၂၀၁၄ ကမ္ဘာ့ဖလားပြိုင်ပွဲတွင် ဥရုဂွေးတိုက်စစ်မှူးဆွာရက်ဇ်က တစ်စုံတစ်ဦးကို သွားဖြင့် ကိုက်၊ မကိုက်ဆိုသည့် လောင်းကြေးတစ်ရပ်ကို နော်ဝေ အွန်လိုင်းလောင်းကစားဒိုင်တစ်ခုက ဖွင့်လှစ်ခဲ့ရာတွင် ၁၆၇ ဦး လောင်းကြေးထပ်ခဲ့သည်။
ထိုလောင်းကစားဒိုင်သည် ဆွာရက်ဇ် ကိုက်၊ မကိုက်ကို ၁၇၅ ဆ ( ၁) ဆဖြင့် လောင်းကြေးဖွင့်ပေး ခဲ့ခြင်း ဖြစ်သည်။
ESPN သတင်းဌာနမှ ဒါရန်ရိုဗယ်က လောင်းကြေးသမားတစ်ဦး၏ ကူပွန်ကို ဓာတ်ပုံနှင့်တကွ ဖော်ပြခဲ့သည်။ ထိုကူပွန်ပိုင်ရှင် သောမတ်စ်ဆီဗာဆင်မှာ ၃၂ ခရွန်နီ (ကန်ဒေါ်လာ ၅ဒသမ၂၅) လောင်းခဲ့ရာတွင် ၅၆၀၀ ခရွန်နီ(ကန်ဒေါ်လာ ၉၁၆ ဒေါ်လာ) အမြတ်ရခဲ့သည်။ လောင်းကြေး အများဆုံး အနိုင်ရခဲ့သူမှာ ကန်ဒေါ်လာ ၃၃၀၀ ရရှိခဲ့သည်။
ယခုကဲ့သို့ သွားဖြင့် ကိုက်ခဲ့ခြင်းသည် ဆွာရက်ဇ်အတွက် တတိယအကြိမ်မြောက် ဖြစ်သည်။ အေဂျက်ဇ် ကစားသမားဘ၀တွင် ပီအက်စ်ဗွီမှ ဘတ်ကယ်ကို ပထမဆုံးကိုက်ခဲ့ပြီး ( ၇) ပွဲပယ် ပြစ်ဒဏ်ချမှတ်ခံ ခဲ့ရသည်။ ပရီးမီးယားလိဂ်တွင်လည်း ချယ်လ်ဆီး နောက်ခံလူ အိုင်ဗန်နိုဗစ်ခ်ျ၏ လက်မောင်းကို ကိုက်ခဲ့သောကြောင့် ၁၀ ပွဲပယ် ပြစ်ဒဏ် ချမှတ်ခံခဲ့ရသည်။
ရည်ညွှန်း - ဂိုး၊ ယူအက်စ်အေတူဒေး
Mizzima
No comments:
Post a Comment