ရှမ်းပြည်နယ် အရှေ့ ပိုင်း၊ မိုင်းရူးမြို့ နယ်၊ ၀မ်လွယ်ကျေးရွာအုပ်စုအတွင်းရှိ ကျေးရွာများ၌ ယမန်နေ့က SSA (၀မ်ဟိုင်း) အဖွဲ့မှ ဆက်ကြေးငွေများ ကောက်ခံသွားခဲ့သည်ဟု ဒေသခံဝန်ထမ်း တစ်ဦး၏ ပြောပြချက် အရ သိရ သည်။
“ ဟိုတစ်နေ့ မနက်ပိုင်းက ရွာထဲကို ရှမ်းစစ်သားတွေ ၀င်လာတယ်၊ တစ်အိမ်ကို ၁၀၀၀ ကနေ ၁၀၀၀၀ အထိ ကောက်သွားတာပဲ၊ တိုက်ပွဲတွေဖြစ်နေတဲ့ ကာလမှာ သူတို့ကို ဆက်ကြေးပေးနေရတာဟာ ကျွန်တော် တို့ ဒေသခံတွေအတွက် အများကြီးနစ်နာပါတယ်၊ အခုမိုင်းရှုး - တန့်ယန်းကားလမ်းကလည်း ပိတ်ထားတယ်၊ မီးသွေးဖုတ်ထားတာတွေ ဘယ်ကိုမှ သွားမရောင်းရဲဘူး၊ လမ်းမှာစစ်ဆေးမေးမြန်းတာတွေ လုပ်တယ်၊ အခန့် မသင့်ရင် ထိုးကြိတ်ရိုက်ပုတ်တာ ခံရသေးတယ်၊ ကိုယ့်မိသားစုအတွက်တောင် စားဖို့မနည်းရှာဖွေနေရတဲ့ ကာလမှာ အဲဒီလို ဆက်ကြေးတွေပေးရတာ မတရားဘူးလို့ ထင်တယ်ဗျာ၊ ဒီဝဋ်က ဘယ်တော့ကျွတ်မလဲ မသိပါဘူး ” ဟု ၀မ်လွယ် ရွာသားတစ်ဦးက ပြောပြသွားသည်။
SSA (၀မ်ဟိုင်း) အဖွဲ့သည် မိုင်းရှုးမြို့နယ်၊ ၀မ်လွယ်ကျေးရွာအုပ်စုအတွင်း ရှိ ကျေးရွာများ၌ နေ့စဉ် လှည့်လည်သွားလာပြီး ဆက်ကြေးများကောက်ခံလျှက်ရှိကြောင်း ၊ ဌာနဆိုင်ရာအဖွဲ့အစည်းများအား သွားရောက် သတင်း ပေးပါက တစ်ရွာလုံးကိုမီးရှို့ပစ်မည်ဟု ခြိမ်းခြောက်ထားကြောင်း၊ အချို့ရွာများမှ မိသားစုဝင်များမှာ တန့်ယန်းမြို့နယ်အတွင်း ဖြစ်ပွားနေသော တိုက်ပွဲများကြောင့် မိုင်းရှုးမြို့ပေါ်သို့ ထွက်ပြေး တိမ်းရှောင်လျက်ရှိကြောင်း မိုင်းရှုးမြို့ခံတစ်ဦး၏ ပြောပြချက်အရ သိရှိရပါသည်။
စော်ဘွားလေး
ရှမ်းသတင်းစဉ်
No comments:
Post a Comment