နေပြည်တော် ဆီးဂိမ်း သတင်းယူမည့် ပြည်တွင်း၊ ပြည်ပ အားကစား ဓာတ်ပုံ ဆရာများကို Canon ကုမ္ပဏီမှ ကင်မရာနှင့် မှန်ဘီလူး အမျိုးမျိုးကို MPC တွင် ဒီဇင်ဘာ ၁၁ ရက်နေ့၌ စတင်၍ အခမဲ့ ငှားရမ်း ပေးမည် ဖြစ်ကြောင်း Canon Service ဌာန တာဝန်ခံ ဦးကျော်ကိုကိုမြင့် က ပြောကြားခဲ့သည်။
အားကစား ဓာတ်ပုံ ဆရာများကို EOS Professional Camera မျိုးစုံနှင့် အဝေးကို ဆွဲရိုက်နိုင်သော မှန်ဘီ လူး (Tele Lens) အကျယ်ချဲ့နိုင်သော မှန်ဘီလူး (Wide Lens) များ စသည့် ပစ္စည်းများကိုလည်း Canon ကုမ္ပဏီမှ အခမဲ့ ဝန်ဆောင်မှု ပေးသွားမည် ဖြစ်သည်။
ယင်းအပြင် Canon ကင်မရာ အသေးစား ပြဿနာများ ကိုလည်း (MPC) ၏ Journalist Wor- king Room တွင် ဒီဇင်ဘာ ၁ဝ ရက်နေ့မှ စတင်ကာ တစ်ရက်အတွင်း ပြင်ဆင်ပေးသွားမည် ဖြစ်ပြီး ပြင်ဆင် နေစဉ်တွင် အခြားဘော်ဒီ တစ်လုံးကို အစားထိုး ငှားရမ်းသွားမည် ဖြစ်ကြောင်း၊ ငှားရမ်းခဲ့သော Canon ပစ္စည်းတစ်ခု ပျက်စီး ဆုံးရှုံး ခဲ့လျှင် တန်ဖိုးအတိုင်း ပေးလျော်ရမည် ဖြစ်ကြောင်း ၎င်းက ရှင်းပြခဲ့သည်။
မြ၀တီ
No comments:
Post a Comment