Tuesday, September 18, 2012

ပူတတ်စိုးရိမ်တတ်တဲ့အကျင့်


အလုပ်တစ်ခုကို တစ်ခါလုပ်တယ် နှစ်ခါလုပ်တယ် သုံးခါလုပ်တယ် ဥပမာပြောရယင် မနက်တိုင်း လဘက်ရည် အချိုသောက် တယ် နောက်ချွေတာရမယ့် အခြေအနေမျိုးနဲ့ ကြုံလို့ မသောက်ပဲေ နကြည့်တယ် သူကိုစွဲလန်းနေ မိတယ်၊ လဘက်ရည်အချိုမသောက်ရတဲ့နေ့ ဆိုယင် စိတ်ထဲတစ်မျိုးကြီးပဲ တစ်ခုခုလိုနေသလိုလဲထင်ရပါတယ်။


တကယ်တော့ဘာမှဖြစ်တာမဟုတ်ပါဘူး၊ အကျင့်ပါ အကျင့်လုပ်ထားလို့ အကျင့်ဆိုတာ အစပထမကတော့ အပ်ချည်မျှင်လိုပါပဲ အားနဲ့ ဆွဲဖြတ်ယင် ပြတ်နိုင်ပါသေးတယ်၊ ကြာလာတဲ့အခါမှာတော့ သံကြိုးမျှင်လို ခိုင်မာသွားတက်ပါတယ် ၊ဖြတ်လို့ မရတော့ပါဘူး၊ ခဲယဉ်းသွားပါတယ်။

ဒါပေမယ့် ဇွဲနဲ့ စိတ်ဆုံးဖြတ်ပြီး ဖြတ်ယင်ရနိုင်ပါတယ်။

တစ်ချို့သိပ်စိတ်ပူတက်တယ်၊ စိုးရိမ်တက်တယ်၊ အထူးသဖြင့် သံယောဇဉ်အသိုင်းအဂိုင်းနဲ့ ပတ်သက်လာယင် ခံစားမူပြဿနာတက်ပါလေရော သားသမီး သားမယားအပေါ်အစစ အရာရာ စိတ်မချနိုင်ပဲရှိနေတယ်တယ် ၊အိမ်မှာလူမစုံမချင်းလည်ပင်း တရှည်ရှည်ဖြစ်နေတက်ပါတယ်၊ အဲဒါဟာနေ့ စဉ်အလုပ်ပါပဲ။

ကြာတော့ပူရ စိုးရိမ်ရတဲ့ အလုပ်စာကိုယ့် အလုပ်မလုပ်ယင်ဖြစ်တဲ့အလုပ်ဖြစ်လာပါတော့တယ်။ ဒီလိုလူမျိုးတွေမှာလဲ စိတ်အေးချမ်းသာမူဆိုတာ မရှိပါဘူး၊ သူတို့ နဲ့ အပူဟာမီးနဲ့ မီးစာလိုပဲ ဒွန်တွဲနေပါတယ်၊ မီးမရှိလဲ မီးခြစ်နဲ့ ခြစ်ပြီးညှိလို့ ရတယ်၊ မီးစာကုန်လဲ အသစ်ထည့်ယင်ဖြစ်တယ်၊ဒါနဲ့ ပဲ အပူပြတ်တယ်ဆိုတာမရှိတော့ဘူး၊ လူနဲ့ အပူဆိုတာကတော့ လုံးဝကင်းရိုးထုံးစံမရှိရိုးအမှန်ပါ၊ ဒါပေမယ့်အပူကို နည်းနိုင်သမျှနည်းအောင်တော့ လုပ်ရပါလိမ့်မယ်။ ဘာကြောင့်လဲဆိုတော့ စိုးရိမ်ပူပန်မူတွေဟာ လူကို - - -

. . . . အသက်ကိုတိုစေပါတယ် ဒါကြောင့်နေပူတာမှမဟုတ် မီးအပူနားမှာ ကြာကြာမနေအပ်သလို စိုးရိမ်ပူပန်မူတွေကိုလဲ ကြာကြာမသိမ်းပိုက်ထားသင့်ပါဘူး။

. . . . ရုပ်ဆင်းပျက်ယွင်းမှေးမှိန်စေပါတယ်။

စိုးရိမ်ပူပန်မူတွေကို လေ့လာကြည့်တဲ့အခါ - - -

. . . . အချိန်တန်ကျယင် သူဟာသူပြီးသွားမယ့် အပူမျိုး

. . . . မိမိကကြံဖန်တွေးပြီး မဖြစ်သေးပဲ ဖြစ်မယ်မဖြစ်ဖူးဆိုတာကို သေသေချာချာ မသိပဲအလကားနေယင်း ပူနေတဲ့အပူ

. . . . မိမိမဟုတ်မတရားလုပ်မှပေါ်ပေါက်မယ် အပူ(အသိတရားနဲ့ ရှောင်ယင်ငြိမ်းသွားမယ့်အပူ)စသည်ဖြင့်ဒီလောက်ပဲရှိပါတယ်။

အသက်နဲ့ ခန္ဓာရတဲ့ သတ္တ၀ါမှန်သမျှ တိရိစ္ဆာန်ကအစ ပူမယ်ဆိုယင် ပူစရာတွေက ပတ်ချာဝိုင်းလို့ နေပါတယ်။

. . . . ကိုယ်တုံးလုံးနဲ့ နေရတဲ့ တိရိစ္ဆာန်သတ္တ၀ါတွေအဖို့ အချိန်မရွေး အပူရှပ်နိုင်တယ် အအေးမိနိုင်တယ်၊

. . . . စားစရာသောက်စရာ ရေရေရာရာ အာမခံချက်မရှိတဲ့အတွက် အချိန်မရွေးငတ်ပြီးသေနိုင်တယ်၊

. . . . လူအပါအ၀င်သတ္တ၀ါတွေရဲ့ နှလုံးခုန်မူဟာ စက်များလိုအချိ်န်မရွေး ရပ်သွားနိုင်ပါတယ် နှလုံးခုန်ရပ်သွားတာနဲ့  ဘာဖြစ်သွားလေ့ရှိတယ်ဆဆိုတာ လူတိုင်း သိပြီးသားပါ၊

. . . .အားလုံးသိကြတဲ့အတိုင်း ဒီနေ့ ကာလမှာ ယာဉ် ယန္တရားတွေရဲ့ သွားလာလှုပ်ရှားမူ ဟာအထူးများပြားလှပါတယ်၊ လူတွေဟာ ဒီယန္တရားတွေ ပျားပန်းခတ်လှုပ်ရှားသွားလာ နေကြတဲ့ကြားကပဲဖြတ်သန်းသွားလာနေကြရပါတယ်၊ သူတို့ ကိုစီးနင်းပြီးခရီးဆက်နေကြရပါတယ်၊ ဒီတော့ယာဉ်တိုက်မိလို့ ပဲဖြစ်ပါစေ အဲဒီယာဉ်မှောက်လို့ ပဲဖြစ်စေ အချိ်န်မရွေးနေရာမရွေး သေစေနိုင်တယ်လို့  မဆိုနိုင်ပေဘူးလား။ ဒါကြောင့်ပူတက်စိုးရိမ်တက်တဲ့ အလေ့အထဆိုးကလေးများ အစို့ အညှောက်ပေါက်နေခဲ့ယင် အမြန်သတ်ပစ်ပါ။

Posted by ရောင်စဉ်ငြိမ်း at 6:27 PM
Labels: မောင်ဒဂုန်
Shared from http://yaungzinnyein.blogspot.com/2009/10/blog-post_1320.html

No comments:

Post a Comment