သျှမ်း/မြောက် ရွှေလီမြစ်ဝှမ်း ထုန့်မောဝ်ဒေသ နမ့်ခမ်းမြို့နှင့် မူစယ်မြို့များ၌ မိုးသီးများကျ ရောက်ရာ ဗာဂျီးနီးယားခေါ် ဆေးရွက်ကြီး စိုက်ခင်းများ ထိခိုက်ပျက်စီးကြောင်း ဒေသတွင်း သတင်းရပ်ကွက်က ဆိုပါသည်။
ယမန်နေ့ ဂျန္နဝါရီလ ၈ ရက် ည ၉းဝဝ နာရီက နမ့်ခမ်းမြို့၌ ၁၀ မိနစ်ခန့် မိုးသီးများ ကျခဲ့ပြီး ယနေ့ ဂျန္နဝါရီလ ၉ ရက် မနက်ပိုင်း ၇ နာရီခန့်ကလည်း မူစယ်မြို့တွင် ၁၅ မိနစ်ခန့်မိုးသီးများ ကျရောက်ခဲ့ သည်ဟု နမ့်ခမ်းဒေသခံ စိုင်းထွန်း ကဆိုသည်။
“နမ့်ခမ်းမှာ မိုးသီးကြီးကျတယ် ဒီနေ့။ ရွှေလီမြစ်ကမ်းဘေးတလျှောက်က ဗာဂျီးနီးယားဆေး စိုက်ခင်း တွေ ပျက်ကုန်တယ်။ ထိခိုက်ပျက်ဆီးမှု အများ ဆုံးကတော့ မန့်ဟောင်း၊ နောင်မ၊ နောင်ကောင်၊ ကွန်လုံ၊ မန့်ကွန်၊ ကွန်ဟိုင်း ရွာတွေပေါ့” ဟု ၄င်းကပြောသည်။
နောင်မနှင့် နောင်ကောင်ကျေးရွာရှိ ဆေးရွက်ကြီးစိုက်ခင်းများမှာ တစ်ရွာလျင် ဧက (၈၀)ထက်မနဲ ပျက်စီးပြီး ၊မန့်ဟောင်း ကျေးရွာတွင် (၁၀) ဧကထက်မနဲပျက်စီးကြောင်း၊ တစ်ဧက ကာလတန်ဖိုး ကျပ် (၄၁၆၀၀၀) ခန့် ရှိ ကြောင်း မန့်ဟောင်းကျေးရွာအုပ်စုအတွင်းနေ စိုင်းအိုက် က ပြောသည်။
မူစယ်မြို့နှင့် နမ့်ခမ်းမြို့ တွင် ကော်လီလုံးအရွယ် မိုးသီးများကျရောက်သောကြောင့် သီးနှံစိုက်ခင်းများ၊ ဆေးရွက်ကြီးစိုက်ခင်းများပျက်စီးသည့်အပြင် လူနေအိမ်တစ်ချို့၏ အိမ်ခေါင်မိုးများ ပေါက်ပြဲကုန် ကြောင်း၊ ဒေသတစ်ခုလုံး၏ ပျက်စီးဆုံးရှုံးမှု ခန့်မှန်းတန်ဖိုးမှာ ကျပ်သိန်း (၁၀၀၀) ထက်မနဲရှိကြောင်း ဒေသတွင်း သျှမ်းပါတီအကြီးအကဲတစ်ဦး က သျှမ်းသံတော်ဆင့်အား ပြောသည်။
မိုးသီးများကြောင့် ခြံထွက်သီး နှံစိုက်ခင်းများ ပျက်စီးခဲ့ရသည့်ကိစ္စ နမ့်ခမ်းမြို့နယ် အုပ်ချုပ်ရေးမှုးရုံးထံ ယနေ့ ၉.၁.၂၀၁၅ ရက်စွဲဖြင့်စာတင်ထားကြောင်း မန့်ဟောင်းကျေးရွာအုပ်စု အုပ်ချုပ်ရေးမှူး စိုင်းထွန်းလိုင်း ကပြောပါသည်။
သျှမ်းသံတော်ဆင့်၊ စိုင်းလုံ
No comments:
Post a Comment