ဗြိတိန်နိုင်ငံ လန်ဒန်ရှိ ဟိဿရိုး လေဆိပ်တွင် ရာသီဥတု အခြေ အနေကြောင့် တနင်္လာနေ့က လေယာဉ်ခရီးစဉ် (၁၀)ရာခိုင်နှုန်းမျှကို ဖျက်သိမ်းခဲ့ရကြောင်း သိရှိရသည်။ ကမ္ဘာပေါ်တွင် နေ့စဉ် ခရီးသည် အဝင်အထွက် အများပြားဆုံး စာရင်းဝင် နိုင်ငံတကာ လေဆိပ်သည် တနင်္ဂနွေနေ့ကလည်း ခရီးစဉ် စုစုပေါင်း၏ (၂၀) ရာခိုင်နှုန်း ကို ရွှေ့ ဆိုင်းခဲ့ရသေးသည်။
အဓိကအားဖြင့် ဗြိတိန်နိုင်ငံတစ်ဝှမ်းလုံး ဆီးနှင်းများထူထပ်များပြားစွာကျရောက်နေခြင်းကြောင့် ယခုလို ခရီးစဉ်များဖျက်သိမ်းနေရခြင်း ဖြစ်သည်။
လေ့လာသူများက ရာသီဥတု ဆက်လက် ပြင်းထန်နေနိုင်သည့် အခြေအနေကြောင့် အလားတူ အခြေ အနေမျိုးလာမည့် နေ့ရက်များတွင် ဆက်လက် ပေါ်ပေါက်နေနိုင်ဆဲဟု မှတ်ချက်ပြုထားသည်။
ဟိဿရိုးသည် ဥရောပတွင် အလုပ်အရှုပ်ဆုံး၊ ခရီးသည် အဝင်အထွက် အများဆုံး လေဆိပ် လည်း ဖြစ် သည်။ တနင်္လာနေ့တွင်မူ ခရီးစဉ် စုစုပေါင်း (၁၃၀)မျှကို ဖျက်သိမ်းခဲ့ရသည်။ ယင်းတို့အနက် အများ ဆုံးသည် ဗြိတိသျှ လေကြောင်းလိုင်းများ ဖြစ်ကြသည်။
Planet Myanmar Network
No comments:
Post a Comment