ပတ်ဝန်းကျင် ထိန်းသိမ်းရေးနှင့် သစ်တော ရေးရာ ၀န်ကြီး ဌာန၊ မြန်မာ့ သစ်
လုပ်ငန်းမှ ပြည်သူများသို့ သစ်ခွဲသားများကို လွတ်လပ်စွာ ရောင်း ချပေးမှာ ဖြစ်တယ်လို့သိရပါတယ်။ ဒီလို သစ်ခွဲ သားများ ရောင်းချမှု ကိုတော့ ယခု ၂၀၁၃-၂၀၁၄
ဘဏ္ဍာနှစ်မှ စတင် ပြီး နေပြည်တော် ကောင်စီ၊ တိုင်းဒေသကြီး နဲ့ ပြည်နယ်များရှိ
မြန်မာ့သစ် လုပ်ငန်းပိုင် သစ်စက်၊ သစ်ဆိုင်များတည်ရှိတဲ့ နေရာများမှာ
မည် သည့် ထောက်ခံချက်မှမလိုအပ်ပဲ သစ်ခွဲသားများကို လွတ်လပ်စွာ ၀ယ်ယူသုံးစွဲ
နိုင်မှာ ဖြစ်ပါတယ်။ဒီလိုသစ်ခွဲသားများကို ပြည်သူများထံသို့ လွတ်လပ်စွာ ရောင်းချ ပေးမှုဟာ နိုင်ငံတော်မှစီမံချက် ချမှတ် ဆောင်ရွက်နေတဲ့ ပြုပြင် ပြောင်းလဲရေး လုပ်ငန်းစဉ်များအရ ပြည်သူလူထုဗဟိုပြုဖွံ့ဖြိုး တိုးတက်ရေးကို အထောက်အကူ ပြုစေဖို့နဲ့ ပြည်သူတို့ရဲ့ စားဝတ်နေရေး လိုအပ်ချက်များ အနက် အဓိက တစ်ခုဖြစ်တဲ့ နေရေး လိုအပ်ချက်ကို ဖြည့်ဆည်း ပေးနိုင်ဖို့တို့အတွက် ဖြစ်တယ်လို့ သိရပါတယ်။ ပြည်သူများ အနေနဲ့လည်း သစ်ခွဲသားများကို လွတ်လပ်စွာဝယ်ယူမှုမှာ ဈေးနှုန်းသက်သာစွာလွယ်ကူစွာဖြင့် ၀ယ်ယူနိုင်ပြီး နေရေး လိုအပ်ချက်ကို ဖြည့်ဆည်း နိုင်သွားမှာ ဖြစ်တယ်လို့ သိရပါတယ်။ ဒါ့အပြင် တရားမ၀င် သစ်ထုတ် ယူ ရောင်း ၀ယ်ခြင်းကိုလည်း ကာကွယ် တားဆီးနိုင်မှာ ဖြစ်တယ်လို့ သတင်း ရရှိပါတယ်။
Copy From >> MRTV-4
No comments:
Post a Comment