ခါးနာခြင်း ကင်းဝေးရလေအောင်

သင့်နောက်ကျောရိုးမဟာ သန်မာပြီး ကွေးလွယ်ဆန့်လွယ် ဖြစ်နေရင် သင်ရဲ့ နေ့စဉ် သွားလာလှုပ်ရှားမှုတွေရဲ့ ဒဏ်ကို သင့်ခါးက ခံနိုင်ရည် ရှိပါတယ်။  အားကစားလုပ်တာ၊ အာဟာရ ပြည့်ဝတဲ့ အစာ စားတာနဲ့ ဘဝနေထိုင်မှုပုံစံ ပြောင်းလဲပြီး သင်ရဲ့ နောက်ကျောရိုးမမှ ကြွက်သား၊ အရိုး၊ အာရုံကြောနဲ့ အရိုးနုတွေကို တည်ဆောက်ပေးပါ။


လေ့ကျင့်ခန်း လုပ်ခြင်းဖြင့် သန်မာမှု တည်ဆောက်ပါ

ခါးနာတာ အများစုဟာ ခါးရိုး (disk) ကျွံတာကြောင့်လို့ ဆိုပေမယ့် အမှန်မှာတော့ ကြွက်သား ပြဿနာပါလို့ New York ဆေးရုံမှ ကာယပညာ ကျွမ်းကျင်သူ Dr.Willibald Nagler က ပြောပါတယ်။ ခါးနာပြဿနာရှိသူ အများစုမှာ ခြေချောင်းကို ထိနိုင်ဖို့ ခါးနဲ့ ပေါင်ကြွက်သားတွေ တင်းလွန်းတာနဲ့ မတ်မတ်ထိုင်ဖို့ ဝမ်းဗိုက်ကြွက်သားတွေ အားနည်းတာတွေ ဖြစ်နေတတ်ပါတယ်။ ပေါင်ကြွက်သားနဲ့ ခါးကြွက်သားတွေဟာ ခါးရိုးရဲ့ တည်ဆောက်ပုံကို ထောက်ပံ့ထားပါတယ်။ ခါးပေါ်မှာ ဒဏ်ပိမှု မရှိစေဘဲ ထိုင်တာ ဒါမှမဟုတ် ခါးလှည့်တာ ပြုလုပ်နိုင်ရပါမယ်။ ဝမ်းဗိုက်ကြွက်သားတွေ သန်မာနေရင် ခါးနောက်ကျောရိုးရဲ့ အန္တရာယ်အရှိဆုံး နေရာဖြစ်တဲ့ ခါးနောက်အောက်ပိုင်းကို တည်ငြိမ်အောင် အကူအညီ ရစေပါတယ်။ ဝမ်းဗိုက်ကြွက်သား အားပျော့ခဲ့ရင် ခါးနောက်အောက်ပိုင်းမှာ အကွေ့အဝိုက် ပိုများစေလာကာ အာရုံကြောနဲ့ ခါးရိုးတစ်ခုနဲ့ တစ်ခုကြားက Disk တွေမှာ ဒဏ်ပိစေနိုင်ပါတယ်။ ဒါကြောင့် Dr. Nagler က ခါးကြွက်သားနဲ့ ပေါင်ကြွက်သားတွေ ဆွဲဆန့်မှု ရစေမယ့် လေ့ကျင့်ခန်းနဲ့ ဝမ်းဗိုက်ကြွက်သား သန်မာစေမယ့် လေ့ကျင့်ခန်းတွေ ပြုလုပ်ဖို့ အကြံပေးထားပါတယ်။

"S" ပုံသဏ္ဌာန် အကွေ့အဝိုက်အတိုင်း ရှိပါစေ

လမ်းလျှောက်တာနဲ့ မတ်တတ်ရပ်တာလုပ်ရင် သင့်အတွက် သက်သောင့်သက်သာရှိပြီး ခါးနောက်ကျောရိုးကို ထောက်ပံ့မှု အပြည့်အဝ ပေးနိုင်မယ့် ကိုယ်ဟန် အနေအထားအတိုင်း ပြုလုပ်ပါ။ ကျွန်ုပ်တို့ဟာ ခါးနောက်ကျောရိုးရဲ့ သဘာဝပုံစံ "S" သဏ္ဌာန် အကွေ့အဝိုက်အတိုင်း ရှိအောင် ထိန်းသိမ်းဖို့ လိုအပ်ပါတယ်။ မတ်တတ်အကြာကြီး ရပ်ရမယ်ဆိုရင် ခြေထောက် တစ်ဖက်ကို ခွေးခြေ ဒါမှမဟုတ် လက်မအနည်းငယ် မြင့်တဲ့ အရာဝတ္ထုပေါ် တင်ထားပါမှ ခါးရိုး "S" သဏ္ဌာန်ကို ထိန်းထားနိုင်မှာပါ။

မတ်မတ်ထိုင်ပါ  

ထိုင်နေရင်လည်း ခါးရဲ့ "S" ပုံ အကွေ့အဝိုက်ပုံစံ မပျက်စေရပါ။ ခါးနောက်အောက်ပိုင်း နာကျင်တတ်သူတွေဟာ ဆိုဖာခုံပေါ်မှာ ပျင်းရိပျင်းတွဲ ထိုင်တတ်တာကြောင့် "S" ပုံသဏ္ဌာန် ပျက်ပြီး  "C"  ပုံစံ ဖြစ်ရတတ်ပါတယ်။  "C" သဏ္ဌာန် ကိုယ်ဟန် အနေအထားဟာ ခါးအောက်ပိုင်းမှ အရွတ်တွေကို ဆွဲဆန့်လွန်သွားပြီး ခါးနောက်ကျောရိုးမမှ အာရုံကြောတွေကို ဖိအား ပေးမိပါတယ်။ ထိုင်ရင် ပျင်းရိပျင်းတွဲပုံစံ မဖြစ်အောင် သင့်ခါးနောက်ဘက်မှာ နှစ်လက်မ ဒါမှမဟုတ် သုံးလက်မခန့်ထူတဲ့ ခေါင်းအုံးနဲ့ ခုထားပါ။ ကြာကြာ ထိုင်ရမယ်ဆိုရင် တစ်နာရီကြာတိုင်း မတ်တတ်ထပြီး လမ်းလျှောက်ပါ။

ကားမောင်းသည့် ထိုင်ခုံ အနေအထား မှန်ပါစေ

မော်တော်ကားမောင်းမယ့် ထိုင်ခုံမှာထိုင်ရင် သင်ရဲ့ ဒူးခေါင်းဟာ တင်ပါးအမြင့်နဲ့ အဆင့်တူ ရှိရပါမယ်။ သင်ရဲ့ ညာခြေထောက်ဟာ ဆန့်တန်း မနေရပါ။

ခါးနောက်ကျောရိုးကို အာဟာရဖြည့်ပါ  

အရိုးရောဂါနဲ့ အဆစ်ရောင် ရောဂါကြောင့် အသက်ကြီးသူ အများစုမှာ ခါးနာတဲ့ဝေဒနာ ခံစားရတတ်ပါတယ်။ ခါးနာတာဟာ ခါးနောက်ကျောရိုးမအတွင်း ရိုးရိုးမျက်စိနဲ့ မမြင်နိုင်တဲ့ အရိုးလေးတွေကျိုး (Microscopic Fractures) တွေ ရှိနေလို့ပါ။ ဒါဟာလည်း အသက်ကြီးလာတဲ့ အတွက် ကယ်လ်စီယမ် ချို့တဲ့တာကြောင့် အရိုးပွလာလို့ ဖြစ်တာပါ။ ဒါကြောင့် အရိုးပါးရောဂါ မဖြစ်အောင် နေ့စဉ် ကယ်လ်စီယမ်ဓာတ် ၁၀၀၀ မီလီဂရမ်ပါဝင်တဲ့ အားဖြည့်ဆေး သောက်ထားရပါမယ်။ ဗီတာမင်ဒီဟာလည်း ကယ်လ်စီယမ် စုပ်ယူမှု ကောင်းအောင် ကူညီနိုင်ပါတယ်။ လေ့လာမှုတစ်ခုအရ ဗီတာမင်ဒီဟာ အသက်ကြီးတဲ့ အမျိုးသမီးတွေမှာ အရိုးကျိုးမှု မဖြစ်အောင် ၈၀ ရာခိုင်နှုန်း ကာကွယ်နိုင်တယ်လို့ သိရပါတယ်။ သင်ဟာ ဗီတာမင်ဒီ ပါဝင်တဲ့ နွားနို့ကို မသောက်သူဖြစ်ရင် ဒါမှမဟုတ် နေရောင်ခြည်နဲ့ နေ့စဉ် ၁၅ မိနစ်ခန့် ထိတွေ့သူ မဟုတ်ရင် ဗီတာမင်ဒီ 400 IU ပါဝင်တဲ့ အားဖြည့်ဆေးကို သောက်ပါ။ သွပ်၊ ကော့ပါးနဲ့ မဂ္ဂနီးဟာလည်း အရိုးသန်မာဖို့ အရေးကြီးပါတယ်။ ဒါကြောင့် ပင်လယ်စာ၊ အသည်း၊ အစေ့အဆန်၊ အခွံမာသီးနဲ့ ကောက်နှံတစ်ခုလုံး ပါဝင်တဲ့ အစာတွေ စားပါ။ ဗီတာမင်စီဟာ Collagen ထုတ်လုပ်မှု (Disk အပေါ်မှာ အကာအကွယ်ပေးထားတဲ့ တစ်သျှူး) ကို ကူညီနိုင်တာကြောင့် ခါးနာဝေဒနာ မဖြစ်အောင် သောက်သုံးနိုင်ပါတယ်။ ဗီတာမင်ဘီဟာလည်း အရိုးနဲ့ အရိုးနုကို တည်ဆောက်နိုင်ပြီး အာရုံကြော သန်မာစေနိုင်ပါတယ်။ မဂ္ဂနီဆီယမ်ဟာ ကြွက်သား (Spasm) ကို လျှော့ချနိုင်တဲ့ အတွက် ခါးနာတာ သက်သာစေနိုင်ပါတယ်။

မိမိနှင့် သင့်လျော်မှုရှိသည့် ဖိနပ်ဝတ်ပါ

ခြေထောက် တုန်လှုပ်မှု ဖြစ်စေတဲ့ အကြောင်းအရာ အားလုံးကြောင့် ခါးနောက်ကျော နာကျင်တတ်ပါတယ်။ အထူးသဖြင့် သင်ရဲ့ ကြွက်သားတွေ အားနည်းနေရင် (ကြွက်သား သန်မာတာဟာ Shock Absorbers လို ပြုလုပ်နိုင်ပါတယ်) ဒါမှမဟုတ် အသက်ကြီးလာရင် (အသက်ကြီးတာကြောင့် ခါးရိုး  (disk)  တွေ ပါးလာပြီး ခါးရိုး(vertebrae) တွေကြား ကူရှင်လို ပြုလုပ်နိုင်အား နည်းသွားလို့ပါ) ပါ။ အစ္စရေး ဆေးရုံမှ သုတေသနပြုချက်အရ ပျော့ပျောင်းမှုရှိပြီး ကွေးနိုင်တဲ့ ဖိနပ် Sole အောက်ခံပြားကို ဝတ်ဆင်ရင် ခါးနာတာ သက်သာတယ်လို့ တွေ့ရှိခဲ့ပါတယ်။ ဖိနပ်အောက်ခံပြားမှာ ကူရှင်လို လုပ်နိုင်ရင် ခြေထောက် တုန်လှုပ်နှုန်း ၄၂ ရာခိုင်နှုန်း လျှော့ချနိုင်တယ်လို့ ဆိုပါတယ်။ ၁.၇၅ လက်မထက် ပိုမြင့်တဲ့ ဒေါင့်မြင့်ဖိနပ်ကို ရှောင်ဖို့ လိုအပ်ပါတယ်။ ခန္ဓာကိုယ်ရဲ့ အလေးချိန်ကို ရှေ့သို့ ကိုင်းစေနိုင်လို့ပါ။

သင့်အတွက် သက်သောင့်သက်သာရှိသော အနေအထားအတိုင်း ရှိပါစေ

ဒူးခေါင်း အနည်းငယ်ကွေးကာ ခြေထောက်အောက်မှာ ခေါင်းအုံးခုပြီး ပက်လက်အိပ်ပါ။ ဒါမှ ခါးနောက်ကျောရိုးပေါ် ဖိအားသက်ရောက်မှု အားနည်းပြီး ခါးနာတာ သက်သာနိုင်ပါတယ်။ ဘေးဘက်စောင်းအိပ်မယ်ဆိုရင် ခါးနေရာ အောက်မှာ မျက်နှာသုတ်ပဝါအလိပ် ဒါမှမဟုတ် ခေါင်းအုံး ငယ်ထားပြီး ခြေထောက်နှစ်ခုကြား ခေါင်းအုံး ညှပ်ထားပါ။ မှောက်လျက် အိပ်ခဲ့ရင်လည်း ဝမ်းဗိုက်အောက်မှာ ခေါင်းအုံး ခုခံထားတာကြောင့် ခါးအောက်ပိုင်းကို အထောက်အပံ့ ရနိုင်ပါတယ်။ အထူးသဖြင့် ဒူးခေါင်းကွေးပြီး ဘေးစောင်းအိပ်တဲ့ မိခင် ဝမ်းဗိုက်အတွင်း သန္ဓေသားပုံစံအတိုင်း အိပ်စက်ရင် အကောင်းဆုံးပါ။

အဆီပိုများ လျှော့ချပါ

အဝလွန်တာနဲ့ ခါးနာတာဟာ အတူတူ တွဲနေတတ်ပါတယ်။ အထူးသဖြင့် ခါးတစ်ဝိုက်မှာ အဆီတွေ စုနေရင် ခါးပြဿနာ ဖြစ်တတ်ပါတယ်။ ခန္ဓာကိုယ် အလေးချိန်ကြောင့် ခါးနောက်ပိုင်း တစ်သျှူးတွေပေါ်မှာ ဖိအားရစေပြီး disk ကို ဖိအား ဖြစ်စေပါတယ်။ ဒါကြောင့် လေ့ကျင့်ခန်း လုပ်တာနဲ့ အစားအစာတွေ ထိန်းချုပ်ပြီး ကိုယ်အလေးချိန် လျှော့ချကာ ခါးမနာအောင် ကာကွယ်ထားပါ။

ဒေါက်တာ ခင်မိုးမိုး
 By Good Health
Shared from http://news.yatanarpon.com.mm/news/article-19504