခွက်နင်းလုပ်နေရသည့်အနေထားတွင်ရှိနေပြီးယင်းသို့ လုပ်ဆောင်ရသည့် အကျိုးဆက်ကြောင့် ရွေးကောက်ပွဲအပေါ် သက်ရောက်မှုရှိလာနိုင်သည်ဟု မြန်မာနိုင်ငံတောင်သူလယ်သမားများဖွံ့ဖြိုးတိုးတက်ရေးပါတီ အထွေထွေအတွင်းရေးမှူး ဒေါ်ခင်သန်းဦးက ဆိုသည်။

တိုင်းရင်းသားစည်းလုံးညီ ညွတ်ရေးပါတီကမူ ကော်မရှင်သို့ တင်ပြရန် ကိုယ်စားလှယ်လောင်းစာရင်းကို ယခင်ကတည်းက ကြိုတင်ပြင်ဆင်မှုပြုလုပ်ထားသည့် အတွက် အခက်အခဲကြီးကြီးမား မားမရှိကြောင်း ပါတီ၏ဗဟိုအလုပ်အမှုဆောင်ဦးထွန်းရီက ပြောသည်။

ကိုယ်စားလှယ်လောင်းနှင့် ငွေကြေးအခက်အခဲ

ရွေးကောက်ပွဲ ကိုယ်စား လှယ်လောင်းတစ်ဦးအတွက် ကနဦးမှတ်ပုံတင်ကြေး ကျပ်သုံးသိန်း ပေးသွင်းရမည်ဖြစ်ပြီး မဲဆွယ် စည်းရုံးစရိတ်နှင့် ပါတီရန်ပုံငွေအတွက် ကုန်ကျရမည့်ငွေကြေးမှာ ကျပ်ဆယ်သိန်းနှင့် အထက်တွင် ရှိနေသည်။

ထိုပမာဏမှာ သာမန်နိုင်ငံသားတစ်ယောက်အနေဖြင့် ပေးသွင်းရန် ခက်ခဲသည့်အနေထားတွင်ရှိသည်။ ထို့ကြောင့်ပင် အရည်ချင်းရှိသော်လည်း ငွေကြေး မတတ်နိုင်မှုကြောင့် ကိုယ်စားလှယ်လောင်းအဖြစ် စွန့်လွှတ် လိုက်ရသူများရှိနေသည်ဟု 7Day Daily က မေးမြန်းထားသည့် ပါတီ ၂၀ အနက် ပါတီ ၁၅ ခုက ဝန်ခံပြောကြားသည်။ ပါတီ ငါးခုကမူ အခက်အခဲမရှိဟု ဆိုသည်။

အင်အားကြီးပါတီအချို့က ပါတီရန်ပုံငွေလုံလောက်ပြီး ဝင်ရောက်ယှဉ်ပြိုင်သူများကလည်း ငွေကြေးတတ်နိုင်သူ အများစုဖြစ်သည့်အတွက် ယင်းအခက်အခဲကို ကြုံတွေ့ရမှုနည်းပါးပြီး ရန်ပုံငွေ နည်းပါးသည့် ပါတီငယ်များက အများဆုံး ရင်ဆိုင်နေရခြင်းဖြစ်သည်ဟု ၎င်းတို့က ပြောသည်။

‘‘ကိုယ်စားလှယ်လောင်းက ပြည်သူ့လွှတ်တော်ကိုယ်စားလှယ်မှာ များနေတယ်ဆိုရင် သုံးသိန်းနဲ့မပြီးဘူး။ အဲဒီမှာ ဝင်ရောက်အရွေးခံဖို့အတွက် သိန်း ၆၀ လောက်ကုန်တယ်။ ဒါကြောင့် အခက်အခဲထဲမှာဆို နံပါတ်တစ်က ရန်ပုံငွေပဲ’’ဟု ခေတ်သစ်ပြည်သူ့ ပါတီဥက္ကဋ္ဌ ဦးထွန်းအောင်ကျော်က ပြောသည်။

အချို့ကိုယ်စားလှယ်ဝင်ပြိုင်လိုသူမှာ ငွေကြေးတတ်နိုင်မှု မရှိသကဲ့သို့ပါတီကလည်း ၎င်းအား ငွေထောက်ပံ့ပေးနိုင်မှု မရှိသည့်အတွက် ထွက်သွားကြရခြင်းများ ရှိသည်ဟု ဦးထွန်းအောင်ကျော်က ဆိုသည်။

‘‘ကိုယ်စားလှယ်တွေက ပါတီရန်ပုံငွေမရှိတဲ့ အခါကျတော့  ပါတီတာဝန်အရလည်း ဝင်ပြိုင်ရတယ်။ ရွေးကောက်ပွဲမဲဆွယ်စည်း ရုံးရေးကိုလည်း သူတို့ငွေကြေးနဲ့ သုံးစွဲရတဲ့အခါ အခက်အခဲတွေ ရှိလာတယ်။ ပါတီတိုင်းတော့ ဖြစ် မယ်မထင်ဘူး’’ဟု မွန်ဒီမိုကရေစီပါတီ အထွေထွေအတွင်းရေးမှူး ဦးနိုင်လှယိတမကလည်း ငွေကြေးအခက်အခဲနှင့် ပတ်သက်၍ ပြောသည်။

သို့သော် တိုင်းရင်းသားစည်း လုံးညီညွတ်ရေးပါတီကမူ ၎င်းတို့ ပါတီအနေဖြင့် ဝင်ပြိုင်မည့်ကိုယ် စားလှယ်လောင်းများမှတ်ပုံတင် ကြေးသွင်းရန် ငွေကြေးလုံ လောက်မှုရှိသောကြောင့် အခက်အခဲမရှိနိုင်ဟု ဆိုသည်။

‘‘ဝင်ပြိုင်မယ့် ကိုယ်စားလှယ်တွေအနေနဲ့က သတ်မှတ်ထားတဲ့ မဲအရေအတွက်ရမယ်ဆိုရင် တင် ထားတဲ့ငွေ ပြန်ထုတ်လို့ရတဲ့အ တွက် အခက်အခဲမရှိဘူး’’ဟု ယင်းပါတီမှ ဗဟိုအလုပ်အမှုဆောင် ဦးထွန်းရီက ပြောသည်။

ပညာရှင်ကိုယ်စားလှယ်လောင်း ရှာဖွေရန် အခက်အခဲ

ရွေးကောက်ပွဲတွင် တတ်သိ ပညာရှင်များ ကိုယ်စားလှယ်လောင်းအဖြစ် ဝင်ရောက်ယှဉ် ပြိုင်နိုင်မှုမှာ အားရစရာအနေအထားတွင် ရှိမနေခဲ့ကြောင်း နိုင်ငံရေးပါတီရှစ်ခုက ပြောသည်။

လက်ရှိ အတွေ့ကြုံရင့် ပါတီဝင်များ အသက်အရွယ်ကြီးမြင့်လာ၍ ဆက်လက် ပါဝင်နိုင်မှုမရှိ ခြင်း၊ ပညာရှင်အချို့ အခြားပါတီ သို့ ရွှေ့ပြောင်းသွားခြင်းနှင့် နိုင်ငံ  ရေးနှင့်နီးစပ်မှုမရှိသည့်အတွက် ပါတီအတွင်း ဝင်ရောက်ယှဉ်ပြိုင် မှုပြုလုပ်ရန် စိတ်ဝင်စားမှုနည်းပါး နေခြင်းကြောင့် ရွေးကောက်ပွဲ တွင် ၎င်းတို့ပါဝင်မှုအားနည်းနိုင် သည်ဟု ၎င်းတို့က ပြောသည်။

‘‘တတ်သိပညာရှင်တွေ ရှာ ဖွေရတာ အခက်အခဲတော့ ရှိတယ်။ ပါတီတွေဆိုတာက အလုပ်အကိုင်၊ ရာထူး၊ လစာပေးနိုင်တာ မဟုတ်ဘူးလေ။ ဝင်လာတဲ့သူ ကိုယ်တိုင် အားထုတ်ရတာ။ အဲဒီ အခါကျတော့ သူတို့တုံ့ဆိုင်းသွား ကြတယ်’’ ၈၈ မျိုးဆက်ကျောင်းသားလူငယ်များ (ပြည်ထောင်စု မြန်မာနိုင်ငံ) ဥက္ကဋ္ဌ ဦးရဲထွန်းက ပြောသည်။

အချို့သော ပညာရှင်များမှာ နိုင်ငံရေးနှင့် နီးစပ်မှု မရှိသောကြောင့် ရွေးကောက်ပွဲဝင်ရောက် ယှဉ်ပြိုင်ခြင်းအားဖြင့် နိုင်ငံတော် က အမြင်စောင်းမည်ကို စိုးရိမ် သည့်အသိစိတ်နှင့် လက်ရှိစီးပွား ရေးအခွင့်အလမ်းကို ထိခိုက်မည်စိုးသော ယူဆချက်များ ရှိနေသ ဖြင့် ပါဝင်မှုမပြုလုပ်လိုခြင်းများ ရှိနေသည်ဟုလည်း ခေတ်သစ် ပြည်ထောင်စုပါတီဥက္ကဋ္ဌ ဦး အောင်သန်းက မှတ်ချက်ပြုသည်။ တတ်သိ ပညာရှင်များမှာ အင်အားကြီးပါတီများကိုသာ ရွေးချယ်မှုများပြီး ပါတီငယ်များကို ကိုယ်စားပြုယှဉ်ပြိုင်ရန် စိတ်ဝင် စားမှု နည်းပါးနေခြင်းကြောင့် လည်း ၎င်းတို့ပါဝင်မှု လျော့ကျ မည်ဟု ယူဆမှုများရှိနေခြင်းဖြစ်နိုင်ကြောင်း သုံးသပ်မှုများ ရှိနေသည်။

‘‘တတ်သိပညာရှင်တွေ ပါတီကိုယ်စားပြုဝင်ပြိုင်ဖို့ ရှားပါးတာမျိုးရှိမယ်တော့ မထင်ဘူး။ ပါတီကထွက်ပြီး တခြားပါတီကြီး တွေထဲ ဝင်ရောက်ရွေးချယ်ခံတာ မျိုးတွေ ရှိတယ်’’ဟု ကယန်းအမျိုး သားပါတီဥက္ကဋ္ဌ ဦးခူးယူဂျင်းက ၎င်း၏အမြင်ကို ပြောသည်။ရွေးကောက်ပွဲဝင်ရောက် ယှဉ်ပြိုင်မည့်ကိုယ်စားလှယ် လောင်းများနှင့်ပတ်သက်၍ ပြည်သူများ ကလည်း ၎င်းတို့ဖြစ်ချင်သည့်ပုံစံ နှင့်ကိုက်ညီမှု ရှိ၊မရှိ အကဲဖြတ်ရန် အဆင်သင့်ပြင်ဆင်နေသည်။

‘‘ပါတီတွေက ကိုယ်စားလှယ်လောင်းရွေးချယ်ရာမှာ ပါတီ တွေကချမှတ်တဲ့ စည်းကမ်းက ပြည်သူ့အကျိုးစီးပွားအပေါ်မူ တည်ပြီး ရွေးချယ်ရင်တော့ အ ကောင်းဆုံးပေါ့။ ပြည်သူ့အတွက် ပြည်သူ့ကိုယ်စား အလုပ်လုပ်ပေးမယ့်သူကိုပဲအလိုရှိတယ်’’ဟု မန္တ လေးမြို့မှအီလက်ထရွန်နစ်လုပ် ငန်းလုပ်ကိုင်သူဦးဇော်မင်းလွင်က ဇူလိုင် ၂၇ ရက်ထုတ် 7 Day Daily သတင်းစာ၏ လွှတ်တော်အမတ် အရည်အချင်းနှင့် ပြည်သူ့အသံကဏ္ဍတွင် ဖြေကြားခဲ့သည်။

ထိုနည်းတူ ပြည်သူအများစုကလည်း ရွေးကောက်ပွဲဝင်မည့် ကိုယ်စားလှယ်လောင်းမှာ ပြည်သူ့ ဆန္ဒအလေးထားက ပြည်သူ့ဘက် မှရပ်တည်သူသာ အလိုရှိသည် ဟု တညီတညွတ်တည်း ပြောသည်။

အချို့က ၂၀၁၀ ရွေးကောက်ပွဲဝင်ကိုယ်စားလှယ်လောင်းများ နှင့်နှိုင်းယှဉ်ခဲ့ကြပြီး ၎င်းတို့ရွေး ချယ်လိုသော ကိုယ်စားလှယ်များ အရည်အချင်းပုံဖော်ခဲ့ကြသည်။

‘‘လွှတ်တော်ကိုယ်စားလှယ်က သတ္တိရှိဖို့လိုအပ်တယ်။မှန်ကန်တဲ့သူဖြစ်ဖို့လိုတယ်။ သတ္တိရှိမှလည်း ရဲရဲဝံ့ဝံ့လုပ်နိုင်မှာ။  ပြည်သူတွေကောင်းကျိုး ပီပီပြင်ပြင် လုပ်နိုင်တဲ့သူဖြစ်ဖို့လိုတယ်’’ဟု ထီလက်လီရောင်းချသူ ဦးဘ၀င်းက ၎င်းရွေးချယ်လိုသော ကိုယ်စားလှယ်လောင်းအရည်အချင်းကို ပြောပြသည်။
7 day