အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်ဟာ မွန်ဂိုလီးယားနိုင်ငံမှာ ကျင်းပမယ့် “ဒီမိုကရေစီ လူမှုအဖွဲ့အစည်း ညီလာခံ” ကို တက်ရောက်ဖို့ မနက်ဖြန် ဧပြီလ ၂၇ ရက်နေ့ မှာ မြန်မာ နိုင်ငံက ထွက်ခွာမှာဖြစ်တယ်လို့ အမျိုးသားဒီမိုကရေစီအဖွဲ့ချုပ်က အတည်ပြု ပြောကြားလိုက်ပါတယ်။
မွန်ဂိုလီးယား အစိုးရက “ဒီမိုကရေစီ လူ့အဖွဲ့အစည်း ညီလာခံ” ကို ကမကထပြုပြီး လက်ခံကျင်းပမှာသလို နိုင်ငံပေါင်း ၁၃၁ နိုင်ငံက နိုင်ငံ့ခေါင်းဆောင်တွေအပြင် နိုင်ငံတကာ အဖွဲ့အစည်းပေါင်း ၂၀ က ကိုယ်စားလှယ်တွေလည်း တက်ရောက်ဆွေးနွေးကြမှာ ဖြစ်ပါတယ်။
အဲဒီ ဒီမိုကရေစီ ညီလာခံနဲ့ ပတ်သက်ပြီး အမျိုးသားဒီမိုကရေစီအဖွဲ့ချုပ် နာယက ဦးတင်ဦးက RFA ကို အခုလို မှတ်ချက်ပေး ပြောဆိုပါတယ်။
" အရင် သူလွတ်ခါစကတည်းက ဖိတ်ကြားထားတာရှိတယ်၊ မွန်ဂိုးလီးယားက တစ်ချိန်တုံးက တရုတ်ပြည် နဲ့ နီးစပ်တော့ တရုတ်ပြည်ရဲ့ အရိပ်အောက်မှာ ရှိတဲ့နိုင်ငံတစ်ခုကနေ အခုက ဒီမိုကရေစီ ထွန်းကား လာတော့ တိုးတက်ကောင်းမွန်လာတော့ အဲ့ဒါတွေနဲ့ ပတ်သက်လို့ အကျိုးရှိတာတွေ ပူးပေါင်းဆောင် ရွက်နိုင်ဖို့အတွက်ပါ"
ပြီးခဲ့တဲ့ မတ်လဆန်းပိုင်းက မွန်ဂိုလီးယား ဒုတိယနိုင်ငံခြားရေးဝန်ကြီး D. Gankhuyag နဲ့ အဖွဲ့ဟာ မြန်မာနိုင်ငံကို ရောက်ရှိခဲ့ပြီး မြန်မာအစိုးရ တာဝန်ရှိသူတွေနဲ့ တွေ့ဆုံဆွေးနွေးခဲ့ သလို ဒေါ်အောင်ဆန်းစုကြည်နဲ့လည်း ဆွေးနွေးခဲ့ပါတယ်။
အခုကျင်းပမယ့် ဒီမိုကရေစီ ညီလာခံကို မြန်မာလွှတ်တော်နဲ့ အစိုးရကိုယ်စားလှယ်တွေလည်း တက်ရောက်မှာ ဖြစ်တယ်လို့ ဒီမိုကရေစီ ညီလာခံဖြစ်မြောက်ရေးအဖွဲ့က သတင်းထုတ်ပြန်ထားပါတယ်။
From....RFA
No comments:
Post a Comment