ဗိုလ်ချုပ်အောင်ဆန်းနှစ် ၁ဝဝပြည့် မတိုင်ခင်မှာဗိုလ်ချုပ်အောင်ဆန်း ရဲ့ ဘဝဖြတ်သန်းမှုကို ပြဇာတ်အဖြစ်ဇာတ်မင်းသားဖိုးချစ်က ကပြဖျော်ဖြေမယ်လို့သိရပါတယ်။ဒါ့အပြင် အလောင်းမင်းတရားကြီးပြဇာတ်ကို လည်းထပ်မံတင်ဆက် ကပြသွားဖို့ စီစဉ် နေတယ်လို့သိရတာမို့ဖိုးချစ်ကို ဆက်သွယ်မေးမြန်းခဲ့ဖြစ်ပါတယ်။
မေး- ဗိုလ်ချုပ်အောင်ဆန်းနှစ် ၁ဝဝပြည့် ပြဇာတ် ကပြဖျော်ဖြေမယ်သိရတယ်။နောက်ဖိုးချစ်အနေနဲ့ဗိုလ်ချုပ်ရဲ့ဇာတ်ရုပ်နေရာကနေကပြမှာလား။
ဖြေ - ဟုတ်ပါတယ်။ကျွန်တော်ရ"ဲ့မြို့ရွှေမန်းသားဖိုးချစ်တို့ကတဲ့ ဇာတ်အလှသဘင်"ကနေပြီးဦးစီးကပြမှာပါ။ဒါပေမဲ့ကျွန်တော်က ဗိုလ်ချုပ်ရဲ့ နေရာမှာကပြမှာ မဟုတ်ပါဘူး ကျရာ နေရာ ကဇာတ်ရုပ်ကိုကပြဖျော်ဖြေမှာပါ။
မေး-ဘယ်တော့ကပြမှာလဲ ။နောက်ဘယ်နေရာတွေမှာကပြမှာလဲ။
ဖြေ - ရည်ရွယ်တာက ဗိုလ်ချုပ်ရဲ့ နှစ်၁ဝဝ ပြည့်ကို အမှတ်တရအဖြစ်ကပြမှာဆိုတော့၂ဝ၁၅ ခုနှစ်ထဲမှာကပြဖြစ်ဖို့များပါတယ်။ သေချာတာကတော့ ရန်ကုန်နဲ့ နတ်မောက်မှာတော့ကျိန်းသေတယ်။သေချာမသတ်မှတ်ရသေးဘူး။
မေး-အဲဒီလိုကပြဖို့စဉ်စားခဲ့တာက။
ဖြေ - အဲဒါက ဗိုလ်ချုပ်ရဲ့ မွေးရပ်ဇာတိဖြစ်တဲ့ နတ်မောက်ကလူငယ်တွေက ဗိုလ်ချုပ်နှစ်၁ဝဝ ပြည့်ကို အမှတ်တရလေးဖြစ်ချင်တယ်ဆိုပြီး လာတိုင်ပင်ထားတာလေးရှိခဲ့ပါတယ်။ အဲဒါကြောင့် ကျွန်တော်လည်း ကိုယ့်အနုပညာနဲ့ ကိုယ်ချစ်ခင်လေးစားရတဲ့နိုင်ငံ့ခေါင်းဆောင်တစ်ဦးကို ဂုဏ်ပြုလေးစားတဲ့စိတ်နဲ့ ပြဇာတ်ကပြဖို့ စဉ်းစားမိတာပါ။
မေး-ဘယ်အပိုင်းကို အဓိကထားကပြမှာလဲ။
ဖြေ - ဗိုလ်ချုပ်ပြဇာတ်အတွက် မြို့တော်မောင်ယဉ်အောင်ကို ဇာတ်ညွှန်းရေးသားပေးဖို့ အကူအညီတောင်းထားပါတယ်။ အဓိကတော့ ဗိုလ်ချုပ်အောင်ဆန်းရဲ့ ငယ်ဘဝမှစပြီး ဘဝဖြတ်သန်းမှုတွေ၊ အတွေးအခေါ်ပိုင်းဆိုင်ရာတွေနဲ့ ဖြစ်ရပ်မှန်ဘဝဇာတ်ကြောင်းတွေလည်း ပါဝင်မှာပါ။
မေး-ပြဇာတ်အတွက် ဗိုလ်ချုပ်ရဲ့ သမီးဖြစ်သူဒေါ်အောင်ဆန်းစုကြည်ဆီကခွင့်ပြုချက်တောင်းပြီးပြီလား။
ဖြေ - ကျွန်တော်တို့ ကအခုချိန်ထိလုပ်ချင်တဲ့စိတ်ပဲရှိသေးတာ ဘာမှသေချာတိတိကျကျမစီစဉ်ရသေးပါဘူး။
မေး-ဒါဆိုဗိုလ်ချုပ်အမှတ်တရကို ရုပ်သံလိုင်းတွေကနေလွှင့်ဖို့ရှိလား။ နောက်ကဇာတ်ရုံမှာပဲကပြမှာလား။ဒါမှမဟုတ်ဒေသအလိုက်ကပြမှာလား။
ဖြေ - ကျွန်တော်အပြင်မှာပဲကပြဖျော်ဖြေမှာပါ။ ရုပ်သံလိုင်းတွေကနေ လွှင့်ဖို့ အစီအစဉ်တော့မရှိသေးပါဘူး။ ရန်ကုန်မြို့နဲ့ နတ်မောက်မြို့ တွေကို သွားရောက်ဖျော်ဖြေမယ်။ နယ်မြို့တွေအနှံ့ကိုလိုက် ကပြဖျော်ဖြေမယ်။ ဗိုလ်ချုပ်က မြန်မာနိုင်ငံသားတွေရဲ့ ကျေးဇူးရှင်လည်းဖြစ်တယ် ။အားလုံးကလည်းချစ်ကြတယ်။ဗိုလ်ချုပ်ကိုအားလုံးပိုင်တယ်။ အဲ့ဒါကြောင့် ကျွန်တော်ကိုယ်တိုင်ပြဖျော်ဖြေပြီး ကျေးဇူးဆပ်ချင်တယ်။ ကျွန်တော် ဗိုလ်ချုပ်အောင်ဆန်းရဲ့ ပြဇာတ်အပြင် အလောင်းမင်းတရားကြီးရဲ့ ပြဇာတ်ကိုလည်းကပြဖို့ စဉ်းစားထားပါတယ်။
mizzima
No comments:
Post a Comment