နိုင်ငံတော် အစိုးရသစ်လက်ထက် တွင်ကချင်ပြည်နယ် အတွင်းရှိပြည်သူများငြိမ်းချမ်းသာယာစွာနေထိုင်
နိုင်ရေး အတွက် ကချင်လက်နက်ကိုင်တပ်ဖွဲ့ (KIA)
နှင့်ငြိမ်းချမ်းရေးဆွေးနွေးမှုများ အကြိမ်ကြိမ် လုပ်ဆောင်ခဲ့ ပါတယ်။
ငြိမ်းချမ်းရေးဆွေးနွေးပွဲတွေပျက်ပြယ်ရခြင်းအကြောင်းနဲ့ နယ်မြေခံလူထုရဲ့
ဆန္ဒအမှန်ကို သိရှိစေဖို့အတွက် မြစ်ကြီးနားမြို့
ငြိမ်းချမ်းရေးအကျိုးတော်ဆောင်အဖွဲ့မှ ဦးလမိုင်ဂွန်ဂျာနဲ့ အဖွဲ့ဝင်
(၈)ဦး ပါဝင်တဲ့ အဖွဲ့တစ်ဖွဲ့အနေနဲ့ ဖားကန့်မြို့နယ်အတွင်း
မနေ့ကသွားရောက်ခဲ့ပါတယ်။စစ်ဘေးဒဏ်ကြောင့် ထွက်ပြေးတိမ်းရှောင်နေကြရတဲ့ ဒေသခံအားလုံးက ကိုယ့်ရပ်ကိုယ်ရပ်မှာ အေးအေးချမ်းချမ်းနဲ့ပြန်လည် နေထိုင်လိုကြပြီး ကချင်ပြည်နယ်အတွင်း အစိုးရနဲ့kIA တပ်တွေ ငြိမ်းချမ်း ရေးတည်ဆောက်အောင်မြင်တာကိုပဲ တွေ့မြင်လိုကြတဲ့အကြောင်းထုတ်ဖော်ပြောဆိုကြပါတယ်။ ငြိမ်းချမ်းရေးအကျိုးဆောင်တွေအနေနဲ့လည်း ကချင်ပြည်နယ်ကြီးအေးချမ်းဖို့ အစွမ်းကုန်ကြိုးစားမယ်လို့ ကတိပြုပြောကြားခဲ့ပါတယ်။
ငြိမ်းချမ်းရေး အကျိုးဆောင်အဖွဲ့တွေအနေနဲ့ ကချင်လွတ်မြောက်ရေး တပ်မတော်(KIA)မှာ တာဝန်ထမ်း ဆောင်နေကြတဲ့ ကချင်စစ်မှုထမ်းတွေရဲ့ စိတ်ရင်းသဘောထားအမှန်ကို သိမြင်လိုတဲ့ အတွက် ဖားကန့် မြို့နယ်၊မှော်မောင်းကုန်းရွာမှာရှိနေတဲ့ ကချင်တပ်မတော်၊ တပ်မဟာ(၂) လက်အောက်ခံ တပ်ရင်း(၆) လှုပ်ရှားအဖွဲ့ဝင်တွေကိုလည်း သွားရောက်တွေ့ဆုံခဲ့ကြပါတယ်။ ကချင် တပ်ဖွဲ့ဝင်တွေအနေနဲ့ လည်းခုလိုမျိုး တစ်ဖက်နဲ့တစ်ဖက်ပစ်ခတ်တိုက်ခိုက်နေကြရတာကို ညည်းငွေ့ နေပြီ ဖြစ်ကြောင်း၊ ငြိမ်းချမ်းရေး ကိုအမြန်ဆုံး လုပ်ဆောင်စေချင်ကြောင်း၊ မိမိတို့ကြောင့် ကချင်လူမျိုးတွေ အခက်အခဲကြုံ နေရတာ မျိုးကိုမလိုလားပါကြောင်း သူတို့ရဲ့ရင်တွင်း ခံစားချက်တွေကို ထုတ်ဖော်ပြောဆိုခဲ့ကြပါတယ်။ ကချင်တပ်ဖွဲ့ ၀င်အများစုမှာ ကချင်ဒေသခံများ တွေ့ကြုံ ရင်ဆိုင်ခံစားနေရသောဒုက္ခများကြောင့် ငြိမ်းချမ်းရေးကို အမြန် ဆုံးလုပ်ဆောင်ပေးရန် ဦးလမိုင်ဂွန်ဂျာနဲ့အဖွဲ့ကို ပြောကြားခဲ့တယ်လို့ သိရှိရပါတယ်။
From -ကချင်နေ့စဉ်သတင်း
No comments:
Post a Comment