အပူကြောင့် ဖြစ်ပေါ်တတ်သော ရောဂါဝေဒနာများ

နိဒါန်း
လူများစွာတို့အတွက် နွေရာသီကာလဆိုတာ ကျောင်းပိတ်ရက်၊ ရုံးပိတ်ရက်၊ ခရီးသွားရက်၊ အပန်းဖြေရက် ဖြစ်ပါတယ်။ တနည်းပြောရပါက လေအေးပေးစက်များ တပ်ဆင်ထားတဲ့ ရုံးခန်း၊ အိမ်ဧည့်ခန်းတွေထဲက အပြင် နေပူထဲအထွက်များတဲ့ကာလ ဖြစ်ပါတယ်။ အဲဒါကြောင့် နေရောင်ခြည်နဲ့ တိုက်ရိုက်ထိတွေ့မှုများတဲ့ကာလ၊ အအေးဓာတ်သင့်တင့်အောင် မရှိတဲ့ ပတ်ဝန်းကျင်မှာ အနေများတဲ့ကာလ ဖြစ်ပါတယ်။ အဲဒီမှာ ပူပြင်းလွန်းတဲ့ နေရောင်ခြည်နဲ့ ထိတွေ့ရတဲ့အခါ လူအတော်များများမှာ နေရောင်ခြည်နဲ့ ဆက်စပ်တဲ့ဖျားနာမှုတွေကို ခံစားကြ ရပါတော့တယ်။

အပူဒဏ်ခံရမှုအပေါ် ခန္ဓာကိုယ်ရဲ့တုံ့ပြန်မှု
နေပူထဲတွင်အလုပ်လုပ်ကြရသူများ၊ သွားလာနေထိုင်ကြသူများအနေနဲ့ အပူဒဏ်ခံစားရမှု အနည်းအများဟာ သဘာဝရေးရာအခြေအနေ ၄ မျိုးအပေါ်မှာ မူတည်နေပါတယ်။ အဲဒါတွေကတော့ (၁) အပူချိန်၊ (၂) ရေငွေ့၊ (၃) အပူရှိန်နဲ့ လေတိုက်နှုန်းတို့ ဖြစ်ကြပါတယ်။ အထူးသဖြင့် နှလုံးရောဂါရှိသူများ၊ water pills ဆောင်ထားရသူများအနေနဲ့ အပူဒဏ်ခံစားရမှုဟာ ပိုမိုဆိုးဝါးတတ်ပါတယ်။
အမှန်တော့ လူရဲ့ခန္ဓာကိုယ်ဟာ ပြင်ပအပူဒဏ်ကို ခုခံကာကွယ်ဖို့ ၃ မျိုးသုံးစား ဆောင်ရွက်ပေးလေ့ ရှိပါတယ်။ ဒါတွေကတော့ အသက်ရှုခြင်း၊ ချွေးထွက်ခြင်းနဲ့ သွေးလည်ပတ်မှုကို ပြောင်းလဲပေးခြင်းတို့ ဖြစ်ကြပါတယ်။ ဥပမာအားဖြင့် ပြင်ပအပူရှိန် မြင့်တက်လာပါက ခန္ဓာကိုယ်ရဲ့ သွေးလည်ပတ်မှုတွေဟာ မြန်ဆန်လာတတ်ကြပါတယ်။ ယင်းမှ တဆင့် အရေပြားအပူချိန်တွေကို တိုးမြှင့်လာစေပြီး ခန္ဓာကိုယ်တွင်းမှ ပိုလာတဲ့ အပူတွေကို ပြင်ပသို့ စွန့်ထုတ်ပေးစေပါတယ်။ အလုပ်များ ပင်ပင်ပန်းပန်း လုပ်ကြရတဲ့အခါ ခန္ဓာကိုယ်ရှိ ကြွက်သားများဟာ သွေးစီးဆင်းမှု ပိုမို လိုအပ်လာပါတယ်။ အဲဒီအချိန်မှာ ခန္ဓာကိုယ်မှ လွှတ်ပေးနေတဲ့ အရေပြားရဲ့ သွေးစီးဆင်းမှုအတွက် လိုအပ်တဲ့သွေးပမာဏကို လျော့ကျစေပြီး ခန္ဓာကိုယ်မှ အပူများ အပြင်ကို စွန့်ထုတ်စေပါတယ်။
ချွေးထွက်ခြင်းဟာလည်း ခန္ဓာကိုယ်ရဲ့ အပူချိန်များကို ကျဆင်းစေပြီး အအေးဓာတ်ကို ရစေပါတယ်။ ဒါဟာလည်း ပြင်ပလေထု စိုထိုင်းဆတွေဟာ လျော့နည်းနေပြီး ထွက်လာတဲ့ ချွေးတွေကို အငွေ့ပျံ့စေနိုင်မှသာဖြစ်နိုင်ပြီး၊ အဲဒီချွေးတွေ အငွေ့ပျံ့သွားလို့ လျော့နည်းကျသွားတဲ့ ဆားဓာတ်နဲ့ ရေဓာတ်တွေကို ပြန်လည်အစားထိုးဖြည်ဆည်းပေးနိုင်မှသာ ဖြစ်နိုင်ပါတယ်။
(၁) အပူဒဏ်ဖိစီးခံရမှု (Heat Stress)
လူရဲ့ ခန္ဓာကိုယ်အပူချိန်ဟာ မြင့်မားပါက အပူဒဏ်ဖိစီးခံရမှု (Heat stress)ကို ခံစားကြရပါတယ်။ အပူဒဏ်ဖိစီးခံရတဲ့သူတဦးဟာ အပူနဲ့ ပတ်သက်တဲ့ဝေဒနာမျိုးစုံးကို ကြုံတွေ့ရတတ်ပါတယ်။ heat exhaustion, heat stroke, heat cramps, fainting, heat rash စတာတွေ ဖြစ်ကြပါတယ်။ အမှန်မှာတော့ လူအများစုဟာ ဒီအပူနဲ့ ပတ်သက်တဲ့ဝေဒနာတွေကို ကွဲကွဲပြားပြား မသိကြပဲ ရောထွေးနေတတ်ကြပါတယ်။ အမှန်မှာတော့ ခွဲခြားသိဖို့ လိုအပ်ပါတယ်။
အပူဆိုင်ရာပြဿ နာတွေထဲမှာ အဆိုးဝါးဆုံးဝေဒနာတခု မဟုတ်သော်ငြားလည်း အဖြစ်အများဆုံးသော ဝေဒနာတခု ဖြစ်ပါတယ်။ ဒီဝေဒနာကို အလုပ်သမားတဦးဟာ ချွေးထွက်လွန်လာချိန်တွင် ရေအလုံအလောက် မသောက်ရပါက၊ ဒါမှာမဟုတ် ထွက်သွားတဲ့ ချွေးများအတွက် ဆားဓါတ် အလုံအလောက် ပြန်လည်မရရှိပါက ဖြစ်တတ်သောဝေဒနာ ဖြစ်ပါတယ်။ များသောအားဖြင့် သက်ဆိုင်ရာလူနာဟာ အားဖျော့လာခြင်း၊ အသားအရေ ဖြူဖတ်ဖြူလျော်ဖြစ်လာခြင်း၊ ချွေးများဖြင့် စိုရွှဲလာခြင်း စတာတွေ ဖြစ်တတ်ပါတယ်။
ရောဂါသွင်ပြင်လက္ခဏာများ – ချွေးထွက်လွန်ခြင်း၊ မောပန်းနွမ်းနယ်၍ အားနည်းလာခြင်း၊ ကိုယ်အပူချိန် အနည်းငယ် မြင့်တက်လာခြင်း၊ အသားအရေဖြူဖတ်ဖြူလျော်ဖြစ်လာပြီး သွေးဆုတ်လာခြင်း။
ရှေးဦးသူနာပြု ဆောင်ရွက်သင့်သောအရာများ – (က) အေးသောနေရာတွင်သာ နေပါ။ (ခ) အားကစားသမားများ သုံးဆောင်သော အားဖြည့်အချိုရည် တမျိးမျိုးကို သောက်သုံးပါ။ (ဂ) အကယ်၍ အော့အန်ခြင်း၊ အစားအရည်သွေး မရှိသကဲ့သို့ ဖြူဖတ်ဖြူလျော်ဖြစ်လာပါက ဆရာဝန်ဆေးခန်းနဲ့ အမြန်ဆုံးပြသပြီး ကုသမှုခံယူပါ။
(၂) Heat stroke
အပူကြောင့် ဖြစ်ပေါ်သောဝေဒနာများတွင် အဆိုးဝါးအပြင်းထန်ဆုံးဝေဒနာဖြစ်ပြီး၊ နေပူထဲတွင် အချိန်ကြာမြင့်စွာ အလုပ်လုပ်နေသော အလုပ်သမားများတွင် အများဆုံးဖြစ်ပေါ်လေ့ ရှိသော်လည်း အဖြစ်များလေ့ မရှိပါ။ လူရဲ့ခန္ဓာကိုယ်က ပင်မအပူချိန်တွင် ထိန်းထားနိုင်ရန် သွေးလည်ပတ်မှု မပြုနိုင်တဲ့အခါမှာ ဖြစ်လေ့ရှိတဲ့ဝေဒနာ ဖြစ်ပါတယ်။ အဲဒီအခါမျိုးမှာ လူခန္ဓာကိုယ်ဟာ ချွေးမထွက်နိုင်တော့တဲ့ အတွက် ခန္ဓာကိုယ်မှာ ပိုလျှံနေတဲ့အပူတွေကို မစွန့်ထုတ်နိုင်တဲ့အတွက် ရရှိလာတဲ့ဝေဒနာ ဖြစ်ပါတယ်။ မှန်ကန်တဲ့ကုသမှုကို အမြန်ဆုံး မရရှိနိုင်ပါက အသက်သေဆုံးရလေ့ ရှိပါတယ်။
ရောဂါလက္ခဏာများ စိတ်ဂယောင်ခြောက်ချားဖြစ်ခြင်း၊ သွေးဆုတ်ခြင်း၊ delirium, seizures ခန္ဓာကိုယ်အပူချိန် 106ºF ထက် ကျော်လွန်နေခြင်း၊ ကိုယ်ပူခြင်း၊ အသားအရ ခြောက်ခမ်းခြင်း၊ အသားများ နီရဲခြင်း၊ အသားများ ပြာနှမ်းလာခြင်း၊
ရှေးဦးသူနာပြု ဆောင်ရွက်ရမည့်အရာများ – အရေးပေါ်သူနာပြုကားကို ခေါ်ဆိုပါ။ လူနာအား အေးသောနေရာတခုသို့ ပြောင်းရွှေ့ထားပါ။ အအေးဆွတ်ထားသော ရေပတ်တိုက် ပေးခြင်းအားဖြင့်လူနားအား စိုစွတ်နေပါစေ။ လူနာအား လေအေးစက်၊ ပန်ကာလေဖြင့် အပူချိန်ကျအောင် ဆောင်ရွက်ပေးပါ။
(၃) Heat cramps
ကြွက်သားများ မခံမရပ်နိုင်အောင်နာကျင်မှုကို ခံစားရတဲ့ဝေဒနာ ဖြစ်ပါတယ်။ ရောဂါ ဖြစ်ရတဲ့ အကြောင်းရင်းမှာ အလုပ်သမားများဟာ အလွန်မောပန်းလို့ ချွေးထွက်လွန်လာသော အခါ ရေကို အများအပြား သောက်သော်လည်း ထွက်သွားတဲ့ချွေးများရဲ့နေရာကို ဆားဓာတ် မဖြည့်ဆည်းပေးတဲ့အတွက် ဖြစ်ရတဲ့ဝေဒနာ ဖြစ်ပါတယ်။ အလုပ်လုပ်ရာတွင် အသုံးများသော ခန္ဓာကိုယ်ရဲ့ ကြွက်သားများဟာ cramps အများဆုံး ခံစားကြရပါတယ်။
ရောဂါလက္ခဏာများ
ကြွက်သားများ cramps or spasms ဖြစ်ခြင်း။ အလုပ်လုပ်နေစဉ်အတွင်း (သို့မဟုတ်) အလုပ်လုပ်ပြီးမှ ဖြစ်ပေါ်တတ်လေ့ ရှိပါတယ်။
ရှေးဦးသူနာပြု ဆောင်ရွက်ရမည့်အရာများ။ – အားကစားသမားများ အသုံးပြုသော အားဖြည့်အချိုရည်တခုခုကို သောက်သုံးပါ၊ မသက်သာပါက ကျန်းမာရေးဦးစီးဌာန၊ ဆေးရုံနဲ့ သူနာပြုကားတို့ကို အကြောင်းကြားပါ။
(၄) သွေးဆုတ်ယုတ်ခြင်း။
နေပူထဲတွင် အလုပ်လုပ်လေ့ မရှိသူများ နေပူအတွင်း အလုပ်လုပ်မိသောအခါ (သို့မဟုတ်) နေပူထဲတွင် ကြီးကြပ်ရေးအလုပ် လုပ်မိသောအခါ ဖြစ်တတ်သောဝေဒနာ ဖြစ်ပါတယ်။ အများအားဖြင့် နေပူအတွင်း အချိန်ကြာမြင့်စွာရပ်တန့်နေခြင်းထက် တနေရာမှတနေရာ ရွှေ့ပြောင်း လျှောက်သွားနေခြင်းက များသောအားဖြင့် သွေးဆုတ်ယုတ်မှု ဖြစ်ပေါ်စေမှုကို လျော့ကျ စေတတ်ပါတယ်။
ရေဂါလက္ခဏာများ – ခေတ္တခဏမျှ သတိလစ် သွားတတ်ခြင်း၊ ခန္ဓာကိုယ်တွင် သာမန် အပူချိန်မျှသာ ရှိနေသော်လည်း ချွေးထွက်များနေတတ်ခြင်း။ Heat stroke, heat exhaustation ဝေဒနာလက္ခဏာများ မတွေ့ရတတ်ခြင်း၊
ရှေးဦးသူနာပြု ဆောင်ရွက်ရမည့်အရာများ – အေးသောနေရာတခုခုတွင် လဲလျောင်းနေပါ။ အချိန်အတန်ကြာသည်အထိ လဲလျောင်းနေသော်လည်း သက်သာမှုမရှိပါက ဆေးကုသမှု ခံယူပါ။
(၅) Heat rash
rash ကို Pricky heat ဟုလည်း ခေါ်ဝေါ်ကြပါတယ်။ လေထုသည် ပူအိုက်စွတ်စို နေသောအခါ အလုပ်လုပ်နေသူတဦးဟာ ချွေးများ ထွက်လာတဲ့အခါ အလွယ်တကူ အငွေ့ မပျံနိုင်တဲ့အတွက်ကြောင့် ဖြစ်ပေါ်ရတဲ့ဝေဒနာ ဖြစ်ပါတယ်။ အဆိုပါ rash ဧရိယာဟာ ကြီးမား ကျယ်ပြန့်လာပါက အလွန် အခံရခက်စေတဲ့ဝေဒနာကို ခံစားကြရပါတယ်။ အေးတဲ့နေရာတခုမှာ နေပြီး အရေပြားကို ခြောက်သွေ့အောင်လုပ်ပေးခြင်းအားဖြင့် Heat rash ဖြစ်ခြင်းကို ကာကွယ်ပေးနိုင်ကြပါတယ်။
ရောဂါသွင်ပြင်လက္ခဏာများ – အရေပြားအပေါ်တွင် အနီရောင်၊ ပန်းနုရောင် အစက်အပြောက်များ ပေါ်လာခြင်း၊ အဆိုပါအစက်အပြောက်များမှ အခံရခက်လာခြင်း၊ အရေပြားများ ယားယံလာခြင်း၊
ရှေးဦးသူနာပြု ဆောင်ရွက်ရမည့်အရာများ – အသားအရေကို သန့်ရှင်းခြောက်သွေ့အောင် ထားပါ။ ပွသာအ၀တ်အစားများ ၀တ်ဆင်ပါ။ ရေအေးဖြင့် ရေချိုးခြင်း၊ လေအေးပေးစက်ဖြင့် နေထိုင်ခြင်းတို့ဟာ ဝေဒနာသက်သာမှုကို များစွာအထောက်အကူပြုပါတယ်။ သင့်လျော်သော အသားအရေ စိုပြေစေသောလိမ်းဆေးများကို အသုံးပြုပါ။
နိဂုံး။
အပူနဲ့ ပတ်သက်လို့ သတိပြုဖွယ်ရာများကို ဖော်ပြပေးခြင်းသာ ဖြစ်ပါတယ်။ အသက်ကို ဥာဏ်စောင့် ဆိုသောစကားကို သတိထားကြပြီး အပူဒဏ်ပြင်းနေသောကာလတွင် အပူကြောင့် ဖြစ်တတ်သော ရောဂါဝေဒနာများမှ ကင်းလွတ်နိုင်ကြပါစေလို့ နှစ်သစ်မင်္ဂလာ ဆုတောင်းအဖြစ် ဆုတောင်းမေတ္တာပို့သအပ်ပါတယ်။
မောင်ထွန်းလွင်(မိုးလေ၀သ)