 |
| ၂၀၁၄ ဩဂုတ် ၂၄ ရက်က ပျိုမေ့အိမ် လူမှုဖွံ့ဖြိုးတိုးတက်ရေးအသင်းနှင့် အမျိုးသမီး ငွေစုငွေချေးအဖွဲ့များ ဖွံ့ဖြိုးတိုးတက်ရေး စုပေါင်းကွန်ရက်တို့မှ ပြုလုပ်ကျင်းပသော ဆင်းရဲမှုဘဝကို ကျရောက်နေကြသော အိမ်ထောင်မိသားစုများ စောင့်ရှောက်မြှင့်တင်ရေး ရန်ပုံငွေနှင့် တန်ဖိုးနည်းအိမ်ရာစီမံကိန်းအကြောင်း ရှင်းလင်းပွဲကို တွေ့မြင်ရစဉ်။ |
ဒေါ်ဗန်လီဇာအောင်က“ကျူးကျော် ပြဿနာမှာဆိုရင် ဒီအိမ်ရာမဲ့ ပြဿနာပေါ့ များပြားလာတဲ့ ဥစ္စာကို ဖြေရှင်းလို့ မရဘူးဆိုတဲ့ ရှုထောင့်နဲ့နေနေတာ မှားတယ်လို့ ပြောချင်တယ်။ ဖြေရှင်းလို့ရတယ်။ လေးနှစ်ငါးနှစ်တာ လုပ်ဆောင်ရတဲ့ အတွေ့အကြုံနဲ့ ပြောတာ”ဟု ပြောသည်။
သြဂုတ်လ ၂၄ ရက်က တီးတိန်နှစ်ခြင်းအသင်းတော်တွင် ဆင်းရဲမှုဘ၀ကျရောက်နေသော အိမ်ထောင်မိသားစုများ စောင့်ရှောက်မြှင့်တင်ရေး ရန်ပုံငွေနှင့် တန်ဖိုးနည်းအိမ်ရာစီမံကိန်းပတ်သက်ပြီး သတင်းစာရှင်းလင်းပွဲတွင် ပြောခြင်းဖြစ်သည်။
အဆိုပါကွန်ရက်တွင် အဖွဲ့ပေါင်း ၃၀ နှင့် အဖွဲ့ဝင်ပေါင်း ၁,၀၀၀ ကျော်တို့ ချိတ်ဆက်ထားပြီး အဖွဲ့ဝင်များထဲမှ အဖွဲ့ဝင် ၉၃ ဦးကို မြောက်ဥက္ကလာပမြို့နယ်၊ (ဌ) ရပ်ကွက် ဒေါနလမ်း၊ ပေ ၂၀၀ x ၁၀၀ တွင် အိမ်အခန်း ၃၀၊ လှိုင်သာယာ၊ ဗိုလ်အောင်ကျော်လမ်း၊ ၂၃ ရပ်ကွက်ရှိ ပေ ၁၂၀ x ၆၀ တွင် အိမ် ၁၀ ခန်း၊ ထန်းတပင်မြို့နယ်၊ ရခိုင်ရိုးလေးကျေးရွာရှိ ပေ ၂၂၀ x ၂၁၀ တွင် အိမ် ၄၁ ခန်း အိမ်ရာများ ချထားပေးပြီဟု သတင်းထုတ်ပြန်သည်။
ငွေစုငွေချေးဥက္ကဋ္ဌ ဒေါ်ခင်ယုမော်က“ငွေစုထားတဲ့ ငွေတွေနဲ့ မြေတွေဝယ်တယ်။ တစ်နှစ်ပြည့်တဲ့သူတွေကို အိမ်ရာပေးတယ်။ ငွေစုလာတာ တစ်သိန်းရှိရမယ်။ တစ်ပတ်ကို တစ်ထောင်စုတယ်”ဟု ပြောသည်။
အဆိုပါအိမ်ရာနေထိုင်သူများတွင် ၉၀ ရာခိုင်းနှုန်းမှာ ကျူးကျော်များဖြစ်ပြီး ၁၀ ရာခိုင်နှုန်းမှာ အိမ်ငှားနေထိုင်သူများဖြစ်သည်ဟု အဆိုပါကွန်ရက်မှ အထွေထွေအတွင်းရေးမှူး ဒေါ်အုန်းမြိုင်က မဇ္ဈိမကို ပြောသည်။
မဇ္ဈိမ
No comments:
Post a Comment