သင်္ကြန်ကာလမှာ ပရိုမိုးရှင်းတွေက များတယ်။ ဒီအထဲက ခရီးသွားတာနဲ့
သက်ဆိုင်တဲ့ အထူးပရိုမိုးရှင်တခုကတော့ ဈေးချိချိုနဲ့ လေယာဉ် စီးကြလို့
ရတာပါဘဲ။ ဒီကနေ့ နိုင်ငံပိုင် မြန်မာ့အလင်းသတင်းစာမှာ သင်္ကြန်အထူးအစီအစဉ် အဖြစ် မန္တလေး-ရန်ကုန်ခရီးစဉ် လေယာဉ်လက်မှတ် တစောင်ကို ကျပ်ငွေ ၃၅၀၀၀ နဲ့ ရောာင်းချပေးနေပါတယ်တဲ့။
မြန်မာ့လေကြောင်းလိုင်းက မတ်လ ၁၄ ရက်ကနေ ဧပြီလ ၁၃ ရက်အထိ ပရိုမိုးရှင်း ကာလ သတ်မှတ်ပြီး ကျပ် ၄ သောင်းခွဲနဲ့ ရောင်းချပေးနေရာက အခု အထူးအစီအစဉ်အရ မတ်လ ၂၄ ရက်နေ့က စတင်ပြီး လက်မှတ် တစောင်ကို ကျပ် ၃ သောင်းခွဲနဲ့ ရောင်းချပေးသွားမှာဖြစ်ပါတယ်တဲ့။
အထူးလျှော့ဈေးနဲ့ မြန်မာ့လေကြောင်း လေယာဉ်လက်မှတ်တွေကို မြန်မာ့လေကြောင်း ( မန္တလေး ရုံးခွဲ) မှာ မနက် ၈ နာရီကနေ ညနေ ၃ နာရီအထိ ၀ယ်ယူနိုင်ပါပြီတဲ့။
မြန်မာ့လေကြောင်းစီးပြီး ရန်ကုန်နဲ့ မန္တလေး သင်္ကြန်တွေကို အလည်သွားလိုသူတွေအတွက် သတင်းကောင်း တ ခုပေါ့။
အိမ့်သံစဉ်
ဧရာဝတီblog
No comments:
Post a Comment