''ဖြစ်တာတော့ ဖြစ်တယ်။ ဘယ်လို ဖြစ်ခဲ့တာလဲတော့ မသိဘူး။ စစ်တပ်ဘက်ကလည်း ဘာမှအကြောင်း ကြားတာမျိုး မရှိလို့ ဖြေဆိုနိုင်ခြင်း မရှိပါဘူး။ စုံစမ်းမှုတော့ လုပ်နေပါတယ်''ဟု နယ်မြေခံရဲတပ်ဖွဲ့ ဖြစ် သည့် အမှတ် (၂) ရဲစခန်းမှ တာဝန်ရှိသူ တစ်ဦးက ပြောသည်။
အစောင့်တစ်ဦးကို သတ်ပြီး အကျဉ်းသားများ ထွက်ပြေးရာတွင် သုံးဦးမှာ ရေကူး လွတ်မြောက်သွားပြီး တစ်ဦးကို ဖမ်းမိကြောင်း ဆိုရှယ်လူမှု ကွန်ရက်တွင် ရေးသားထားသည်။
နန်းမြို့တွင်းမှ အမည်မဖော်လိုသူ တစ်ဦးက ''နီးစပ်ရာတွေက ကြားတာကတော့ အကျဉ်းသားလားတော့ မသိဘူး။ ရှစ်ဦး ထွက်ပြေးတယ်လို့တော့ ပြောတယ်'' ဟု ပြောသည်။
အဆိုပါ ကိစ္စနှင့် ပတ်သက်၍ နန်းတွင်း အမှတ်(၂) စစ်အကျဉ်းထောင်သို့ သွားရောက် သတင်းယူခဲ့ရာတွင် သက်ဆိုင်ရာ တို့က အတည်ပြု ဖြေကြားခဲ့ခြင်း မရှိသော်လည်း မန္တလေး ပြည်သူ့ဆေးရုံကြီးတွင် တပ်ကြပ် ကြီးတစ်ဦး အသတ်ခံရသဖြင့် ရောက်ရှိလာသည်မှာ ဟုတ်မှန်ကြောင်း ဆေးရုံနှင့် နီးစပ်သူတစ်ဦးက ပြောသည်။
Mizzima
No comments:
Post a Comment