နိုင်ငံခြား ရင်းနှီးမြှုပ်နှံမှုဆိုင်ရာ ညီလာခံ ကျင်းပမည်

မြန်မာနိုင်ငံ ရန်ကုန်မြို့တွင် New Myanmar Investment Summit 2012 အမည်ဖြင့် နိုင်ငံခြား ရင်းနှီးမြှုပ်နှံမှု ဆိုင်ရာ ညီလာခံ တခုကျင်းပမည် ဖြစ်ကြောင်း သိရသည်။ ယင်းညီလာခံကို Parkroyalဟိုတယ် ၌ လာမည့် ဇွန်လ ၂၀ ရက်နှင့် ၂၁ ရက်တွင် ကျင်းပမည်ဖြစ်ပြီး မြန်မာနိုင်ငံ၏ ရေနံနှင့် သဘာဝဓာတ်ငွေ့၊ ဓာတ်သတ္တူ တူးဖော်ရေး၊ စက်မှုလုပ်ငန်း၊ ဆက်သွယ်ရေး၊ လယ် ယာ စိုက်ပျိုးရေးနှင့် ခရီးသွားလာရေး စသည့်စီးပွားရေး ကဏ္ဍများတွင် ရင်းနှီးမြှုပ်နှံမှုများနှင့် ပတ်သက်၍ ဆွေးနွေးရန် ရှိကြောင်း နည်းပညာဆိုင်ရာ အင်တာနက် စာမျက်နှာ cmt.com ၌ ဖော်ပြထားသည်။

ညီလာခံတွင် မြန်မာ အပါအ၀င် ဂျပန်၊ ထိုင်း စသည့် မြန်မာတွင် ရင်းနှီးမြှုပ်နှံလိုသော နိုင်ငံများက တက်ရောက်ဆွေးနွေးကြမည်ဖြစ်ကြောင်း သိရသည်။ လက်ရှိ တွင် မြန်မာ နိုင်ငံ၏ နိုင်ငံခြား ရင်းနှီးမြှုပ်နှံမှု ဥပဒေကိုလည်း ပြည်သူ့လွှတ်တော်နှင့် အမျိုးသား လွှတ်တော် တို့တွင် အတည်ပြုထားပြီးဖြစ်၍ မကြာမီ ပြဌာန်းတော့မည် ဖြစ်သည်။

နိုင်ငံခြားရင်းနှီးမြှုပ်နှံမှု ဥပဒေမူကြမ်း ပြည်ထောင်စု လွှတ်တော် အတည်ပြု ပြည်ထောင်စုလွှတ်တော် အစည်းအဝေးက နိုင်ငံခြား ရင်းနှီးမြှုပ်နှံမှု ဥပဒေမူကြမ်းကို မနေ့က အတည်ပြုလိုက်ပါတယ်။ လွှတ်တော် အတွင်း သဘောထား ကွဲလွဲတဲ့ အချက်တွေကို ပြန်လည်ပြင်ဆင်ပြီး အတည်ပြုလိုက်တာ ဖြစ်ကြောင်း အမျိုးသား ဒီမိုကရေစီ အဖွဲ့ချုပ် ပြည်သူ့လွှတ်တော် ကိုယ်စားလှယ် ဒေါ်စန္ဒာမင်းက ပြောပါတယ်။
"ကျွန်မတို့ မနေ့က နိုင်ငံခြားရင်းနှီးမြှုပ်နှံမှု FDI law ကိုတော့ ပြည်ထောင်စု လွှတ်တော်က အတည်ပြု ပေးလိုက်ပါတယ်။ အဓိက ကတော့ အဲဒီမှာ အပြင်မှာလည်းပေါ့နော်၊ ဆွေးနွေးနေကြတဲ့ သဘောတူညီမှု မရှိတဲ့ အချက် နှစ်ချက်ကို ပြင်လိုက်တယ်။ နံပါတ်တစ်ကတော့ ပုံသေ မသတ်မှတ်ဘူး။ လုပ်ငန်းသဘာဝပေါ် မူတည်ပြီးတော့ပဲ ရင်းနှီးမြုပ်နှံရမဲ့ ငွေပမာဏကို သတ်မှတ်မယ်။ နောက်တစ်ခုကတော့ ဖက်စပ် လုပ်မယ်ဆိုတဲ့ နေရာမှာလည်း စုစုပေါင်း နိုင်ငံခြား မတည်ငွေရင်း၏ ၅၀-၅၀ အချိုးအတိုင်း ဆောင်ရွက်ရန် ဖြစ်သည်လို့ တင်ထားပါတယ်"
အရင် ဥပဒေ မူကြမ်းမှာပါရှိတဲ့ ကနဦး ရင်နှီးမြှုပ်နှံမှု ပမာဏ အနည်းဆုံး အမေရိကန် ဒေါ်လာ ၅ သန်း ပါဝင်ရမည် ဆိုတဲ့အချက်ကို အခု ပယ်ဖျက်လိုက်ပါတယ်။
နိုင်ငံခြား မတည်ငွေရင်းသည် စုစုပေါင်း မတည်ငွေရင်း၏ အများဆုံး ၄၉ ရာခိုင်နှုန်း အစား နိုင်ငံခြား သားသည် နိုင်ငံသားနှင့် တားမြစ်သည့်လုပ်ငန်း၊ ကန့်သတ်သည့် လုပ်ငန်းများကို ဖက်စပ်လုပ်ကိုင်ပါက မတည်ငွေရင်း၏ ၅၀-၅၀ အချိုး ထည့်ဝင် ဆောင်ရွက်ရန် ဖြစ်သည်ဆိုပြီး ပြင်ဆင်လိုက်တဲ့အပြင် ကော်မရှင် ဖွဲ့စည်းရာတွင် အစိုးရ မဟုတ်သော အဖွဲ့အစည်းများမှ ပညာရှင်များ၊ စီးပွားရေး နယ်ပယ်အသီးသီးရှိ စီးပွားရေး ကျွမ်းကျင်သူများထဲမှ သင့်လျော်သော ပုဂ္ဂိုလ်များအား အဖွဲ့ဝင်အဖြစ် ထည့်သွင်း ဖွဲ့စည်းရမည် ဆိုသည့်အချက်များလည်း ပါဝင်ပါတယ်။
ပြည်ထောင်စုလွတ်တော်က အခုအတည်ပြုလိုက်တဲ့ ဥပဒေကို တရားဝင်ဖြစ်ရန် သမ္မတ ဦးသိန်းစိန်က လက်မှတ် ထိုးရမှာ ဖြစ်ပါတယ်။

အစိုးရဝန်ကြီးသစ်များ ကျမ်းသစ္စာဆို နိုင်ငံတော်သမ္မတ ဦးသိန်းစိန်က အဆိုတင်သွင်းပြီး ပြည်ထောင်စု လွှတ်တော်က အတည်ပြုပေးလိုက်တဲ့ ပြည်ထောင်စုဝန်ကြီး ၁၁ ဦး မနေ့က ကျမ်းသစ္စာ ကျိန်ဆိုလိုက်ကြပြီ ဖြစ်ပါတယ်။

ဝန်ကြီးအသစ်များ ကျမ်းသစ္စာကျိန်ကာကွယ်ရေး ၀န်ကြီးအသစ် ဒုတိယဗိုလ်ချုပ်ကြီး ဝေလွင် အပါအ၀င် တခြားသောလစ်လပ်နေသည့် ၀န်ကြီးဌာန ၀န်ကြီး ၁၁ ဦးနှင့် အသစ်ခန့်အပ်သည့် ပြည်ထောင်စု စာရင်းစစ်ချုပ် ဦးသိန်းထိုက်တို့ ယနေ့ ပြည်ထောင်စုလွှတ်တော်တွင် ကျမ်းသစ္စာ ကျိန်ဆိုသည်။
ဒုတိယ ဗိုလ်ချုပ်ကြီး ဝေလွင်မှာ အငြိမ်းစားယူသွားသော ဗိုလ်ချုပ်မှူးကြီး သန်းရွှေနှင့် နီးစပ်သူဟု လူသိ များပြီး နေပြည်တော်တိုင်း စစ်ဌာနချုပ် တိုင်းမှူးအဖြစ် တာဝန်ယူခဲ့သူဖြစ်သည်။ လွန်ခဲ့သည့် ၂၀၁၀ ပြည့်နှစ်က ပြုလုပ်ခဲ့သည့် စစ်တပ်ရာထူး အပြောင်းအလဲ တွင် စစ်ထောက်ချုပ် ဖြစ်လာ ခဲ့သူ ဖြစ်သည်။

အလုပ်သမားဝန်ကြီးနှင့် ပြည်တော်ပြန် အလုပ်သမားခေါင်းဆောင် ဆွေးနွေးအနိမ့်ဆုံးလုပ်ခ သတ်မှတ်ပေးနိုင်ရန် လုပ်သားများကို လုပ်ငန်းခွင်နှင့် သက်ဆိုင်သည့် သင်တန်းများပေး ရန်၊ ပြည်ပရောက် မြန်မာအလုပ်သမားများ၏ အခွင့်အရေးများ ကာကွယ်ပေးရန်တို့ကို ပြည်ပ အခြေစိုက် အတိုက်အခံ မြန်မာနိုင်ငံအလုပ်သမားအဖွဲ့ ချုပ် FTUB မှ အထွေထွေ အတွင်းရေးမှူး ဦးမောင်မောင်နှင့် အလုပ်သမားရေးဝန်ကြီး ဦးမောင်မြင့်တို့ သောကြာနေ့တွင် ဆွေးနွေးခဲ့ကြသည်။

နေပြည်တော် အလုပ်သမားရုံး ဝန်ကြီးဌာနရုံးတွင် တွေ့ဆုံမှုအတွင်း အလုပ်သမားရေး ရာများ ဆွေးနွေးခဲ့ခြင်းဖြစ်ပြီး အသေးစိတ် အချက်အလက်များကိုမူ ဆွေးနွေးနိုင်ခြင်း မရှိသေးဟုသိရသည်။

ဦးကျော်တင်ကို ကုလသမဂ္ဂ ဆိုင်ရာ မြန်မာ အမြဲတမ်းကိုယ်စားလှယ် ခန့်ကုလသမဂ္ဂ ဆိုင်ရာ မြန်မာ အမြဲတမ်း ကိုယ်စားလှယ်အဖြစ် ဦးကျော်တင်ကို ခန့်အပ်လိုက်သည်။ ဦးကျော်တင်သည် ကနေဒါနိုင်ငံ ဆိုင်ရာ အထူး အာဏာကုန် လွှဲအပ် ခံရသော သံအမတ်ကြီးလည်း ဖြစ်ကြောင်း သမ္မတ က ထုတ်ပြန်ထားသည်။

အမျိုးသမီးဝန်ကြီး ဒေါ်မြတ်မြတ်အုန်းခင် သမ္မတဦးသိန်းစိန်၏ ကက်ဘိနက်အဖွဲ့ အပြောင်းအလဲတွင် ဒေါ်မြတ်မြတ်အုန်းခင်သည် ကျန်းမာရေးဝန်ကြီး ဖြစ်လာ ရာ နှစ်ပေါင်းခြောက် ဆယ်ကျော်တွ င် ပထမဆုံး ပြည်ထောင်စုအဆင့် အမျိုးသမီး ဝန်ကြီး ခန့်အပ်ခံရခြင်း ဖြစ်သည်။သြဂုတ်လ ၄ ရက်နေ့က ပြည်ထောင်စုလွှတ်တော်က အတည်ပြုပေးခဲ့သော ဝန်ကြီးနှင့် ဒုတိယစာရင်းအရ ယခင် ကျန်းမာရေးဝန်ကြီးဌာန ဒုတိယဝန်ကြီးဖြစ်သော ဒေါ်မြတ်မြတ်အုန်းခင်မှာ ရာထူးတိုးကာ ဝန်ကြီး ဖြစ်သွား သည်။၁၉၄၈ ခုနှစ် လွတ်လပ်ရေးရပြီးချိန်ကစ၍ ယနေ့အထိ ရေတွက်လျှင် အာဏာသိမ်း စစ်အစိုးရများ အပါအဝင် အစိုးရ ခုနှစ်ခုမြောက်ဖြစ်နေချိန်တွင် ဗဟိုအစိုးရတွင် အမျိုးသမီးဝန်ကြီး ရရှိသည်မှာ ယခုတစ်ကြိမ်သာ ဖြစ်ကြောင်း သိရသည်။

ဒေါ်အောင်ဆန်းစုကြည်နှင့် ရန်ကုန်တိုင်း ၀န်ကြီးချုပ် တရားဥပဒေ စိုးမိုးရေး ဆွေးနွေးNLD ဥက္ကဌ ဒေါ်အောင်ဆန်းစုကြည် နှင့် ရန်ကုန်တိုင်း ၀န်ကြီးချုပ် ဦးမြင့်ဆွေတို့ ယမန်နေ့ က တွေ့ဆုံ ဆွေးနွေးကြကြောင်း သတင်း ရသည်။ တနာရီကျော်ကြာ တွေ့ဆုံရာ၌ တရား ဥပဒေစိုးမိုးရေး နှင့် တည်ငြိမ် အေးချမ်းရေး ဆိုင်ရာများကို ဆွေးနွေးကြကြောင်း သိရသည်။ ဒေါ်အောင်ဆန်းစုကြည် သည် လွှတ်တော် ကဖွဲ့စည်းထားသော တရားဥပဒေ စိုးမိုးရေးနှင့် တည်ငြိမ်အေးချမ်း ရေး ကော်မတီ တွင် ဥက္ကဌ တာဝန်ယူထားသည်။ ဒေါ်အောင်ဆန်းစုကြည် ၏ အဖွဲ့နှင့် ရန်ကုန်တိုင်းအတွင်းရှိ ဥပဒေ ၀န်ထမ်းများ လာမည့် စက်တင်ဘာ ၈ ရက်တွင် တွေ့ဆုံရန် ရှိကြောင်း RFA ရေဒီယို သတင်း၌ ဖော်ပြထားသည်။

လက်ပံတောင်း ကြေးနီစီမံကိန်းအရေး တင်းမာဆဲစစ်ကုိုင်းတိုင်း၊ မုံရွာ လက်ပံတောင်းတောင် ကြေးနီစီမံ ကိန်းကြောင့် ဆန္ဒပြနေသည့် လယ်သိမ်းခံ တောင်သူများနှင့် ကုမ္ပဏီအကြား ဆက်ဆံရေးမှာ တင်းမာနေ ဆဲဖြစ်ပြီး ဒေသခံ အာဏာပိုင်များက လုံခြုံရေးများ ပိုမို ချထားလာနေကြောင်း ဒေသခံများက ပြောသည်။

လက်ပန်းတောင်းတောင်အရေး မုံရွာမြို့လူထုပါဝင်လာ စစ်ကိုင်းတိုင်း ဆားလင်းကြီးမြို့နယ်က လက်ပန်းတောင်းတောင် ကြေးနီ စီမံကိန်းကြောင့် လက်ပန်းတောင်းတောင် ပျောက်ကွယ်သွားမယ့် အရေး တောင်တန်းကြီးတွေကို မျှော်ကြည့်တဲ့ လှုပ်ရှားမှု တစ်ခု မုံရွာမြို့အနီးက ချင်းတွင်းမြစ်ကမ်းနံဘေးမှာ မနေ့က ညနေက ပြုလုပ်ခဲ့ပါတယ်။

လိူင်သာယာစက်မှုဇုံ အလုပ်သမားများ ဆန္ဒပြလှိုင်သာယာစက်မှုဇုံမှာရှိတဲ့ ထောင်နဲ့ချီတဲ့ စက်ရုံ အလုပ်သမားတွေဟာ သူတို့ရဲ့လုပ်အားခ လစာ တိုးမြင့်ပေးဖို့နဲ့ တခြား အလုပ်သမားအခွင့်အရေးတွေ ရရှိဖို့ အတွက် သူတို့ အလုပ်ရုံတွေကနေ မရမ်းကုန်းမြို့မှာရှိတဲ့ အလုပ်သမားရုံးရှေ့မှာ စုဝေး ဆန္ဒပြခဲ့ကြပါတယ်။သူတို့အနေနဲ့ ရတဲ့လစာနဲ့ နေထိုင် စားသောက်စားရိတ် မလောက်ငတဲ့အတွက် အခုလို ဆန္ဒပြရခြင်းဖြစ်တယ်လို့ ဒီဆန္ဒပြပွဲကို ဦးဆောင် လုပ်ကိုင်သူတွေက ပြောပါတယ်လို့သိရပါတယ်။

ကိုရီးယားနိုင်ငံသားပိုင် အထည်ချုပ်စက်ရုံ အလုပ်သမား တစ်ထောင်ကျော် ဆန္ဒပြရန်ကုန်တိုင်း၊ လှိုင်သာယာ စက်မှုဇုန်အမှတ် (၄) မှာရှိတဲ့ ကိုရီးယားနိုင်ငံသားပိုင် မူးအန်ဆူး (MYUE & SUE) အထည်ချုပ် စက်ရုံက အလုပ်သမား တစ်ထောင်ကျော်ဟာ အခြေခံလုပ်ခလစာ တိုးမြှင့်ပေးဖို့ အတွက် စက်ရုံရှေ့ကနေ လေးမိုင်လောက် အကွာအဝေးရှိတဲ့ မရမ်းကုန်းမြို့နယ်က ရန်ကုန်တိုင်း ဒေသကြီး အလုပ်သမား ညွှန်ကြားမှု ဦးစီးဌာနရုံးကို မနေ့က မနက်ပိုင်းက လမ်းလျှောက်ချီတက် ဆန္ဒပြခဲ့ကြပါတယ်။

လုပ်ခလစာ ဖြတ်တောက်တဲ့ကိစ္စ ဖြေရှင်းပေးဖို့ တောင်းဆိုရွှေပြည်သာ စက်မှုဇုန်မှာရှိတဲ့ ခိုင်ခိုင်စန္ဒာ ကားတပ်ဆင် ထုတ်လုပ်ရေး စက်ရုံက အလုပ်သမား (၆၀) ကျော်ဟာ အခြေခံ လုပ်ခလစာတွေ ဖြတ်တောက်ခံနေရတဲ့ကိစ္စ ဖြေရှင်းပေးဖို့ ရွှေပြည်သာမြို့နယ် အလုပ်သမား ဦးစီးဌာနရုံးကို မနေ့က သွားရောက်ပြီး အရေးဆို တိုင်ကြားခဲ့ကြပါတယ်။

မင်္ဂလာဒုံမြို့နယ် လယ်သမား (၇၅) ဦး ဆန္ဒထုတ်ဖော်ရန်ကုန်တိုင်း မင်္ဂလာဒုံ စက်မှုဇုန် တိုးချဲ့နယ်မြေအတွင်း ဝင်ရောက်တယ်ဆိုပြီး ဇေကမ္ဘာကုမ္ပဏီရဲ့ တားမြစ်ကန့်ကွက်မှု ခံထားကြရတဲ့ မင်္ဂလာဒုံမြို့နယ်၊ ဆင်ဖုံကျေးရွာနဲ့ သင်္ဃန်းကျွန်းကြီးကျေးရွာက လယ်သမား (၇၅) ဦးဟာ ထောက်ကြံ့မြို့မှာရှိတဲ့ မတူကွဲပြားခြင်းနဲ့ ငြိမ်းချမ်းရေး ပါတီ ရုံးချုပ်ရှေ့မှာ မနေ့က နေ့လည်က ဆန္ဒထုတ်ဖော်ခဲ့ကြပါတယ်။

ကျူးကျော် နေသူများကို အင်အားသုံးရှင်းမည်ဟု စည်ပင်အရာရှိ ပြောမန္တလေးတိုင်း ချမ်းမြသာ စည်မြို့နယ် မြရည်နန္ဒာရပ်ကွက် အတွင်းရှိ ကျူးကျော်နေထိုင်သူများကို သက်ဆိုင်ရာ အထက် ခွင့်ပြုမိန့်ကျသည်နှင့် ရှင်းလင်းသွားမည် ဖြစ်ပြီး တစုံတရာ ခုခံ ကာကွယ်ပါက အင်အား သုံး ဖြေရှင်းသွားမည်ဟု မန္တလေး စည်ပင်သာယာရေး ကော်မတီ မြေယာ စီမံခန့်ခွဲရေး ဌာနမှူး ဦးတင်ထွဋ်ကျော် က ပြောဆိုလိုက်သည်။မန္တလေးမြို့ တော်ခန်းမ၌ စက်တင်ဘာ ၅ ရက်နေ့က ကျင်းပသည့် သတင်းစာ ရှင်းလင်းပွဲ တခုတွင် ဦးတင်ထွဋ်ကျော်က ထိုသို့ ပြောကြားခြင်း ဖြစ်သည်။ချမ်းမြသာစည် မြို့နယ် မြရည်နန္ဒာ ရပ်ကွက်ရှိ ကျူးကျော် မြေကွက်များတွင် လက်ရှိ လူ နှစ်ထောင် ခန့် နေထိုင်လျက် ရှိကြောင်း သိရသည်။

အာမခံလုပ်ငန်း ပုဂ္ဂလိကလက် ချပေးပြီမြန်မာ့ အာမခံ လုပ်ငန်းသို့ လုပ်ငန်း လုပ်ပိုင်ခွင့် လျှောက်ထား ခဲ့ကြသည့် ပုဂ္ဂလိကပိုင်ကုမ္ပဏီ ၂၀ အနက် ၁၂ ခု ကို လုပ်ကိုင်ခွင့်ပြု လိုက်ပြီဖြစ်ကြောင်း လုပ်ကိုင်ခွင့်ရရှိသွားသည့် ပုဂ္ဂလိကုမ္ပဏီ ၁၂ ခုမှာ Apex Insurance International၊ I.K.B.Z Insurance၊ Great Future International Insurance၊ Capital Life Ltd Insurance Application၊ Global Standard Insurance၊ Green Asia Insurance၊ Pillar of Truth Insurance၊ ဧရာမြန်မာအာမခံလုပ်ငန်း၊ မြ၀တီအာမခံကုမ္ပဏီလီမိတက်၊ကျောက်စိမ်းဘုရင်နှင့် ဘုရင်မ ၀န်ဆောင်မှုကုမ္ပဏီလီမိတက်၊နိုင်ငံသားစီးပွားရေးအာမခံအများပိုင်လီမိတက်၊မြင့်မိုရ်မင်းအာမခံကုမ္ပဏီတို့ဖြစ်သည်။ ပုဂ္ဂလိကအား လုပ်ကိုင်ခွင့်ပြုသည့်အာမခံအမျိုးအစားများမှာ အသက်အာမခံနှင့် အထွေထွေ အာမခံများဖြစ်သည့် မီးအာမခံ၊ မော်တော်ယာဉ် အလုံးစုံ အာမခံ၊ ငွေပို့ငွေသယ် အာမခံ၊ငွေသားလုံခြုံမှု အာမခံ၊ သမာဓိအာမခံတို့ဖြစ်ပြီး လုပ်ငန်း၏ ခိုင်မာမှုနှင့် ယုံကြည်စိတ်ချရမှုအတွက် အသက်အာမခံလုပ်ငန်း လုပ်ကိုင်သူများမှာ Paid-up Capital မတည်ရင်းနှီးငွေ ကျပ်သန်းခြောက်ထောင်၊ အထွေထွေအာမခံအတွက် မတည်ရင်းနှီးငွေ ကျပ်သန်းလေးသောင်း နှင့် လုပ်ငန်း၂ခုပေါင်း လုပ်ကိုင်လိုသူတို့မှာ မတည်ရင်းနှီးငွေ ကျပ် ၄၆ ဘီလီယံ ရှိရမည်ဖြစ်ကြောင်း ထို့ကြောင့် ရွေးချယ်ခြင်းခံရသည့် ကုမ္ပဏီများအနေဖြင့် မိမိတို့ဆောင်ရွက်ရမည့် လုပ်ငန်းစဉ်နှင့် ပတ်သက်ပြီး ရင်းနှီးမြုပ် နှံမှုနှင့် ကုမ္ပဏီများ ညွှန်ကြားမှုဦးစီးဌာနတွင် မှတ်ပုံတင်ဆောင်ရွက်ကာ သက်ဆိုင်ရာ လုပ်ငန်း အမျိုးအစားအလိုက် မတည် ရင်းနှီးငွေကို မြန်မာ့စီးပွားရေးဘဏ်များတွင် ထည့်သွင်းရမည် ဖြစ်ကြောင်းနှင့် ယင်းကိစ္စရပ်များအား ဆောင်ရွက်ထားရှိခြင်း ရှိ မရှိကိုလည်း ကြီးကြပ်ရေးအဖွဲ့က စစ်ဆေးအတည်ပြုပြီးမှသာ လုပ်ကိုင်ခွင့် လုပ်ငန်းလိုင်စင်ကို ထုတ်ပေးသွား မည်ဖြစ်ကြောင်း အာမခံအမျိုးအစား ၄၁ မျိုးရှိသည့်အနက် လတ်တလောတွင် ၆ မျိုးကိုသာ လုပ်ကိုင်ခွင့် ချပေးမည်ဖြစ်သော်လည်း လုပ်ငန်း၏ ခိုင်မာရပ်တည်နိုင်မှုအပေါ် မူတည်ပြီး လာမည့်ကာလများတွင် လုပ်ကိုင်ခွင့်အမျိုးအစားများကို ထပ်မံ တိုးချဲ့ပေးသွားမည်ဖြစ်ကြောင်း စက်တင်ဘာလ ၅ ရက်နေ့က ပြုလုပ် သည့် စာနယ်ဇင်း ရှင်းလင်းပွဲတွင် အာမခံ လုပ်ငန်း ကြီးကြပ်ရေး အဖွဲ့ ဥက္ကဌ ဦးအေးမင်းသိန်းက ပြောသည်။

Bangkok Airways မန္တလေးသို့ ပြေးဆွဲရန် စိတ်ဝင်စားအာဆီယံ ဒေသတွင်း၌ စရိတ်သက်သာ စွာဖြင့် ပြေးဆွဲမည့် အစီအစဉ် အတွက် Bangkok Airways လေကြောင်းလိုင်းက မြန်မာနိုင်ငံ ကိုလည်း ထည့်သွင်း ရည်ရွယ်ထားကြောင်း သိရသည်။ ကမ္ဘောဒီးယား နှင့် လာအို နိုင်ငံကိုလည်း စိတ်ဝင်စားမှုရှိကြောင်း၊ အထူးသဖြင့် ပွင့်လင်းစပြုလာသည့် မြန်မာကို ပိုမို စိတ်ဝင်စားနေကြောင်း၊ လာမည့်နှစ်တွင် မြန်မာနိုင်ငံ မန္တလေးမြို့နှင့် လာအို နိုင်ငံ ဗီယန်ကျင်းမြို့ကို ပြေးဆွဲရန် အစီအစဉ်ရှိကြောင်း၊ ၂၀၁၅ ခုနှစ် အာဆီယံ စီးပွားရေး အသိုက်အ၀န်း အစိတ်အပိုင်း တခုအနေဖြင့် မျှော်မှန်းချက် ဖြစ်ကြောင်း The Nation သတင်းစာ၌ ရေးသားထားသည်။

မြန်မာ အစိုးရ မူးယစ်ဆေးဝါး တိုက်ဖျက်ရေး ပျက်ကွက်မြန်မာ အစိုးရသည် မူးယစ်ဆေးဝါး တိုက်ဖျက်ရေးနှင့် ပတ်သက်ပြီး ပျက်ကွက်ကြောင်း ထိုင်း နိုင်ငံ ဒု ၀န်ကြီးချုပ် Chalerm Yubamrung က ပြောဆိုလိုက်သည်။ ဘန်ကောက်မြို့တွင် အမေရိကန် ဒေါ်လော ၃ သိန်း ခွဲခန့် တန်ဖိုးရှိ စိတ်ကြွဆေးပြား ၃ သန်းကျော် ဖမ်းမိပြီးနောက် ယမန်နေ့က ယင်း သို့ ပြောဆိုလိုက်ခြင်း ဖြစ်သည်။ ထိုစိတ်ကြွဆေး များကို မြန်မာနိုင်ငံ အတွင်းမှ “၀” တိုင်းရင်းသား များက ထုတ်လုပ်နေခြင်း ဖြစ်သည်ဟု ထိုင်း ဒု ၀န်ကြီးချုပ်က ပြောဆိုကြောင်းလည်း AFP သတင်းတွင် ဖော်ပြ ထားသည်။

မူးယစ်ဆေးဝါး မြန်မာ ဆက်ထုတ်နေဟု ထိုင်း ဒု ၀န်ကြီးချုပ်ပြောထိုင်းနိုင်ငံ အနေနှင့် မူးယစ်ဆေးဝါး တိုက်ဖျက်ရေး လုပ်ဆောင်နေသော်လည်း အောင်မြင်မှုမရခြင်းသည် ဗီယက်နမ် နိုင်ငံမှ တဆင့် မူးယစ်ဆေးဝါး ထုတ်လုပ်နိုင်သော ဓာတုဆေးဝါးများကို ရယူ၍ မြန်မာနိုင်ငံအတွင်း ထုတ်လုပ်နေသောကြောင့် ဖြစ်သည် ဟု ထိုင်း ဒု ၀န်ကြီးချုပ် ချလုံ ယူဘမ်ပရုန်း က ပြောသည်။ယမန်နေ့က ဘန်ကောက်မြို့တွင် အမေရိကန် ဒေါ်လာ ၃ သိန်း ခွဲခန့် တန်ဖိုးရှိ စိတ်ကြွဆေးပြား ၃ သန်းကျော် ဖမ်းဆီးရမိမှုနှင့် ပတ်သက်သည့် သတင်းစာ ရှင်းလင်းပွဲ၌ ထည့်သွင်း ပြောဆိုခြင်း ဖြစ် သည်။“မူးယစ်ဆေးဝါးတွေက ဘယ်လောက်ပဲ ဖမ်းမိ ဖမ်းမိ မကုန်နိုင်ဘူး၊ ဘာဖြစ်လို့လဲ ဆိုတော့ မြန်မာနိုင်ငံ ထဲက ထုတ်လုပ်နေတယ်”ဟု ၎င်းက ဆိုသည်။
မူးယစ်ဆေးဝါး ထုတ်လုပ်နိုင်သော ဓာတုဆေးဝါးများကို ထိန်းချုပ်သော်လည်း မူးယစ်မှောင်ခိုသမားများက လမ်းကြောင်း ပြောင်း၍ ဗီယက်နမ် နိုင်ငံမှ ရယူပြီး ထုတ်လုပ်နေခြင်း ဖြစ်ကြောင်း ချလုံ ယူဘမ်ပရုန်းက ဆက်ပြောသည်။
ထိုင်းနိုင်ငံ မြောက်ပိုင်းဒေသရှိ ထိုင်း အာဏာပိုင်များကို မူးယစ်ဆေးဝါး နှိမ်နင်းရေး အတွက် ညွန်ကြားထားသည်ဟုလည်း ၎င်းက ဆိုသည်။
ချလုံ ယူဘမ်းပရုန်းက ထိုင်း-မြန်မာနယ်စပ်ဒေသ ချင်းရိုင် ခရိုင်သည် မူးယစ်ဆေးဝါး တိုက်ဖျက်ရေးနှင့် ပတ်သက်ပြီး အဓိက ကျသော နေရာ တခုဖြစ်ကြောင်းလည်း ပြောဆိုသေးသည်။
မူးယစ်းဆေးဝါး ကိစ္စနှင့် ပတ်သက်၍ မြန်မာ အစိုးရတာဝန်ရှိသူများကို ထိုင်း ဒု ၀န်ကြီးချုပ် က ဆက်သွယ်မေးမြန်းခဲ့ရာ ပြန်လည် ဖြေကြားခြင်း မရှိဟု ပြောဆိုကြောင်း မန်နေဂျာ အွန်လိုင်း အင်တာနက် စာမျက်နှာတွင်လည်း ယနေ့ ဖော်ပြထားသည်။
မြန်မာနိုင်ငံတွင်း မူးယစ်ဆေးဝါးထုတ်လုပ်နေမှုနှင့်ပတ်သက်ပြီး မြန်မာ အစိုးရက မည်သို့ ဆောင်ရွက်နေ သည်ကို သိလိုကြောင်း သတင်းထောက်များ ၏ မေးခွန်းနှင့် စပ်ဆက်၍ ချလုံ ယူဘမ်းပရုန်းက အထက်ပါ အတိုင်း ပြန်လည် ဖြေကြားခြင်း ဖြစ်သည်။
မူးယစ်ဆေးဝါးများကို ရှမ်းပြည်နယ် အတွင်းရှိ တချို့သော လက်နက်ကိုင် အဖွဲ့များက ထုတ်လုပ်နေကြပြီး ထိုင်းနိုင်ငံအတွင်းသို့ သယ်ဆောင် ရောင်းချနေကြောင်း သတင်း ဖော်ပြချက်များအရ သိရှိရသည်။
ရှမ်းပြည်နယ်ရှိ ၀ ပြည် သွေးစည်း ညီညွတ်ရေး တပ်ဖွဲ့(UWSA)နှင့် မူးယစ် မှောင်ခိုသမားများ ဆက်နွယ်မှုရှိသည်ဟု ယနေ့ထုတ် ဘန်ကောက်ပိုစ့် သတင်းစာတွင် ဖော်ပြထားသည်။
အမေရိကန် အစိုးကလည်း ယင်းဒေသတွင်းရှိ ငြိ်မ်းချမ်းရေးအဖွဲ့ တဖွဲ့ ဖြစ်သော UWSA သည် အာရှတွင် မူးယစ်ဆေးဝါးနှင့် စိတ်ကို ပြောင်းလဲစေသော ဆေးဝါးများကို အကြီးအကျယ် ထုတ်လုပ်နေသည့် အဖွဲ့ တဖွဲ့ ဖြစ်ကြောင်း ပြောဆိုထားသည်။
ပြီးခဲ့သည့်လ ၃၁ ရက်နေ့ကလည်း ထိုင်း-မြန်မာနယ်စပ် မယ်ဆိုင်မြို့ တဖက်ကမ်းရှိ တာချီလိတ်မြို့တွင် ကာလ တန်ဖိုး ကျပ်သိန်း ၁၀၉၂ သိန်းခန့် ရှိ စိတ်ကြွဆေးပြား ထုတ်လုပ်သော စက်နှင့် ဆက်စပ်ပစ္စည်းများအပါအ၀င် တရားခံဟု ယူဆရသူ ၄ ဦးကို ဖမ်း ဆီး ရမိခဲ့ကြောင်း တာချီလိတ် အင်တာနက် စာမျက်နှာက ဖော်ပြသည်။
မြန်မာနိုင်ငံသည် အာဖဂန်နစ္စတန် ပြီးလျှင် မူးယစ်ဆေးဝါး စိုက်ပျိုးထုတ်လုပ်မှု ဒုတိယ အများဆုံးနိုင်ငံအဖြစ် ဆက်လက်တည်ရှိနေ ကြောင်း သိရသည်။
တကမ္ဘာလုံး၌ မူးယစ်ဆေးဝါး သုံးစွဲသူပေါင်း ၂၇ သန်း ခန့်ရှိပြီး တနှစ်လျှင် သုံးစွဲသူ၏ ၁ ရာခိုင်နှုန်း နီးပါး သေဆုံးမှု ရှိကြောင်း၊ ဘိန်းဖြူ နှင့် ကိုကင်းသုံးစွဲမှုကြောင့် တနှစ်လျှင် လူ ၂ သိန်း ၀န်းကျင် သေဆုံးမှုရှိကြောင်းလည်း ကုလသမဂ္ဂ မူးယစ်ဆေးဝါးနှင့် ရာဇ၀တ်မှု ဆိုင်ရာရုံး(UNODC)၏ ၂၀၁၂ ခုနှစ် အစီရင်ခံစာ၌ ဖော်ပြထားသည်။