မြန်မာ အစိုးရနဲ့ ညီညွတ်သောတိုင်းရင်းသားလူမျိုးများ ဖက်ဒရယ် ကောင် စီ UNFC တို့ နိုင်ငံရေး ဆွေးနွေး ပွဲ အတွက် အကြိုအဖြစ် ဇွန်လကုန် ပိုင်း လောက်မှာ တွေ့ဆုံ ဆွေးနွေးဖို့ ရှိနေပါတယ်။
အဲဒီအတွက် UNFC ခေါင်းဆောင်တွေအကြားမှာ အရေးပေါ် အစည်းအဝေးလည်း ကျင်းပဖြစ်ကြပါတယ်။
ဆက်စပ်သတင်းနဲ့ အစီအစဉ်များUNFC ယူကေမှာ လေ့လာရေး ခရီးရောက် ရှိUNFC နဲ့ဆွေးနွေးခိုက် တိုက်ပွဲဖြစ်UNFC နဲ့ ငြိမ်းအဖွဲ့ ကြေညာချက်ထုတ် အစိုးရနဲ့တွေ့တဲ့အခါမှာ ဘာတွေ ဆွေးနွေးကြမလဲ ဆိုတာကို UNFC ရဲ့ တွဲဖက် အထွေထွေအတွင်းရေးမှူး ၂ ဗိုလ်မှူးကြီး ခွန်ဥက္ကာကို မေးကြည့်တော့ ဒီဆွေးနွေး ပွဲဟာ အစိုးရနဲ့ နိုင်ငံရေးအရဆွေးနွေးဖို့ အကြိုညှိနှိုင်းပွဲ နံပါတ် ၂ ဖြစ်လာနိုင်ကြောင်း ပြောပါ တယ်။ နံပါတ် ၁ ကိုတော့ ပြီးခဲ့တဲ့ ဖေဖော်ဝါရီ လထဲမှာ ပြုလုပ် ခဲ့ပြီး ဖြစ်တယ်လို့ ဆိုပါတယ်။
လက်ရှိ အခြေအနေ အရတော့ အစိုးရနဲ့ နိုင်ငံရေးပိုင်း ဆွေးနွေးဖို့ အခြေအနေမျိုး မရောက်သေးတဲ့ အကြောင်း ပြောပါတယ်။ တကယ်လို့ UNFC အဖွဲ့ဝင် တွေအကြား တပြေးညီထဲ ဖြစ်ခဲ့ရင်တော့ စနိုင်မယ်လို့ ထင်ကြောင်း ပြောပါတယ်။
အစိုးရဘက်က ချမှတ်ထားတဲ့ မူတွေ ရှိသလို UNFC ဘက်ကလည်း မူတွေ ချထားပြီးဖြစ်လို့ ဒါတွေကို ကိုင်ပြီးပဏာမ ညှိနှိုင်းမယ်လို့ ပြောပါတယ်။ ညှိနှိုင်းကြရာမှာလည်း လွယ်မယ့်အချက်တွေကို ဦးစားပေး ဆွေးနွေးပြီးမှ ခက်ခဲမယ့်ကိစ္စတွေကို နောက်ပိုင်းမှာ ဆွေးနွေးသွားဖို့စဉ်းစား ထားကြောင်း ပြော ပါတယ်။
လွယ်မယ့် ကိစ္စတွေ ဆိုတာကတော့ အစိုးရ ဘက်ကလည်း လိုက်လျောနိုင် မယ့်၊ ညှိနှိုင်းလို့လည်း လွယ်မယ့် အပစ် အခတ် ရပ်စဲ ထားတာ ပိုပြီး ခိုင်မာကာ အာမခံချက် တွေ ရှိဖို့ ၊ တခါ အပစ်ရပ် စာချုပ်တွေအရ ပြည်ထောင်စု အစိုးရက လိုက်ပါ လုပ်ဆောင် အကောင် အထည် ဖော်ရမယ့် အချက်တွေ ကို လိုက်ပါဆောင်ရွက်ဖို့ ဖြစ်ကြောင်း ၊ ပြည်ထောင်စု တဝှမ်း အပစ်ရပ် ကြေညာ ပေးတာမျိုး နဲ့ အထွေထွေ လွတ်ငြိမ်း ချမ်းသာခွင့် ပေးတာမျိုးတွေ ဖြစ်တယ်လို့ ပြောပါတယ်။
တကယ်လို့ အထွေထွေ လွတ်ငြိမ်းခွင့်ကို မကြေညာနိုင်ရင် တောင်မှ ငြိမ်းချမ်းရေး ဆွေးနွေးပွဲ ကာလ အတွင်း UNFC ခေါင်းဆောင်တွေသွားရေးလာရေး အဆင်ပြေအောင် ခေါင်းဆောင်တွေ အပေါ်မှာ လွတ်ငြိမ်း ခွင့် ကြေညာ ပေးဖို့ တွေ ဖြစ်တယ်လို့ ဆိုပါတယ်။
အခု ဆွေးနွေးပွဲဟာ နိုင်ငံရေး ပြေလည်မှု ရအောင် အပစ်ရပ်စဲရေး ခိုင်မာမှုကို ဦးတည်စေမယ့် ကိစ္စ ဖြစ်တဲ့ အတွက် ပြည်ထောင်စု အစိုးရ ဘက်ကလည်း လိုက်လျော လိမ့်မယ်လို့ ယူဆထားတယ်လို့ ပြောကြား ခဲ့ပါတယ်။
BBC
No comments:
Post a Comment