အင်းရေညစ်ညမ်းလျက်ရှိသော တောင်သမန်အင်းမှ ငါးထုတ်လုပ်ရောင်းချခြင်း သုံးလခန့် ရပ်နားမည်

ရေဆိုးဝင်ရောက်မှုများကြောင့် အင်းရေညစ်ညမ်းလျက်ရှိသော တောင်သမန်အင်းအတွင်းမှ ငါးဖမ်းယူထုတ်လုပ်ရောင်းချခြင်းအား သုံးလခန့် ရပ်နားမည်ဖြစ်ကြောင်း အင်းသူကြီးထံမှ သိရသည်။
လက်ရှိတွင် ရေဆိုးဝင်ရောက်မှုကြောင့် တောင်သမန်အင်း မြောက်ဘက်ခြမ်းတွင် ငါးသေဆုံးမှုများ ဖြစ်ပေါ်ခဲ့ပြီး အဆိုပါ မြောက်အင်းဘက်မှ ကျန်ရှိငါးများကို ဖမ်းယူရောင်းချခြင်း မပြုလုပ်တော့ဘဲ ငါးများ တောင်ဘက်အင်းအတွင်း ရောက်ရှိမလာစေရန် ယင်းလိပ်ကာရံ၍ တောင်ဘက်အင်းအတွင်းရှိ ငါးများကိုသာ ဖမ်းယူရောင်းချလျက်ရှိပြီး မကြာမီ ငါးသားပေါက်ရာသီ ရောက်ရှိတော့မည်ဖြစ်သောကြောင့် တောင်ဘက်အင်းအတွင်းမှ ငါးဖမ်းဆီး ထုတ်လုပ်ရောင်းချမှုများကိုလည်း သုံးလခန့် ရပ်နားသွားမည်ဖြစ်ကြောင်း သိရသည်။

တပ်မတော်နှင့် ကချင်တပ်မတော် တိုက်ပွဲဖြစ်ခဲ့သည့်နေရာသို့ ကွင်းဆင်းလေ့ လာရန် အစိုးရဘက်မှ ခွင့်ပြုချက်မရသေး

အစိုးရနှင့် ကချင်လွတ်လပ်ရေးအဖွဲ့ (KIO) ပဋိပက္ခ ညှိနှိုင်းဖြေရှင်းရေးအဖွဲ့တို့ တိုက်ပွဲဖြစ်ပွားခဲ့သော ကချင်ပြည်နယ် ဖားကန့် ဒေသနှင့် တနိုင်းဒေသ သွားရောက်၍ စုံစမ်းစစ်ဆေးမှုများ ပြုလုပ်ရန် အစိုးရဘက်မှ ယနေ့ထိ ခွင့်ပြု ချက် မရသေးကြောင်း KIO နှင့် ငြိမ်းချမ်ရေးအကျိုးဆောင်အဖွဲ့ PCG က ပြောသည်။

“မရသေးဘူး။ စောင့်နေတယ်။ ကျနော်တို့ ကေအိုင်အိုအဖွဲ့က စောင့်နေ တုန်းပဲ။ ဘာဖြစ်လို့ ကြာလဲ မသိဘူး။ PCG အဖွဲ့က မေးနေတယ်။ သူတို့ အဆက်အသွယ်လုပ်နေတယ်။ မေးမြန်းနေပါတယ်”ဟု မြစ်ကြီးနားမြို့ KIO နည်းပညာ အထောက်အကူပြုအဖွဲ့မှ ပြောရေးဆိုခွင့်ရှိသူ ဆရာဒေါင်ခါး က ပြောသည်။

တိုက်ပွဲအခြေအနေများ စုံစမ်းစစ်ဆေးရန် KIO ပဋိပက္ခညှိနှိုင်းဖြေရှင်းရေး အဖွဲ့ခေါင်းဆောင် ဗိုလ်မှူးကြီး ဇော်တောင် ဦးဆောင်သောအဖွဲ့ကလည်း ယနေ့ထိ မြစ်ကြီးနားမြို့ KIO ရုံးတွင် စောင့်နေသည်ဟု သူက ပြောသည်။

တာချီလိတ်လေဆိပ် တွင် Asian Wings လေယာဉ် ပြေးလမ်းပေါ်၌ ဘီးပေါက်မှုဖြစ်ပွား

ယနေ့ မေ ၂ ရက်၊ ညနေ ၃ နာရီ ၅ မိနစ်ခန့်က တာချီလိတ် လေဆိပ်တွင် Asian Wings လေယာဉ် (XY-AJQ) သည် တာချီလိတ် - မြစ်ကြီးနား၊ မန္တလေး ခရီးစဉ်အဖြစ် ခရီးသည် (၄၄)ဦး နှင့် လေယာဉ်ဝန်ထမ်းများ လိုက်ပါလျက် လေယာဉ်ပြေးလမ်းပေါ်၌ စတင် ပျံသန်းထွက်ခွာ ရန် ပြင်ဆင်စဉ် မတက်နိုင်သဖြင့် လေယာဉ် ကွင်းရှိရာ သို့ ပြန်လည်ကွေ့ ခဲ့ရကြောင်း သိရသည်။

ဒေသခံလူငယ် ၃ ဦးအား KIA အဖွဲ့မှ ဖမ်းဆီးခေါ်ဆောင်သွားပြီး ငွေကျပ် ၁၅ သိန်းဖြင့် ပြန်ရွေးခိုင်း

ကချင်ပြည်နယ်၊ ဆဒုံးမြို့နယ်ခွဲ၊ ရပ်ကွက်(၁)၌ နေထိုင်သော ဒေသခံ ၃ ဦး သည် ဧပြီလ ၃၀ ရက်နေ့၌ တောင်ယာ လုပ်ကိုင်နေစဉ် KIA အဖွဲ့မှ ဖမ်းဆီးခေါ်ဆောင်သွားပြီး ငွေကျပ် ၁၅ သိန်းဖြင့်လာရွေးရန် ပြောဆို သွားကြောင်း ယင်းဒေသခံများထံမှ သတင်းရရှိသည်။

“ သူတို့ တပ်ရင်းဌာနချုပ်မှာ ဖမ်းချုပ်ထားတယ်လို့ သိရတယ်၊ မိသားစုဝင်တွေ လည်း စိတ်ပူနေကြတာပေါ့၊ တိုက်ပွဲတွေပြန်ဖြစ်လာလို့ စီးပွားရေးက အဆင်မပြေတဲ့ကြားထဲ သူတို့က လူဖမ်းပြီး ငွေနဲ့လာရွေး ခိုင်းတော့ အကုန်လုံးဒုက္ခရောက်ကုန်တာပေါ့ ” ဟု ဆွေမျိုးတော်စပ်သူ တစ်ဦးက ပြောသည်။

“ ကျွန်တော်က သားရော သမီးရော နှစ်ယောက်လုံးပါသွားတာ၊ အရမ်းစိတ်ပူတယ်ဗျာ၊ မရှိလို့ တောင်ယာလုပ်စား တာကို အခုလို ဖမ်းပြီး ငွေတောင်းတာတွေ လုပ်လာတော့ ကျွန်တော်တို့မှာ တော်တော်လေး ဒုက္ခရောက်ကြပါတယ်၊ ဘယ်သူ့ကိုမှလည်း အကူအညီ မတောင်းရဲဘူး ဖြစ်နေတယ် ” ဟု ဦးဆွတ်လွတ်နော်က ပြောသည်။

ရေဆိုးစွန့်ပစ်သည့်အရက်ချက်စက်ရုံများကို တောင်သမန်အင်းသူကြီးတရားစွဲဆိုသွားမည်

တောင်သမန်အင်းထဲသို့ရေဆိုးများစွန့်ပစ်သည့်အရက်ချက်စက်ရုံများအား

လာမည့်အပတ်တွင် တရားစွဲဆိုသွားမည်ဖြစ်ကြောင်း

တောင်သမန်အင်းသူကြီးဦးချစ်ခိုင်ကပြောသည်။

တောင်သမန်အင်းထဲသို့ စီးဝင်နေသည့် ပရံတော်ချောင်းအတွင်းသို့

အဆိုပါအရက်ချက်စက်ရုံများမှာ ရေဆိုးများအလုံးအရင်းနှင့်စွန့်ပစ်သည့်အတွက်အင်းအတွင်းရှိ ငါးထောင်ချီသေဆုံးခဲ့ရပြီးအင်းပျက်စီးစေသောကြောင့်

ယခုလိုတရားစွဲဆိုရန်ဆုံးဖြတ်လိုက်ခြင်းဖြစ်သည်ဟု ဦးချစ်ခိုင်က ပြောသည်။

“တောင်သမန်အင်းထဲကို ရေဆိုးမစွန့်ထုတ်ဖို့

အကြိမ်ကြိမ်စာပို့ပါတယ်။စက်ရုံတွေက လိုက်နာခြင်းမရှိသလို

စက်ရုံတွေကိုတားမြစ်ကြီးကြပ်ရမယ့် စည်ပင်ကလည်း

အလုပ်မလုပ်ပါဘူး။အချက်အလက်ခိုင်မာအောင်စုဆောင်းပြီးရင် စက်ရုံတွေသာမကတာဝန်ရှိတဲ့ ဝန်ထမ်းတွေကိုပါ တရားစွဲဆိုသွားမှာဖြစ်ပါတယ်”ဟု

၎င်းကအတည်ပြုပြောကြားသည်။

KNU တပ်မဟာ (၂) နယ်မြေမှာ အစိုးရလေတပ်ကဗုံးကျဲ

အသံဖိုင် နားထောင်ရန်နဲ့ ရယူရန်နားထောင်ရန်  အသံဖိုင်ယူရန်
တောင်ငူခရိုင် KNU/KNLA တပ်မဟာ (၂) ဌာနချုပ်အနီးမှာ မြန်မာအစိုးရလေတပ်က ဗုံး (၃) လုံးကျဲချခဲ့တဲ့အတွက် အနီးတဝိုက်ဒေသခံတိုင်းရင်းသားတွေ စိုးရိမ်မကင်း ဖြစ်နေတယ်လို့ သိရပါတယ်။
မြန်မာ့တပ်မတော်-လေက ဧပြီလ ၂၉ ရက်နေ့နဲ့ ၃၀ ရက်နေ့မှာကျဲချခဲ့တာလို့ KNU တွဲဘက် အတွင်း ရေးမှူး (၁) ပဒိုစောသောသီဘွဲက RFA ကိုပြောပါတယ်။"၂၉ ရက်နေ့ နံနက် ၈ နာရီခွဲလောက်မှာ ၂ လုံးဗုံးကျဲတယ်၊ နောက်ပြီးတော့ ၃၀ ရက်နေ့ ၁၁ နာရီ မှာ နောက်ထပ် ၁ လုံးကျဲတယ်၊ အခုဗုံးကျတဲ့ နေရာက ရွာသူ၊ ရွာသားတွေ၊ လူထုတွေ၊ နောက်ပြီး ခြံတွေ၊ ကိုင်းတွေ၊ နေထိုင်တဲ့ နေရာဒေသဖြစ်တယ်၊ ထို့နည်းတူဘဲ ကျနော်တို့ရဲ့ဌာနချုပ်နဲ့လည်း အလွန်နီးစပ်နေ ပါတယ်"

အိမ်ထောင်ရေး ဘယ်လိုမှ အဆင်ပြေမှာ မဟုတ်ဘူးဆိုတာ အစကတည်းက ဒီအချက်တွေကို ကြည့်ပြီး ခန့်မှန်းနိုင်

အိမ်ထောင်ပြုတော့မယ်ဆိုကတည်းက ဒီအိမ်ထောင်ရေးဟာ ခိုင်မြဲပါ့မလား ဆိုတာ ကြိုတင်တွက်ဆကြည့်နိုင်ပါတယ်။ အတိအကျကြီး မဟုတ်တောင် အကြမ်းဖျင်းအားဖြင့်တော့ ဒီအချက်လေးတွေက သင်တို့ အိမ်ထောင်ရေး ခိုင်မြဲမှုရှိပါ့မလားဆိုတာ ပြောပြပေးပါလိမ့်မယ်။ Emory တက္ကသိုလ်က သုတေသနပညာရှင်တွေရဲ့ လေ့လောတွေ့ရှိချက်ကတော့ လက်ထပ်ပြီးသား စုံတွဲ ၃၀၀၀ကျော်ကို ဆန်းစစ် မေးမြန်းရာကနေ ခုလို အချက် (၆)ချက်ကို ဖော်ထုတ်နိုင်ခဲ့တာပါ။

မြန်မာနဲ့ ဘင်္ဂလားဒေ့ရှ် ရုပ်အလောင်းတွေ ထိုင်းတောင်ပိုင်းမှာတွေ့

မြန်မာနဲ့ ဘင်္ဂလားဒေ့ရ်ှက လာတယ်လို့ ယူဆရတဲ့ ရွှေ့ပြောင်းအလုပ်သမား ၃၀ကျော်ရဲ့ရုပ်အလောင်းကို ထိုင်းနိုင်ငံတောင်ပိုင်း လူကုန်ကူး လေ့ရှိတဲ့ လမ်းကြောင်းပေါ်မှာ သောကြာနေ့က ရှာတွေ့ခဲ့တယ်လို့ အာဏာပိုင်တွေက ပြောပါတယ်။
အလောင်း ရှာတွေ့တဲ့နေရာဟာ မလေးရှားနယ်စပ်နဲ့နီးတဲ့ ထိုင်းနိုင်ငံ Songkhla ဆုန်ခလာခရိုင် Sadao ဆာဒါအို ဒေသမှာဖြစ်ပြီး လှေစီးဒုက္ခသည် တွေကို လူကုန်ကူးသူတွေက ယာယီ ထိန်းသိမ်းထားလေ့ရှိတဲ့ နေရာလဲ ဖြစ်ပါတယ်။

အေးရှားဝင်း လေယာဉ်တစ်စီး တာချီလိတ်လေဆိပ် အတက်၌ မတက်နိုင်ရာမှ ဘီးပေါက်မှုဖြစ်

အေးရှားဝင်း လေယာဉ်တစ်စီးသည် အတက်၌ ဘီးပေါက်၍ ခရီးသည်များ အထိတ်တလန့် ဖြစ်သွားခဲ့ရသည့် ဖြစ်စဉ်တစ်ခု တာချီလိတ် လေယာဉ်ကွင်း တွင် ယနေ့ မေလ(၂)ရက်နေ့ ညနေပိုင်းက ဖြစ်ပွားခဲ့ကြောင်း သိရသည်။

တိုင်းပြည်ခေါင်းဆောင် ဒေါ်စုလည်း ဖြစ်သင့်ဟု အမျိုးသား လွှတ်တော် ဥက္ကဋ္ဌ ဦးခင်အောင်မြင့် ပြော

မြန်မာနိုင်ငံ အတွက် သမ္မတလောင်းရွေး ချယ်ရာတွင် အတိုက် အခံခေါင်းဆောင်ဒေါ်အောင် ဆန်းစုကြည် ပါဝင်ခွင့် ရရန် စဉ်းစား သင့်ကြောင်း တောင်ကိုရီးယားနိုင်ငံသို့ ရောက်ရှိနေသည့် အမျိုးသားလွှတ်တော်ဥက္ကဋ္ဌ ဦးခင်အောင်မြင့်က တောင်ကိုရီးယား သတင်းဌာန တစ်ခုဖြစ်သော Yonhapနှင့်တွေ့ ဆုံဆွေးနွေးမှု အတွက် ဧပြီလ ၂၉ ရက်ကပြော ဆိုလိုက်သည်။

ပန်ဆန်းဆွေးနွေးပွဲ သုံးရက်တိုး ပြုလုပ်မည်

‘ဝ’ပြည်သွေးစည်းညီ ညွတ်ရေးပါတီ၊ တပ်မတော် (UWSP/UWSA) ဌာနချုပ် ပန် ဆန်း(ပန်းခမ်း)၌ မေလ ၁ ရက် တွင် စတင်ပြုလုပ်မည့် အစည်း အဝေးကို ယခင်သတ်မှတ်ထား သည့် သုံးရက်အစား ခြောက်ရက် ကြာပြုလုပ်ရန် စီစဉ်လိုက် ကြောင်း UWSP/UWSA ပြင်ပ ဆက်ဆံရေးဌာန တာဝန်ရှိသူက ပြောသည်။
UWSP/UWSA က အိမ်ရှင် အဖြစ် လက်ခံကျင်းပမည့် အစည်း အဝေးတွင် လက်ရှိမြန်မာ့ငြိမ်း ချမ်းရေးအခြေအနေ၊ တစ်နိုင်ငံ လုံးအပစ်အခတ်ရပ်စဲရေးစာချုပ် ဆိုင်ရာကိစ္စတို့ကို ဆွေးနွေးမည် ဖြစ်ကြောင်း သတင်းရရှိသည်။
‘‘အစည်းအဝေးက တင်ပြ တာတွေပြီးရင် ဆွေးနွေးတာတွေ၊ ဖလှယ်တာတွေ လုပ်ရဦးမယ် လေ။ အဲဒါကြောင့် ခြောက်ရက်လို့ ပြောင်းလဲသတ်မှတ်လိုက်တာပါ’’ ဟု UWSP/UWSA ပြင်ပဆက်ဆံ ရေးဌာနတာဝန်ရှိသူက ပြော သည်။
ဧပြီ ၂၉ ရက်တွင် ပန်ဆန်း သို့ မွန်ပြည်သစ်ပါတီ (NMSP)ဒုဥက္ကဋ္ဌနှင့် တစ်နိုင်ငံလုံး အပစ် အခတ်ရပ်စဲရေး ညှိနှိုင်းရေးအဖွဲ့ (NCCT) ခေါင်းဆောင် နိုင်ဟံသာ နှင့်အဖွဲ့၊ ပအိုဝ်းအမျိုးသား လွတ်မြောက်ရေးအဖွဲ့ (PNLO) နာယက၊ NCCT အဖွဲ့ဝင် ဗိုလ်မှူးကြီး ခွန်ဥက္ကာနှင့်အဖွဲ့တို့ ရောက်ရှိနေကြပြီဖြစ်သည်။

အလုပ်သမားအခွင့်အရေး ရပိုင်ခွင့်များရရှိရန် အလုပ်သမားနေ့တွင် ဆန္ဒပြမည်

မေလ ၁ ရက်(အလုပ် သမားနေ့)တွင် လှိုင်သာယာစက် မှုဇုန်များရှိ အလုပ်သမား ၅၀၀ ကျော်တို့သည် အလုပ်သမားအခွင့် အရေး ရပိုင်ခွင့်များရရှိရန် ဗဟန်း မြို့နယ်ရှိ ဗိုလ်စိန်မှန်ကွင်းမှ တာ မွေမြို့နယ်ရှိ လူထုဟစ်တိုင်သို့ ချီတက်ဆန္ဒပြ တောင်းဆိုမည် ဖြစ်ကြောင်း သတင်းရရှိသည်။
မေလ ၁ ရက်တွင် ဆန္ဒပြရန် စီစဉ်နေကြသော လှိုင်သာယာ စက်မှုဇုန်များရှိ အလုပ်သမား ၂,၀၀၀ ကျော်က မရမ်းကုန်းမြို့နယ် စစ်ကြောင်း၊ အင်းစိန်မြို့နယ် စစ်ကြောင်းနှင့် ကမာရွတ်မြို့နယ် စစ်ကြောင်းဟူ၍ အလုပ်သမားစစ်ကြောင်း သုံးကြောင်းဖြင့် ကမာရွတ် လှည်းတန်းလမ်းဆုံအထိ ချီတက်ဆန္ဒပြရန် အာဏာပိုင်များထံ တင်ပြခဲ့သော်လည်း အင်အား ၅၀၀ ခန့်ဖြင့် ဗိုလ်စိန်မှန်ကွင်းမှ လူထုဟစ်တိုင်ထိသာ ခွင့်ပြုချက် ရရှိခဲ့ကြောင်း အလုပ်သမား ဆန္ဒပြတောင်းဆိုမှုကို ဦးဆောင်မည့် ရှေ့နေဦးဌေးက ပြောသည်။

ဖြူးမြို့နယ်တွင် သံဃာတော်များအပါအ၀င် လူနှစ်ရာကျော် အစာအဆိပ်သင့်မှုဖြစ်ပွား

ဖြူးမြို့နယ်၊ ကညွတ် ကွင်းမြို့၊ ရွာကန့်လန့်ကျေးရွာ တွင် နာရေးဆွမ်းသွတ်အလှူမှ ကျွေးသော ထမင်းနှင့် ဟင်းများ စားသုံးရာမှ သံဃာတော်များ အပါအ၀င် လူနှစ်ရာကျော် အစာအ ဆိပ်သင့်မှုဖြစ်ပွားခဲ့ကြောင်း သတင်းရရှိသည်။
ဧပြီ ၂၉ ရက် နံနက်က ကညွတ်ကွင်းမြို့အနောက်ရှိ ရွာ ကန့်လန့်ကျေးရွာတွင် နာရေး ဆွမ်းသွတ်အတွက် ၀က်သား ဟင်း၊ အချဉ်သုပ်၊ ပဲဟင်းတို့ဖြင့် ကျွေးမွေးရာ သံဃာတော်များ အပါအ၀င် နာရေးဆွမ်းသွတ်သို့ လာရောက်သော လူနှစ်ရာကျော် အစာအဆိပ်သင့်ခဲ့ခြင်းဖြစ်သည်။

ကျည်ဆန်နှင့် စိတ်ကြွဆေး သယ်ဆောင်လာသော ကားတစ်စီး မူဆယ်မြို့အနီးတွင် ဖမ်းမိ

အမေရိကန်နိုင်ငံသား တစ်ဦး၊ သြစတြေးလျနိုင်ငံသား တစ်ဦးနှင့် နမ့်ခမ်းမြို့ဒေသခံတစ် ဦးကို သေနတ် ကျည်ဆန်များ၊ စိတ်ကြွဆေးများနှင့်အတူ မူဆယ် မြို့အနီးတွင် ဖမ်းဆီးစစ်ဆေးခဲ့ပြီး နိုင်ငံခြားသားနှစ်ဦးမှာ အမှုနှင့် မ သက်ဆိုင်သောကြောင့် ပြန်လည် လွှတ်ပေးခဲ့ကြောင်း သတင်းရရှိ သည်။
ဧပြီ ၂၈ ရက်တွင် နမ့်ဖတ် ကာမှ နမ့်ခမ်းဘက်သို့သွားသည့် ပြည်ထောင်စု လမ်းမကြီးပေါ်၌ ပါဂျဲရိုးကားတစ်စီးကို ရဲတပ်ဖွဲ့ က စစ်ဆေးစဉ် ဖမ်းဆီးခဲ့ခြင်းဖြစ် သည်။ ရဲတပ်ဖွဲ့နှင့် လ၀ကဌာန အရာရှိများပါဝင်သော ပူးပေါင်း အဖွဲ့၏ စစ်ဆေးချက်အရ နိုင်ငံ ခြားသားနှစ်ဦးမှာအပြစ်မရှိ၍ ဧပြီ ၂၉ ရက်တွင် ပြန်လွှတ်ပေးခဲ့ ကြောင်း ရှမ်းပြည်နယ် ရဲတပ်ဖွဲ့ မှ ရဲအရာရှိတစ်ဦးကပြောသည်။

နိုင်ငံသားမဟုတ်သူများကို ပါတီဝင်အဖြစ်မှ ရပ်စဲရေးဥပဒေအရ ဒီချုပ်ပါတီဝင် ခုနစ်ထောင်ကျော် ရပ်စဲခံခဲ့ရ

နိုင်ငံသားမဟုတ်သူများ ကို ပါတီဝင်များအဖြစ်မှ ရပ်စဲရန် ပြင်ဆင်လိုက်သည့် ဥပဒေအရ အမျိုးသားဒီမိုကရေစီ အဖွဲ့ချုပ် ပါတီ (NLD) အနေဖြင့် ပါတီဝင် ၇,၀၀၀ ခန့်ကို ပါတီဝင်အဖြစ်မှ ရပ်စဲခဲ့ကြောင်း သတင်းရရှိသည်။
အသစ်ပြင်ဆင်လိုက်သော နိုင်ငံရေးပါတီများ ဥပဒေအရ နိုင် ငံသားကတ် (ပန်းရောင်ကတ်) ကိုင်ဆောင်ထားသူမှအပ အခြား အသိအမှတ်ပြု ကိုင်ဆောင်ထား သူများအား ပါတီတည်ထောင်ခွင့်၊ ပါတီဝင်အဖြစ် လှုပ်ရှားခွင့် ကန့်သတ်ချက်အရ ယင်းကဲ့သို့ ထုတ်ပယ်ခဲ့ရခြင်းဖြစ်သည်။
‘‘ပါတီဝင် ၇,၀၀၀ လောက် ကို ပါတီဝင်အဖြစ်က ရပ်စဲခဲ့ရတာတော့ ရှိပါတယ်။

ကမ္ဘာကြီးပူနွေးမှုကို ဝိုင်းဝန်းကာကွယ်

ကမ္ဘာကြီးပူနွေးလာမှုအကျိုးဆက်ကို ယနေ့လူသားများ လက်တွေ့ခံစား လာရပြီဖြစ် သည်။ ယင်းသို့ ပူနွေးလာသည်မှာ ကမ္ဘာ့လေထုထဲတွင် ကာလကြာမြင့် စွာ တည်ရှိနေနိုင်သော ကာဗွန်ဒိုင်အောက်ဆိုက်ဓာတ်ငွေ့ နှင့် အခြားသော ဖန်လုံအိမ်ဓာတ်ငွေ့ပမာဏ မြင့်မားလာသောကြောင့် ဖြစ်သည်။
ယင်းသို့ မြင့်မားလာခြင်းသည် မလွန်ဆန်နိုင်သော ဖြစ်စဉ်သဘော တရားကဲ့ သို့ ဖြစ်နေသော်လည်း အမှန်တွင် လက်သည်မှာ လူသားများ ပင် ဖြစ်သည်။
လူတို့၏လိုအင်များကို နောက်မဆုတ်တမ်းဖြည့်ဆည်းနေရာမှ ကမ္ဘာကြီးကို တတိတိဖျက်ဆီးသကဲ့သို့ ဖြစ်လာသည်။ လူသား တို့နေထိုင်ရာ ကမ္ဘာကြီး တွင် လူသားတို့အား ထိခိုက်စေနိုင် သော အခြေအနေများကို ဟန့်တား ကာကွယ်နိုင်သော သဘာဝအတားအဆီး များရှိသော်လည်း ထိုအတား အဆီးများကို လူသားတို့ကပင် ဖျက်ဆီးပစ် ကြသည်။

မြန်မာနိုင်ငံ ပြုပြင်ပြောင်းလဲမှု လုပ်ငန်းစဉ်သည် တစ်ဆင့်ပြီးတစ်ဆင့် ဆက်လက် တိုးတက်လျက် ရှိကြောင်း ကုလသမဂ္ဂ အတွင်းရေးမှူးချုပ် မစ္စတာ ဘန်ကီမွန်း ပြောကြား

ကုလသမဂ္ဂအတွင်းရေးမှူးချုပ်၏ မြန်မာနိုင်ငံ ငြိမ်းချမ်းရေး၊ ဖွံ့ဖြိုးတိုး တက်ရေးနှင့် ဒီမိုကရေစီရေး ဆိုင်ရာ မိတ်ဖက်အဖွဲ့ (Partnership Group for Peace, Development and Democracy in Myanmar – PGM ) အစည်းအဝေးကို ဧပြီ ၂၄ ရက် နံနက် ၁၁ နာရီခွဲ မှ မွန်းလွဲ ၁ နာရီအထိ နယူးယောက်မြို့ရှိ ကုလသမဂ္ဂ ဌာနချုပ်၌ ကျင်းပရာ ပြည်ထောင်စုဝန်ကြီး ဦးစိုးသိန်း ဦးဆောင်သော မြန်မာကိုယ်စားလှယ်အဖွဲ့ တက်ရောက် ခဲ့ကြသည်။
အဆိုပါအစည်းအဝေးသို့ ကုလသမဂ္ဂအတွင်းရေးမှူး ချုပ် မစ္စတာ ဘန်ကီမွန်း၊ အတွင်းရေးမှူးချုပ်၏ မြန်မာ နိုင်ငံဆိုင်ရာ အထူးအကြံပေးပုဂ္ဂိုလ် မစ္စတာ ဗီဂျေနမ် ဘီးယား၊ PGMအဖွဲ့ဝင် ၁၅ နိုင်ငံမှ အမြဲတမ်း ကိုယ်စားလှယ်အဆင့် ၁ဝ ဦး၊ ဒုတိယအမြဲတမ်းကိုယ်စား လှယ်အဆင့် လေးဦးနှင့် အမေရိကန်နိုင်ငံမှ ဒုတိယ လက်ထောက်နိုင်ငံခြားရေးဝန်ကြီးMr. Scot Marciel တို့ တက်ရောက်ခဲ့ကြသည်။

နာဂစ်ဒဏ်ခံစားခဲ့ရသည့် ဒေသများ အလုပ်အကိုင် အခွင့်အလမ်းများ ပံ့ပိုး ရန် လိုအပ်

၂ဝ၁၅ မေလ ၂ ရက်ဆိုလျှင် မြန်မာပြည်အောက်ပိုင်း ရန်ကုန်အပါ အဝင် မြစ်ဝ ကျွန်းပေါ်ဒေသအချို့တွင် ၂ဝဝ၈ ခုနှစ် မေလ ၂ ရက်ကတိုက် ခတ်ခဲ့သော နာဂစ်မုန်တိုင်း ဒဏ်ခံစားရမှု ခုနစ်နှစ်ပြည့်မြောက်လာပြီ ဖြစ်သည်။ နာဂစ် ခုနစ်နှစ်မြောက်ပြည့်ရန် ရက်ပိုင်းအလို ပတ်ဝန်းကျင်နိုင်ငံ တစ်နိုင်ငံဖြစ်သော နီပေါနိုင်ငံ၏ လူဦးရေ ၅ဝဝဝ ကျော် သေဆုံးမှုရှိခဲ့သော ပြင်းအား ၇ ဒသမ ၉ မဂ္ဂနီကျူဒ်ရှိ မြေငလျင်သတင်းဆိုး ကြားသိရသည်။
အဆိုပါနိုင်ငံတွင် ၁၉၃၄ ခုနှစ်တွင် ပြင်းအား ၈ ဒသမ ၁ ရှိ ငလျင်လှုပ်ခတ်ခဲ့ရာ လူဦးရေ တစ်သောင်း ကျော် သေဆုံးခဲ့သည်။ နှစ်ပေါင်း ၈ဝ ကျော်တွင် မြေ ငလျင်ဒဏ်ထပ်မံကြုံတွေ့လာရခြင်းဖြစ်သည်။ ထို့အတူ နာဂစ်ဒဏ်ခံစား ခဲ့ရသော ဒေသများတွင်လည်း ထပ်မံ ကြုံတွေ့ရခြင်း မရှိစေရေး သဘာဝဘေးအန္တရာယ်ကြိုတင် ကာကွယ်မှုများလိုအပ်နေသည်ဟု သတိပေးသကဲ့သို့ ရှိနေသည်။

မသိချင်ယောင် ဆောင်နေကြတာလား

သစ်တစ်ပင် ခုတ်စရာမလို၊ မြေတစ်ကွက် ရောင်းစရာမလို၊ မီးခိုးတအူအူထွက်ပြီး သဘာဝပတ်ဝန်းကျင် ထိခိုက်စရာမလိုဘဲ မီးခိုးတိတ် စီးပွားရေးလုပ်ငန်းနဲ့ နိုင်ငံခြားငွေတွေ သောက်သောက်လဲရမယ့် သဘာဝသယံဇာတတွေ၊ ရှုခင်းတွေ၊ တောတောင်အလှအပတွေ ပြည့်စုံကောင်းမွန်ပါလျက်နဲ့ သစ်ပင်ခုတ်ပြီး သစ်အလုံးလိုက် တင်ပို့ပြီးမှ နိုင်ငံခြားငွေရှာရတာ ဘာကြောင့်ပါလဲ။

သူပုန်နှင့်အစိုးရ ငြိမ်းချမ်းရေးအကျိုးဆောင် ကမ်းလှမ်းချက် ကိုလံဘီယာမယ် ပယ်ချ

ကိုလံဘီယာသူပုန်အဖွဲ့နဲ့ အစိုးရအကြား ငြိမ်းချမ်းရေး အကျိုးဆောင်ပေးဖို့ ကမ်းလှမ်းခံရတဲ့ ကိုလံဘီယာနိုင်ငံရဲ့ မယ်စကြာဝဠာက ဖိတ်ကြားမှုကို ပယ်ချလိုက်ပါတယ်။
အသက် ၂၂ အရွယ် အလှမယ်ဟာ စီးပွားရေးဘာသာရပ်ကို လေ့လာနေသူ ဖြစ်ပြီး ငြိမ်းချမ်းရေးဆွေးနွေးပွဲမှာ ပါဝင်ပေးဖို့ ကိုလံဘီယာသူပုန်အဖွဲ့က တရားဝင် အကြောင်းကြား စာနဲ့ ဖိတ်ခေါ်ခဲ့တာ ဖြစ်ပါတယ်။

နီပေါငလျင်ဘေးအတွက် ကူညီကြရန် မြန်မာကြက်ခြေနီအသင်း ဖိတ်ခေါ်

နီပေါငလျင်ဘေးဒဏ်ခံရသူတွေအတွက် အလှူငွေထည့်ဝင်လှူဒါန်းကြဖို့ မြန်မာနိုင်ငံကြက်ခြေနီအသင်းက ဖိတ်ခေါ်လိုက်ပါတယ်။
လတ်တလောမှာ မြန်မာနိုင်ငံကြက်ခြေနီအသင်းဝန်ထမ်းများက စုပေါင်းလှူဒါန်းငွေ အမေရိကန်ဒေါ်လာ ၂၀၀၀ နဲ့ မြန်မာနိုင်ငံကြက်ခြေနီအသင်းက လှူဒါန်းငွေ အမေရိကန်ဒေါ်လာ ၅၀၀၀ တို့ကို လှူဒါန်းထားပြီးဖြစ်တယ်လို့ အသင်းရဲ့အွန်လိုင်းစာမျက်နှာမှာ ဖော်ပြထားပါတယ်။

ဒုတိယကမ္ဘာစစ်က ဂျပန်စစ်တပ်၏ကျူးလွန်မှုများအတွက် တောင်းပန်ရန် အမေရိကန်တွင် ဆန္ဒပြ

ဒုတိယ ကမ္ဘာစစ်ကာလက ဂျပန်စစ်တပ်ရဲ့ ကျူးလွန်မှုတွေကို တောင်းပန်ဖို့ အမေရိကန် ပြည်ထောင်စု ၀ါရှင်တန် ဒီစီမြို့မှာ ကိုရီးယား နွယ်ဖွား အမေရိကန် ၁၀၀ ကျော်ဟာ ဧပြီ ၂၈ ရက်နေ့က တောင်းဆို ဆန္ဒပြခဲ့ကြပါတယ်။
ဂျပန်ဝန်ကြီးချုပ်ရှင်ဇို အာဘေး အမေရိကန်ပြည်ထောင်စုကို ရောက်နေချိန်မှာ  ဆန္ဒပြကြတာဖြစ်ပါတယ်။
ဂျပန်စစ်တပ်ရဲ့ လိင်ကျွန်ပြုတာကို ခံခဲ့ရတဲ့ လီယောင်ဆိုးကလည်း ဆန္ဒပြပွဲမှာ ပါဝင်ပါတယ်။
“ခံစားချက်တွေက အခုထိ နာကျင်နေတုန်းပဲ။ သေတဲ့ အထိ မေ့မှာ မဟုတ်ဘူး” လို့ ဆန္ဒပြပွဲမှာ သူက ပြောပါတယ်။စစ်ကြီးအတွင်း ဂျပန်စစ်တပ်က အိမ်နီးချင်းနိုင်ငံတွေမှာ ကျူးလွန်ခဲ့တဲ့ ကိစ္စတွေကို ဂျပန်ဝန်ကြီးချုပ်အနေနဲ့ တရားဝင် တောင်းပန်ဖို့ တောင်း ဆိုထားတဲ့ ဆိုင်းဘုတ်တွေကို ဆန္ဒပြသမားတွေက ကိုင်ထားကြပါတယ်။

ဘားအံမြို့နယ်အတွင်း ဓာတ်ငွေ့ပိုက်လိုင်း ပေါက်ကွဲမှုဖြစ်ပွား

ကရင်ပြည်နယ် ဘားအံမြို့နယ် ဖိုးရှိုးရပ်ကွက်အတွင်းရှိ သဘာဝဓာတ်ငွေ့ ထိန်း၊ ဖြန့် စခန်းဝင်းအတွင်း ဧပြီလ ၂၇ ရက်နေ့ ညနေပိုင်း ၄ နာရီလောက်မှာ ပိုက်တွင်း လက်ကျန် သဘာဝဓာတ်ငွေ့တွေကို ရှင်းနေချိန် ပေါက်ကွဲမှုဖြစ်ပွားခဲ့တယ်လို့ မျက်မြင်ဒေသခံတဦးက ဒီဗွီဘီကို ပြောပါတယ်။

“ဂက်စ်လိုင်းထဲမှာ ဂက်စ်အကျန်ကို ရှင်းတာပေါ့။ ဘယ်လိုရှင်းလဲဆိုရင် မီးရှို့ပြီးတော့ ရှင်းထုတ်တာ။ ခါတိုင်းလည်း ဒီလိုပုံစံပဲ သူက မီးရှို့ပြီး ရှင်းထုတ်တယ်။ အဲတော့ ရှင်းရင်းနဲ့ မီးကအထဲကို ပြန့်ဝင်ပြီး ပေါက်တဲ့သဘောဖြစ်သွားတာ။”

ကချင်ပြည်နယ်အတွင်း သစ်ခိုးထုတ်သည့် တရုတ်နိုင်ငံသားများကို လ၀ကအက်ဥပဒေဖြင့် ထောင်ခြောက်လစီချမှတ်ခဲ့ပြီး အနည်းဆုံး ထောင်ဒဏ် ၁၀ နှစ်အထိ အပြစ်ပေးနိုင်သော အပက ၃ ပုဒ်မဖြင့် နေ့စဉ်စစ်ဆေးနေ

၂၀၁၅ နှစ်ဆန်းပိုင်းက ကချင်ပြည်နယ်အတွင်းဖမ်းမိသော သစ်ခိုးထုတ်သည့် တရုတ်နိုင်ငံသား ၁၅၅ ဦးကို လ၀ကအက်ဥပဒေ ၁၃/၁ အရ ထောင်ဒဏ် ၆ လစီဖြင့် ဧပြီ ၂၂ ရက်က ၀ိုင်းမော်မြို့နယ်တရားရုံးက ချမှတ်လိုက်ပြီး အနည်းဆုံးထောင်ဒဏ် ၁၀ နှစ်အထိချမှတ်နိုင်သော အပက -၃ ပုဒ်မဖြင့် ဧပြီ ၂၂ ရက်နောက်ပိုင်းမှစတင်ကာ နေ့စဉ်ခရိုင်တရားရုံးတွင် စစ်ဆေးနေကြောင်း သတင်းရရှိသည်။
သစ်ခိုးထုတ်သည့် တရုတ်နိုင်ငံသား ၁၅၅ ဦးကို လ၀ကအက်ဥပဒေ ၊ မူးယစ်နှင့် စိတ်ကိုပြောင်းလဲစေသော ဥပဒေ၊ ပြည်သူပိုင်ပစ္စည်း ကာကွယ်စောင့်ရှောက်ရေးဥပဒေ ၆/၁ ဖြင့် ရှေးဦးစွာအမှုဖွင့်အရေးယူခဲ့ပြီးနောက် ပြည်သူပိုင်ပစ္စည်း ကာကွယ်စောင့်ရှောက်ရေး ဥပဒေ ၆/၁ အစား နှစ်ရှည်ထောင်ဒဏ်ချမှတ်နိုင်သော အပက -၃ ဖြင့် ဧပြီ ၁၀ တွင် ပြောင်းလဲစစ်ဆေးခဲ့ခြင်းဖြစ်သည်။

ကသည်းလက်နက်ကိုင်များ ဖမ်းဆီးနေ၍ တမူးဒေသခံများ ထိတ်လန့်

ကလေး - တမူးမြို့တွင် ဧပြီ ၁၂ ရက်က ကသည်းလက်နက်ကိုင် တပ်ရင်းစခန်းအနီးသို့ လမ်းမှား ရောက်ရှိသွားသည့် ဒေသခံကျေး ရွာသားလေးဦး ဖမ်းဆီးခံရပြီး နောက် တမူးဒေသခံများ မိမိတို့လုံခြုံရေးအတွက် စိုးရိမ်နေကြောင်း သတင်းရရှိသည်။
တမူးခရိုင်၊ မြို့သစ်မြို့နယ်ခွဲ ရှိ မွှာလ်လင်းကျေးရွာ သားလေးဦးသည် ဧပြီ ၁၂ ရက် ညကတောတွင်းသို့ ငှက်ပစ်ထွက်ရာမှ လမ်းမှား၍ကသည်း လက်နက်ကိုင်တပ်ရင်း စခန်းချထားရာအနီးသို့ ရောက်ရှိခဲ့သည်။
အဆိုပါရွာသားများကို က သည်းလက်နက်ကိုင်များက မိမိ တို့စခန်းသို့ လာရောက်စုံစမ်းသူ များဟု ယူဆကာ ဖမ်းဆီးရိုက်နှက်ခြင်းများ ပြုလုပ်ခဲ့သည်ဟုသိရသည်။

တိုက်ပွဲဖြစ်ပွားနေသော လက်နက်ကိုင်အဖွဲ့များကို တိုင်းရင်းသားလက်နက်ကိုင် ညီလာခံ ဖိတ်ထားဟုဆို

အစိုးရနှင့် တိုင်းရင်းသားလက်နက်ကိုင် အဖွဲ့များအကြား သဘောတူညီထားသည့် တစ်နိုင်ငံလုံး အပစ်အခတ်ရပ်စဲရေးဆိုင်ရာ အပစ်ရပ်မူကြမ်းကို ဆွေးနွေးမည့် တိုင်းရင်းသားလက်နက်ကိုင် ခေါင်းဆောင်များ၏ ပန်ဆန်းညီလာခံကို တက်ရောက်ရန် လက်ရှိ တိုက်ပွဲဖြစ်ပွားနေသည့် ကိုးကန့်လက်နက်ကိုင်အဖွဲ့၊ ရခိုင်လက်နက်ကိုင်အဖွဲ့နှင့် တအာင်းလက်နက်ကိုင် အဖွဲ့တို့ကိုပါ ဖိတ်ကြားထားကြောင်း တိုင်းရင်းသားလက်နက်ကိုင် အဖွဲ့များထံမှ သိရသည်။

“အခုတိုက်ပွဲဖြစ်ပွားနေဆဲ အဖွဲ့တွေကိုလည်း ဖိတ်ကြားထားပါတယ်။ ပြီးခဲ့တဲ့ နှစ်လတည်းက စီစဉ်ထားတဲ့အတိုင်း သွားတဲ့သဘောပါ။ NCCT ထဲက မတက်ရောက်တဲ့ အဖွဲ့တွေကတော့ သီးခြား NCCT ထဲမှာ ပြန်ရှင်းလင်း ဆွေးနွေးကြမှာပေါ့” ဟု “ဝ” ပြည် သွေးစည်းညီညွှတ်ရေးပါတီမှ တာဝန်ရှိသူတစ်ဦးက ပြောကြားသည်။

တန်ချိန်ထောင်ချီသော မူးယစ်ဆေးဝါးများ “ဖြစ်ရပ်မှန်လား---လုပ်ကြံပြောဆိုမှုလား” - အပိုင်း (၄)

ကချင်လွတ်မြောက်ရေးအဖွဲ့အစည်း KIO

-------------------------------------------------------

KIO သည်လည်း မူးယစ်ဆေးဝါးရောင်းဝယ်မှုလုပ်ငန်းများတွင် ယုံနိုင်စရာမရှိလောက်အောင် ပါဝင်ပတ်သက်နေပါသည်။ ခေတ်ပညာတတ် နှစ်ခြင်းခရစ်ယာန်ဘာသာဝင် လွတ်မြောက်ရေးအတွက် တိုက်ပွဲဝင်သူများ ဆိုသည်နှင့် ဆန့်ကျင်၍ မူးယစ်ဆေးဝါးရောင်းဝယ်ဖြန့်ဖြူးခြင်းလုပ်ငန်းများတွင် များစွာ ပါဝင်လျက်ရှိပါသည်။ အထူးသဖြင့် မြန်မာနိုင်ငံအတွင်း၊ အိန္ဒိယနိုင်ငံ နှင့် တရုတ်နိုင်ငံများသို့ မူးယစ်ဆေးဝါး များဖြန့်ဖြူးလျက်ရှိပါသည်။ မန္တလေးနှင့် မြစ်ကြီးနား မြို့ကြီးများသည် KIO အဖွဲ့ကလက်ဝါးကြီးအုပ် ထားသော မူးယစ်ဆေးဝါးဖြန့်ဖြူးရောင်းချရာ ဈေးကွက်များဖြစ်ပါသည်။ မူးယစ်ဆေးဝါးရောင်းဝယ် ခြင်းမှရရှိသော ငွေကြေးများကို ယူနန်ပြည်နယ်နှင့် တရုတ်ပြည်မကြီးအတွင်းရှိ တရားဝင်စီးပွားရေး လုပ်ငန်းများတွင် ပြန်လည်ရင်းနှီးမြှုပ်နှံကြပါသည်။ KIO ခေါင်းဆောင်များသည် ထိုဒေသများမှ အာဏာပိုင်များနှင့် ရင်းနှီးမှုနှင့် ပူးပေါင်းလုပ်ဆောင်မှုများကို နှစ်ပေါင်းများစွာကတည်းက လုပ်ဆောင် ခဲ့ကြပါသည်။ Yingcheng ရှိ Yin Muang ဟိုတယ်သည် KIO ဌာနချုပ်ပိုင်ဟိုတယ်ဖြစ်ပါသည်။ အလားတူ Chengguanzhen ရှိ 123 ဟိုတယ်သည်လည်း KIO ဥက္ကဋ္ဌ ဇောင်ဟရား ပိုင်ဟိုတယ်ဖြစ် ပါသည်။ ကူမင်း၊ ကွမ်ကျိုး နှင့် ယန်ကျန်း မြို့များရှိ Shin Lee ကျောက်စိမ်းကုမ္ပဏီများသည်လည်း KIO မှ ဒုတိယဗိုလ်ချုပ်ကြီးအဆင့်ရှိ အင်ဘန်လ ပိုင်ဆိုင်ပါသည်။ Ruili ရှိ Jing Cheng ဟိုတယ်နှင့် Spa ကိုလည်း ဗိုလ်ချုပ် ဂွမ်မော် ပိုင်ဆိုင်ပါသည်။ Chengguanzhen ရှိ Jing Cheng ဟိုတယ်ပိုင် ဂေါက်ကွင်း သည်လည်း KIO ၏ မူးယစ်ဆေးဝါးလုပ်ငန်းများမှရရှိသော ငွေများကိုပြန်လည်မြှုပ်နှံ ထားခြင်းဖြစ်ပါသည်။ ထိုပိုင်ဆိုင်မှုများသည် သိမြင်လွယ်သည့်အကြောင်းအရာများသာဖြစ်ပါသည်။

တန်ချိန်ထောင်ချီသော မူးယစ်ဆေးဝါးများ “ဖြစ်ရပ်မှန်လား---လုပ်ကြံပြောဆိုမှုလား” - အပိုင်း (၃)

“ဝ” ပြည်သွေးစည်းညီညွတ်ရေးတပ်မတော်

---------------------------------------------------------------

၁၉၈၉ ခုနှစ်၊ အေပြီလ ၁၇ ရက်နေ့တွင် “ဝ” လူမျိုးများ အုပ်စုကွဲခဲ့ပြီး ချိုင်ငိုင်လိုင် နှင့် ဗိုယူဟိုင် တို့ကဦးဆောင်ကာ ဗမာပြည်ကွန်မြူနစ်ပါတီရုံးချုပ်ကို သိမ်းပိုက်ပြီး “ဝ” တပ်မတော်အဖြစ် ဖွဲ့စည်းကြောင်း ကြေညာခဲ့ပါသည်။

ဗမာပြည်ကွန်မြူနစ်ပါတီမှ အသွင်ပြောင်လာသော “ဝ” တပ်မတော်သည် ၂၀ဝ၅ ခုနှစ်တွင် “ဝ” ဒေသအတွင်း မူးယစ်ဆေးဝါးကင်းမဲ့ဇုန်အဖြစ်ကြေညာခဲ့ပါသည်။ ထိုကြေညာချက်နှင့်ဆန့်ကျင်၍ ဘိန်းစိုက်ပျိုးခြင်း၊ မူးယစ်ဆေးဝါးထုတ်လုပ်ခြင်းနှင့် ဖြန့်ဖြူးခြင်းလုပ်ငန်းများကို လျှို့ဝှက်စွာနှင့် မသိမသာ လုပ်ဆောင်ခဲ့ ကြပါသည်။ ၂၀ဝ၃ ခုနှစ်၊ မေလ ၂၉ ရက်နေ့တွင် အမေရိကန်အစိုးရက “ဝ”တပ်ဖွဲ့အား မူးယစ်ဆေးဝါးတိုက်ဖျက်သောအဖွဲ့အစည်းအဖြစ်သတ်မှတ်ပေးခဲ့ပါသည်။ မူးယစ်ဆေးဝါးတိုက်ဖျက်ရေး လုပ်ငန်းများကိုအကြောင်းပြ၍ ထုတ်လုပ်ခြင်းနှင့်ဖြန့်ဖြူးခြင်းလုပ်ငန်းများကို သိုသိပ်စွာလုပ်ဆောင်ခဲ့ ကြပါသည်။ “ဝ” တပ်ဖွဲ့သည် ရှမ်းပြည်နယ်အတွင်း နေရာအနှံ့အပြားမှ ဘိန်းများကို ဝယ်ယူခဲ့ပြီး

စစ်အသုံးစရိတ် ၀န်ထုပ်ဝန်ပိုးဖြစ်နေသည့် နိုင်ငံ ၂၀ တွင် မြန်မာပါဝင်

စစ်အသုံးစရိတ်ကို တိုင်းပြည်ဂျီဒီပီရဲ့ ၄ ရာခိုင်နှုန်းအထက်ပိုသုံးပြီး ၀န်ထုပ်ဝန်ပိုးဖြစ်နေတဲ့ နိုင်ငံ ၂၀ ထဲမှာ မြန်မာနိုင်ငံပါဝင်တယ်လို့ စတော့ဟုမ်းနိုင်ငံတကာငြိမ်းချမ်းရေးသုတေသနသိပ္ပံ (SIPRI) ရဲ့ မှတ်တမ်းမှာ ဖော်ပြပါတယ်။ ဒီအဖွဲ့ဟာ ဆွီဒင်နိုင်ငံမှာ အခြေစိုက်တာဖြစ်ပြီး ကမ္ဘာ့နိုင်ငံတွေရဲ့ စစ်အသုံးစရိတ်နဲ့ လက်နက်အရောင်းအ၀ယ်ကိစ္စတွေကို စောင့်ကြည့် လေ့လာ မှတ်တမ်းပြုစု ထုတ်ပြန်နေတာပါ။

၂၀၁၄ ခုမှာ စစ်စရိတ် ဂျီဒီပီ ၄ ရာခိုင်နှုန်းနဲ့ အထက်သုံးတဲ့ နိုင်ငံ ၂၀ ကတော့ အိုမန်၊ ဆော်ဒီအာရေဗီးယား၊ တောင်ဆူဒန်၊ ချဒ်၊ လစ်ဗျား၊ အစ္စရေး၊ ရုရှား၊ လက်ဘနွန်၊ မြန်မာ၊အီရတ်၊ ယီမင်နဲ့ ဆီးရီးယား စတဲ့ နိုင်ငံတွေဖြစ်ပါတယ်။

ကမ္ဘာ့ထိပ်တန်း လက်နက်တင်ပို့ရောင်းချတဲ့ နိုင်ငံ ၁၀နိုင်ငံမှာပါဝင်တဲ့ တရုတ်နိုင်ငံဆီက လက်နက်အများဆုံးဝယ်တဲ့ အဓိက ဖောက်သည်တွေက မြန်မာ၊ ပါကစ္စတန်နဲ့ ဘင်္ဂလားဒေ့ရှ် တုို့ ပါဝင်ပါတယ်။

မြန်မာနိုင်ငံက တရုတ်၊ အိန္ဒိယနဲ့ ရုရှားနိုင်ငံတွေဆီက စစ်လက်နက်ပစ္စည်းတွေ ၀ယ်ယူ ထားတဲ့ စာရင်းတွေကိုလည်း စတော့ဟုမ်းနိုင်ငံ တကာငြိမ်းချမ်းရေးသုသေနသိပ္ပံ က ထည့်သွင်းဖော်ပြထားပါတယ်။

စစ်လက်နက် ပစ္စည်းအမျိုးအစားတွေထဲမှာ စစ်သင်္ဘောတွေပါဝင်သလို၊ MiG-29 တိုက်လေယာဉ်တွေ၊ Mi-35P နဲ့ Mi-24P စစ်ရဟတ်ယာဉ်တွေ၊ တင့်ကားတွေ၊ ပုခုံးထမ်းလောင်ချာတွေနဲ့ ရေဒါ စတာတွေ ပါဝင်ပါတယ်။

မြန်မာကာကွယ်ရေးဝန်ကြီး ဒုဗိုလ်ချုပ်ကြီးဝေလွင်ကတော့ ၂၀၁၅-၂၀၁၆ ဘဏ္ဍာနှစ် အတွက် ကာကွယ်ရေးအသုံးစရိတ်အဖြစ် မြန်မာကျပ်ငွေ ၂၇၅၀ ဘီလီယံပေးဖို့ ပြီးခဲ့တဲ့ ဇန်န၀ါရီက ပြည်ထောင်စု လွှတ်တော်မှာ တောင်းခံထားပါတယ်။

မြန်မာနိုင်ငံရဲ့ ကာကွယ်ရေး အသုံးစာရိတ်ဟာ ပြည်တွင်းအသားတင်ထုတ်လုပ်မှုတန်ဖိုး ဂျီဒီပီရဲ့ ၄ ဒသမ ၈ ရာခိုင်နှုန်းရှိတယ်လို့ အာရှဖွံ့ဖြိုးရေးဘဏ် အေဒီဘီက ခန့်မှန်းထားပါတယ်။

DVB

ကျောက်တော်မြို့နယ်မှ တိုက်ပွဲရှောင် ဒုက္ခသည်များတွင် အသက် ၁၈ နှစ်အောက် ကလေးငယ် ၂၀၀ ကျော် ပါဝင်ကြောင်း သိရ

တပ်မတော်နှင့် ရခိုင်လက်နက်ကိုင်အဖွဲ့(AA)တို့၏ တိုက်ပွဲများကြောင့် ကျောက်တော်မြို့နယ်မှ တိုက်ပွဲရှောင် ဒုက္ခသည်များတွင် အသက် ၁၈ နှစ်အောက် ကလေးငယ် ၂၀၀ ကျော် ပါဝင်ကြောင်း စားနပ်ရိက္ခာ သွားရောက်လှူဒါန်းခဲ့သူများက ပြောကြားသည်။

တိုက်ပွဲများကြောင့် တိမ်းရှောင်နေသော ကျေးရွာသုံးရွာရှိပြီး အောင်လံချောင်း၊ ပင်လုံနှင့် ကုလားချောင်းကျေးရွာတို့မှ ရွာသားများဖြစ်ကာ လက်ရှိအချိန်တွင် စပါးဆိပ်ကျေးရွာ၌ ခိုလှုံနေကြကြောင်း၊ ဒုက္ခသည်များအနက် အသက် ၁၈ နှစ်အောက် ကျား ၁၀၉ ဦး၊ မ ၁၀၈ ဦး၊ အသက် ၁၈ နှစ်အထက် ကျား ၁၀၈ ဦး၊ မ ၈၂ ဦး စုစုပေါင်း ၄၀၇ ဦးဖြစ်ကြောင်း သတင်းရရှိသည်။