ပဲခူး ရွှေမော်ဓောဘုရားရင်ပြင်တော်တွင် ဒုရဲအုပ်ဇော်မိုးလွင်၊ တပ်ကြပ်ကြီး ထွန်းလင်းစိုး၊ ဒုတပ်ကြပ် ရန်နိုင်အောင်၊ ရွှေမော်ဓောဘုရား လုံခြုံရေးဌာန ဌာနမှူး ဦးလှိုင်မြင့်၊ လုံခြုံရေး ဦးသက်လွင်တို့နှင့်အတူ လှည့်ကင်းဆောင်ရွက်နေစဉ် ဧပြီ ၂ဝ ရက် ညနေ ၄ နာရီ မိနစ် ၅ဝ က ရင်ပြင်တော်အနောက်ဘက်မုခ် ဦးဖိုးကြား တန်ဆောင်းအတွင်းရှိ နှီးဘုရား အလှူခံပုံးမှန်ကိုခွဲ၍ အလှူခံပုံးအတွင်းမှ အလှူခံငွေများအား ကရင်(ခ)ရဲဝင်းအောင် (၃၈)နှစ် မြို့ရှောင်လမ်း အမှတ်(၁၇) ရပ်ကွက် ဥဿာမြို့သစ် ပဲခူးမြို့နေသူမှာ ခိုးယူနေစဉ်တွေ့ရှိရပြီး ၎င်းဝတ်ဆင်ထားသည့် FALIMAN တံဆိပ်ပါ စပို့ရှပ်အင်္ကျီအတွင်းမှ ထိုင်းဘတ်ငွေ ၅ဝ ကျပ်တန်တစ်ရွက်၊ ထိုင်းဘတ်ငွေ၂ဝ ကျပ်တန် တစ်ရွက်၊ တစ်ထောင်ကျပ်တန် အသေး ၂၆ ရွက်၊ ငါးရာကျပ်တန် ၂၄ ရွက်၊ နှစ်ရာကျပ်တန် ၆၈ ရွက်၊ တစ်ရာကျပ်တန် ၆၆ ရွက်၊ ငါးဆယ်ကျပ်တန် ၄၉ ရွက်၊ နှစ်ဆယ် ကျပ်တန်ငါးရွက်၊ တစ်ဆယ်ကျပ်တန် တစ်ရွက်၊ ငါးကျပ်တန် နှစ်ရွက်တို့ကို တွေ့ရှိခဲ့သဖြင့် ၎င်းအား ပဲခူးမြို့မရဲစခန်းက အမှုဖွင့် အရေးယူထားကြောင်းနှင့် ကရင် (ခ)ရဲဝင်းအောင်သည် ယခင်ကလည်း အလားတူခိုးမှုများ ကျူးလွန်ခဲ့ပြီး ပြစ်ဒဏ်ခံရဖူးသူဖြစ်ကြောင်း သိရသည်။
The Mirror Daily
No comments:
Post a Comment