ထိုင်းနှင့် ဆက်ဆံရေး စိန်ခေါ်မှုရှိနေဟု အမေရိကန်ပြော

• 

• 
• 

• 
  

ထိုင်းနိုင်ငံနဲ့ ဆက်ဆံရေးဟာ စိန်ခေါ်မှုရှိတဲ့အချိန်ကို ဖြတ်သန်းနေရတယ်လို့ မဟာမိတ် အမေရိကန် ပြည်ထောင်စုက ပြောဆိုလိုက်ပါတယ်။

ထိုင်းမှာ လူ ၃၀ လောက် သေခဲ့ရတဲ့ နိုင်ငံရေးမတည်ငြိမ်မှုတွေကြောင့် ပြီးခဲ့တဲ့နှစ် မေလမှာ ထိုင်းစစ်တပ်က အာဏာသိမ်းပြီးတဲ့နောက် ဆက်ဆံရေး မပြေမလည် ဖြစ်နေတာ ဖြစ်ပါတယ်။

ထိုင်းကို အမြန်ဆုံး ဒီမိုကရေစီ လမ်းပေါ် ပြန်သွားဖို့ မျှော်လင့်တဲ့အကြောင်နဲ့  ရွေးကောက်ခံ အရပ်သား အစိုးရရှိရေးအတွက် ဒီနှစ် ရွှေမြွေဟောက် စစ်ရေးလေ့ကျင့်မှုကို ပုံစံပြောင်းဖို့လိုအပ်တယ်လို့ စစ်ရေးလေ့ကျင့်မှု အဖွင့်မိန့်ခွန်းမှာ အမေရိကန် အရာရှိ ပက်ထရစ် မာဖီက ပြောပါတယ်။

ဒေါက်တာသိန်းလွင်ကို ဒီချုပ်က တာဝန်မှ ရပ်ဆိုင်း

ရန်ကုန်တက္ကသိုလ်စိန်ရတုခန်းမတွင်ကျင်းပသော အမျိုးသားပညာရေးဥပဒေပြင်ဆင်ရေး ဆွေးနွေးပွဲ၌ တွေ့ရသည့် ဒေါက်တာသိန်းလွင်/ ဓာတ်ပုံ - ဂျေမောင်မောင်(အမရပူရ)

အမျိုးသားဒီမိုကရေစီအဖွဲ့ချုပ်၏ အရန်ဗဟိုအလုပ်အမှုဆောင်အဖွဲ့ဝင် ဒေါက်တာသိန်းလွင်ကို ပါတီတာဝန်များမှ ရပ်ဆိုင်းလိုက်ကြောင်း အဖွဲ့ချုပ်၏ ဗဟိုအလုပ်အမှုဆောင်အဖွဲ့က ကြေညာချက် ထုတ်ပြန်သည်။

ဒေါက်တာသိန်းလွင်သည် အဖွဲ့ချုပ်၏ စည်းမျဉ်းစည်းကမ်းများ ချိုးဖောက်ခြင်း၊ တားမြစ်ချက်များ မလိုက်နာခြင်းကြောင့် အရန်ဗဟိုအလုပ်အမှုဆောင်တာဝန်နှင့် ဗဟိုကော်မတီဝင်အဖြစ်မှ ရပ်ဆိုင်းလိုက်သည်ဟု ဖေဖော်ဝါရီ ၉ ရက်စွဲဖြင့် ထုတ်ပြန်လိုက်ခြင်းဖြစ်သည်။

ကချင်စစ်ရှောင်ဒုက္ခသည်များ ဖားကန့်မြို့ ပြောင်းရွှေ့ခိုလှုံ

ကချင်ပြည်နယ်အတွင်း၊ ဝိုင်းမော်ဒုက္ခသည်စခန်းက ကလေးတွေ ကျောင်း သွားမယ့် မနက်ခင်းမြင်ကွင်း။

ကချင်ပြည်နယ် ဖားကန့်ဒေသ၊ ကံဆီးရွာမှာ ခိုလှုံနေတဲ့ စစ်ရှောင်ရွာသား တွေကို နေရပ်ရင်း ပြန်ခိုင်းတာကြောင့် ရာနဲ့ချီတဲ့ ရွာသားတွေဟာ ပိုမိုပြီး လုံခြုံမှုရှိတဲ့ ဖားကန့်မြို့ကို ပြောင်းရွှေ့ခိုလှုံနေကြရပါတယ်။ မကြာခင်က ဒီဒေသကို သွားရောက်ခဲ့တဲ့ ၈၈ မျိုးဆက် ငြိမ်း/ပွင့်က ခေါင်းဆောင် တဦး ကတော့ စစ်ရှောင်ရွာသားတွေကို လွတ်လွတ်လပ်လပ်သွားဖို့ ခွင့်ပြုသင့် ကြောင်း ပြောပါတယ်။ သတင်းအပြည့်အစုံကို ဗွီအိုအေမြန်မာပိုင်း သတင်း ထောက် ကိုမိုးဇော်က တင်ပြထားပါတယ်။

ဇန်နဝါရီလ ၁၄ ရက်နေ့က ပြန်လည်စတင်ခဲ့ ဖားကန့်ဒေသတွင်းက တိုက်ပွဲ တွေကြောင့် အောင်ဘာလေရွာနဲ့ အနီးအနားက ရွာသား (၂,၀၀၀) ထောင် လောက်ဟာ အစိုးရစစ်တပ်အခြေစိုက်ရာ ကံဆီးရွာကို ပြောင်းရွှေ့ခိုလှုံခဲ့ကြ တာဖြစ်ပါတယ်။

ဒီရက်ပိုင်းတွေအတွင်း ဖားကန့်ဒေသမှ တိုက်ပွဲတွေ ငြိမ်သက်ခဲ့တဲ့နောက် အစိုးရစစ်တပ်က တိမ်းရှောင်ရွာသားတွေကို ဒီလ ၁ဝ ရက်နေ့ နောက်ဆုံး ထားပြီး အောင်ဘာလေရွာကို ပြန်ဖို့ အမိန့်ပေးခဲ့ကြောင်း စစ်ရှောင်ရွာ သားတွေကို ကူညီပေးနေတဲ့ ကချင်နှစ်ခြင်းခရစ်ယာန်အဖွဲ့ချုပ် KBC က အထွေထွေ အတွင်းရေးမှူး ဒေါက်တာ ခလပ်ဆမ်ဆွန်က ပြောပါတယ်။

“ကံဆီးမှာနေတဲ့လူတွေကို အောင်ဘာလေကို ပြောင်းခိုင်းတာ။ အဲဒါကို တပ်ကပြောတယ်၊ မနက်ဖြန်နောက်ဆုံးလို့ ပြောတယ်။”

ဖုန်ကြားရှင်ယခင် (ဗကပ မှ ခွဲထွက်) အင် အား (၁၀၀၀)'ခန့်ဟာကုံလုံ နယ် မြေ ဘက် မှ ကိုးကန့် နယ် စပ်သို့ ဝင်ရောက်တိုက်ခိုက် တိုက်ပွဲများပြင်းထန်

လောက်ကိုင်၊ ကုန်းကြမ်း၊ လောက်ကိုင်မြောက်ဘက် ၃ နေရာကနေ အင် အား အလုံးအရင်းနဲ့ဝင်လာတာဖြစ် ပါတယ် အင်အား ၁၀၀၀ကျော်ရှိ နေ ကြောင်းစစ်ကူလိုက် တဲ့ တပ်ရင်း ၁ ရင်းပိတ်မိနေပြီး အဲ့ တပ်ရင်း နောက် ကိုလဲ လိုက်လံကူနေပါတယ်သေချာ စွာရန်သူကို ထိန်းနိုင်တဲ့ အခြေ အနေ မရှိသေးပါဘူးလိုအပ်ရင် အပတ်စဉ် အောင်ဆန်း တပ်ခွဲ ဆင်း တပ်မမှူး စစ်ကူလိုက်မှာဖြစ်ပါတယ်။

၉-၂-၂၀၁၅(၁၂၃၀)နာရီ ယ နေ့

ဒကစ(လောက် ကိုင်) ကွပ်ကဲ မှု အောက် ခလရ(၁၂၅)ရင်းဌာနချုပ် (ကုန်း ကြမ်း) တာရွှေထမ်း ဥာဏ်ကွမ်းလောက် ကိုင် နေ ရာများအား ဖုန်းကြား ရှင်ယခင် (ဗကပ မှ ခွဲထွက်) အင် အား (၁၀၀၀)'ခန့်ဟာကုံလုံ နယ် မြေ ဘက် မှ ကိုးကန့် နယ် စပ်သို့ ဝင်လာပြီး ၁၀၅ မမ အ မြောက် ကြီးများပစ် ကူ များ ယူ ၍ တပြိုင် နက် ထဲ သာ လွန်အင် အားဖြင့်စတင် တိုက် ခိုက် ခဲ့ပါ သည်။

်

ခလရ(၁၂၅) အ နေ ဖြင့် အင် အား (၂၀၀)ကျော် သာ ရှိ သော် လည်း ရဲမေ စစ်သည် များ ဖြင့်ပေါင်း ၍ လောက် ကိုင် နယ် မြေ မကျ ဆုံးစေ ရန် အပြင်း အထန် ခုခံ တိုက် ခိုက် ခဲ့ပါတယ်။

၁၃၅၀ ချိန်ရန်သူ လက်နက်ကြီးပစ် ခတ် မှု များစိတ် လာ ပြီးတိုက် ပွဲ အပြင်း အထန် ဖြစ် ပွား ရာ တပ် ရင်းမှူးဒဏ် ရာ ရ ရှိ ခဲ့ပါ တယ် ။ (စိုးရိမ် ရ)

မြန်မာများကို မှတ်ပုံတင်ထုတ်ပေးသည့် ထိုင်းဝန်ထမ်းများ တိုင်ကြားခံရ

မြန်မာနိုင်ငံသားတွေကို မှတ်ပုံတင်လုပ်ပေးခဲ့တဲ့ ထိုင်းအစိုးရ၀န်ထမ်း ၁၆ ဦး ဥပဒေကြောင်းအရ အရေးယူဖို့ တိုင်ကြားခံထားရတယ်လို့ မန်နေဂျာ အွန်လိုင်း ထိုင်းသတင်းမှာ ဖော်ပြပါတယ်။

အဲဒီဝန်ထမ်း ၁၆ ဦးထဲမှာ လက်ထောက်မြို့နယ်အုပ်ချုပ်ရေးမှူး၊ ကျေးရွာ အုပ်ချုပ်ရေးမှူးတွေ ပါဝင်ပြီး မြန်မာ ၄၂၁ ယောက်ကို မသမာတဲ့နည်းနဲ့ မှတ်ပုံတင် အထောက်အထားတွေ ထုတ်ပေးတာ စစ်ဆေး တွေ့ရှိခဲ့ရတယ်လို့ သတင်းမှာရေးပါတယ်။

ဒီအတွက် အရေးယူပေးဖို့ ကန်ချနပူရီမြို့နယ်အုပ်ချုပ်ရေးမှူးကိုယ်တိုင် ကန်ချနပူရီရဲစခန်းမှာ ဖေဖော်ဝါရီ ၇ ရက်နေ့က တိုင်ချက်ဖွင့်ခဲ့တာလို့ ဆိုပါတယ်။

ထုတ်ပေးတဲ့ မှတ်ပုံတင် အထောက်အထားတွေက တောင်ပေါ်သားကတ်နဲ့ အဖြူရောင် ၁၀ နှစ်ခံကတ်ပြား တွေဖြစ်ပါ တယ်။

ဂဏန်း ၁၃ လုံးပါ မှတ်ပုံတင် နံပါတ်တခုတည်းကို အနည်းဆုံး လူ ၂ ဦးကနေ ၉ ဦးထိ ထုတ်ပေးထားသလို အမည်၊ အသက်၊ လိင်အမျိုးအစားနဲ့ ကိုယ်ရေး အချက်အလက်တွေပါ ပြုပြင်ဖြည့်စွက်ထားတာ တွေ့ရှိရတယ်လို့ ကန်ချ နပူ ရီမြို့နယ် အုပ်ချုပ်ရေးမှူး နိုင်းဆဒ်ထား ခူတ့်ဖလာယုဒ်က သက်သေခံ စာရွက် ပေါင်း ၅ ထောင်နဲ့အတူ တိုင်ချက်ဖွင့်ပါတယ်။

လူချမ်းသာတွေ အခွန်ရှောင်ဖို့ HSCB ဘဏ်ကူညီမှု တွေ့ရှိ

ဗြိတိန်နိုင်ငံက အကြီးဆုံး ဘဏ်လုပ်ငန်းတခုဖြစ်တဲ့ HSBC ရဲ့ ဆွစ်ဇာလန် ဌာနခွဲဟာ သူဌေးကြီးတွေ အခွန်ရှောင်နိုင်အောင်နဲ့ ဒေါ်လာသန်းပေါင်း ရာ ထောင်ချီတန်ဖိုးရှိတဲ့ ပိုင်ဆိုင်မှုတွေကို ဖုံးကွယ်ပေးထားတာ တွေရှိခဲ့တဲ့ အကြောင်း သတင်းမှန်တွေကို စုံစမ်းဖော်ထုတ်နေတဲ့ သတင်းထောက် ကွန်ယက် တခုက တွေ့ရှိခဲ့ပါတယ်။

နိုင်ငံတကာက ရာဇဝတ်သားတွေ၊ အကျော်အမော်တွေ၊ နိုင်ငံရေးသမားတွေ၊ တော်ဝင်မိသားစု အသိုင်းအဝိုင်းက ပုဂ္ဂိုလ်တွေ၊ အားကစားသမားတွေ၊ ကော်ပိုရေးရှင်းကြီးတွေရဲ့ အမှုဆောင် အရာရှိကြီးတွေအတွက် HSBC က ဘဏ်စာရင်းတွေ ဖွင့်ပေးထားတဲ့ လွန်ခဲ့တဲ့နှစ် အတော်များများအတွင်းက လျို့ဝှက်မှတ်တမ်းတွေကို ဝါရှင်တန် အခြေစိုက် International Consortium of Investigative Journalists (ICIJ) အဖွဲ့က တနင်္ဂနွေနေ့ကပဲ ဖွင့်ချခဲ့တာပါ။ နိုင်ငံတကာ ရာဇဝတ်သားတွေထဲမှာတော့ မူးယစ်ဆေးဝါး ဂိုဏ်းခေါင်း ဆောင်တွေ၊ လက်နက်ကုန်သည်တွေ၊ ဝရမ်းပြေး ဖြစ်နေကြတဲ့ စိန်ကုန်သည် တွေလည်း ပါဝင်ပါတယ်။

သပိတ်မှောက်ကျောင်းသားများကို အကြမ်းဖက်မဖြိုခွင်းရန် ရဲချုပ်ရုံးညွှန်ကြား

ခရီးရှည်လမ်းလျှောက်ချီ တက်နေသော သပိတ်မှောက် ကျောင်းသားများကို အကြမ်း ဖက်ဖြိုခွင်းခြင်း မပြုလုပ်ရန် မြန် မာနိုင်ငံရဲတပ်ဖွဲ့ ရဲချုပ်ရုံးမှ ညွှန် ကြားချက်ထုတ်ထားကြောင်း သ တင်းရရှိသည်။

‘‘အကြမ်းဖက်ပြီးတော့ မ လုပ်ဖို့၊ လုပ်ထုံးလုပ်နည်းနဲ့အညီ ဆောင်ရွက်ဖို့ ဒါတွေပါပဲ။ အ ကြမ်းမဖက်ဖို့ရာ ထုတ်ပြန်ထားပါ တယ်။ အကြမ်းဖက်တားဆီးမယ် ဆိုတာ ပြောဖို့ နည်းနည်းခက် တယ်။

တိုင်းပြည် နယ်မြေလုံခြုံရေးနဲ့ တရားဥပဒေစိုးမိုးရေးကို မထိခိုက်သရွေ့တော့ မဖြစ်သေးပါဘူး။ ပြောဆိုစည်းရုံးနားလည် အောင်ပဲလုပ်မှာပါ’’ဟု မြန်မာနိုင်ငံရဲတပ်ဖွဲ့ နေပြည်တော်မှ ပြော ရေးဆိုခွင့်ရှိသူ ဒုရဲမှူးကြီး ဇော်မင်းဦးက 7Day Daily အား ပြောကြားသည်။

တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်၊ (12th ACDFIM) တက်ရောက်မည့် အဖွဲ့ဝင် နိုင်ငံများမှ တပ်မတော် ကာကွယ်ရေး ဦးစီးချုပ်များနှင့် နှစ်နိုင်ငံ သီးခြားစီ တွေ့ဆုံ

မလေးရှား နိုင်ငံ၊ ကွာလာလမ်ပူမြို့၌ ကျင်းပပြုလုပ်မည့် (၁၂)ကြိမ်မြောက် အာဆီယံ တပ်မတော် ကာကွယ်ရေး ဦးစီးချုပ်များ အလွတ်သဘော အစည်းအဝေး (12th ACDFIM )သို့ တက်ရောက်မည့် အာဆီယံနိုင်ငံများမှ တပ်မတော် ကာကွယ်ရေး ဦးစီးချုပ် များအား တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်က ယနေ့ ဒေသ စံတော်ချိန် မွန်းလွဲ ၂ နာရီ ၅ဝ မိနစ်တွင် Shangri-La Hotel ? Bilateral Meeting Room ၌ နှစ်နိုင်ငံ သီးခြားစီ တွေ့ဆုံသည်။

သူများကိုမနာလိုမဖြစ်ဘဲနဲ့ ကိုယ့်ကိုယ်ကိုယ်ကြည့်နေတာအကောင်းဆုံး

ညီမနာမည်ကနန်းထိုက်အောင်ပါ။ အမေကတက္ကသိုလ်က ကထိက ဆရာမ တယောက်ပါ။ အဖေကတော့ အမေရိကန်- မြန်မာလူမျိုးပါ။ ညီမက B.A (Eng) နဲ့ ကျောင်းပြီးထားပါတယ်။ နောက်ပြီး စင်ကာပူနဲ့ မလေး ပေါင်းကူး ကျောင်းကနေ Tourism Management နဲ့ကျောင်းပြီးထားပါတယ်။

လောလောဆယ်တော့ကိုးရီးယားသံရုံး၊ Political Section ဖက်မှာ Exceutive Secretary အနေနဲ့အလုပ်လုပ်နေပါတယ်။ အရင် နိုင်ငံခြားမှာ ကျောင်းသွားမတက်ခင်တုန်းက Tour Guide လုပ်ခဲ့ဖူးပါတယ်။၂၀၁၂ခုနှစ် ဒီကိုပြန်ရောက်စတုန်းကလည်း ညီမ WFP (World Food Program)ဆိုတဲ့ NGO တခုမှာ Program Coordinator အနေနဲ့ဝင်လုပ်ဖူးပါတယ်။

ညီမငယ်ငယ်က ဖြစ်ချင်တာက လေယာဉ်မယ်၊ ဒါမှမဟုတ် Tour Guide တယောက်ဖြစ်ချင်ခဲ့တာပါ။ဘာလို့ ဖြစ်ချင်တာလဲဆိုတော့ ကိုယ့်ရဲ့အား သာချက်က အဖေ့ဘက်က ဗီဇပါတာက အင်္ဂလိပ်စာကိုအားသာတာလေ။ ဒုတိယနှစ်ကို တက်နေရင်းနဲ့ Guide သင်တန်းတက်ဖြစ်တာ။ ငယ်ငယ်တုန်းက ဆရာဝန်လည်း ဖြစ်ချင်တယ်။ ဒါပေမယ့် ဆယ်တန်း အောင်တော့ အမှတ်ကလေး ရာကျော်ကျော်လေးပဲရတော့ ဘာလုပ်ရမှန်းမသိတာနဲ့ အမေက ဒီလမ်းကြောင်းပေါ် ချပေးလိုက်တာပေါ့။ ဒါနဲ့ ဒုတိယနှစ် အင်္ဂလိပ်စာ အဝေးသင်တက်နေရင်းနဲ့ ၀န်ကြီးဌာနက ဖွင့်တဲ့ Tourism Management ကိုသွားတက်လိုက်တယ်။ အဲဒီမှာ ဂိုက်လိုင်စင်ရော၊ လုပ်ငန်းလိုင်စင်ရော ရပြီး ဒီမှာနေရင်းနဲ့ နောက်ဆုံးနှစ် ဖြေပြီးတဲ့အချိန်မှာပဲ မလေးရှားကို ထွက်သွားခဲ့တာပါ။ မလေးရှားမှာက Sangquam University မှာ Tourism ဘာသာရပ်ကိုသွားတက်ဖြစ်တယ်။

လောက်ကိုင်ဒေသတွင် တပ်မတော်နှင့် ကိုးကန့်၊ ကချင်၊ တအာင်း ပူးပေါင်းတပ်ဖွဲ့တို့အကြား တိုက်ပွဲဖြစ်ပွားလျက်ရှိ

ရှမ်းပြည်နယ်မြောက်ပိုင်း ကိုးကန့် ကိုယ်ပိုင်အုပ်ချုပ်ခွင့်ရဒေသ လောက် ကိုင်နယ်တွင် တပ်မတော်နှင့် ကိုးကန့်၊ ကချင်၊ တအာင်း ပူးပေါင်း တပ် ဖွဲ့တို့အကြား ဖေဖော်ဝါရီ ၉ ရက် နံနက်ပိုင်းမှစ၍ တိုက်ပွဲ ဖြစ်ပွား လျက် ရှိကြောင်း သတင်းရရှိသည်။

အဆိုပါ လောက်ကိုင်ဒေသ တိုက်ပွဲဖြစ်စဉ်နှင့်ပတ်သက်ပြီး တပ်မတော် အရာရှိတစ်ဦးက “လောလောဆယ် လေးနေရာလောက်မှာ ဖြစ်နေတယ်လို့ ကြားတယ်။ ကုန်းကြမ်းဘက်မှာ ကွမ်းလုံဘက် တစ်ကြောမှာပါ။ ၁၂ နာရီခွဲ လောက်မှာ တပ်တွေကို ဟိုဘက်က စတိုက်တာ”ဟု ဖေဖော်ဝါရီ ၉ ရက် ညနေပိုင်းတွင် ပြောကြားသည်။

လောက်ကိုင်ခရိုင် အုပ်ချုပ်ရေးပိုင်းမှ တာဝန်ရှိသူတစ်ဦးကလည်း “ကုန်းကြမ်းနဲ့ မော်ထိုက်ဘက်မှာပါ။ ကိုယ်တို့က အုပ်ချုပ်မှုပိုင်းဆိုင်ရာဆိုတော့ ရဲနဲ့တပ်မတော်နဲ့ ပေါင်းပြီးတော့ လုံခြုံရေးနဲ့ပတ်သက်လို့ လုပ်ကိုင်နေတာ တွေတော့ ရှိတာပေါ့။ သတင်းတွေတော့ ထွက်နေတာပေါ့။ ဒါပေမဲ့ အတည်ပြု လို့မရတဲ့ဟာတွေ ဖြစ်နေတယ်” ဟု ဆိုသည်။

အဆိုပါတိုက်ပွဲဖြစ်စဉ်မှာ အစိုးရတပ်မတော်နှင့် TNLA၊ KIA၊ MNDAA (ကိုး ကန့်အဖွဲ့)တို့ ပါဝင်သည့် ပူးပေါင်းတပ်ဖွဲ့တို့အကြား ဖြစ်ပွားနေခြင်း ဖြစ် ကြောင်း TNLA ပြန်ကြားရေးတာဝန်ခံ မိုင်းအိုက်ကျော်က ဖေဖော်ဝါရီ ၉ ရက် ညနေပိုင်းက ဆိုသည်။

ဗိုလ်ချုပ်အောင်ဆန်းမွေးနေ့ နှစ် (၁၀၀) ပြည့်အခမ်းအနားကို လွှတ်တော်၌ကျင်းပမည်ဖြစ်ရာ တပ်မတော်ကာကွယ်ရေးဦးစီးချုပ်အပါအ၀င် နိုင်ငံတော်အဆင့်ပုဂ္ဂိုလ်များအား ဖိတ်ကြားထား

ဗိုလ်ချုပ်အောင်ဆန်းနှစ် (၁၀၀) ပြည့်မွေးနေ့အခမ်းအနားကို လွှတ်တော် တွင်ကျင်းပမည်ဖြစ်ပြီး တပ်မတော် ကာကွယ်ရေးဦးစီးချုပ်အပါအ၀င် နိုင်ငံတော်အဆင့်ပုဂ္ဂိုလ်များကို ဖိတ်ကြားထားကြောင်း သတင်းရရှိသည်။

နေပြည်တော်ရှိ လွှတ်တော်ဝင်းအတွင်း၌ ဖေဖော်ဝါရီ ၁၁ ရက် နံနက် ၉ နာရီမှစတင်ကာ ပြည်ထောင်စုလွှတ်တော် ဗိုလ်ချုပ်နှစ် (၁၀၀) ပြည့် မွေးနေ့ အခမ်းအနား စတင်ကျင်းပမည်ဖြစ်ကြောင်း သိရသည်။

ဖေဖော်ဝါရီ ၁၃ ရက်တွင်ကျရောက်မည့် လွတ်လပ်ရေးဗိသုကာ ဗိုလ်ချုပ် အောင်ဆန်း၏မွေးနေ့ နှစ် (၁၀၀) ပြည့်အခမ်းအနားကျင်းပရန် ပြည်ထောင် စုလွှတ်တော်ရုံးမှ ဗိုလ်ချုပ်နှစ် (၁၀၀) ပြည့်အခမ်းအနားကျင်းပရေး ဗဟို ကော်မတီကို ဖွဲ့စည်းထားသည်။

"ရည်ရွယ်ချက်ကတော့ ဗိုလ်ချုပ်အောင်ဆန်းက တို့နိုင်ငံရဲ့ နိုင်ငံသူ နိုင်ငံသားတွေရဲ့ အားလုံးရဲ့ရင်ထဲမှာ အမြဲရှိနေတဲ့ ထာဝရ အမျိုးသား ခေါင်းဆောင်ကြီးပဲလေ။ ဒီအမျိုးသားခေါင်းဆောင်ကြီးရဲ့ နှစ် (၁၀၀) ပြည့်မွေးနေ့မှာ ကြုံတောင့်ကြုံခဲ အန်ကယ်တို့ ဗိုလ်ချုပ်ကို အမှတ်တရ အဖြစ်နဲ့သော်လည်းကောင်း၊ ဗိုလ်ချုပ်မှာကြားခဲ့တဲ့ လမ်းညွှန်ချက်တွေ၊ သြ၀ါဒတွေကို လိုက်နာဆောင်ရွက်ဖို့လည်းကောင်း၊ နောက်ဗိုလ်ချုပ်ဟာ အသက်စွန့်ပြီးတော့ နိုင်ငံတော်ကို လွတ်လပ်ရေးရအောင် ဆောင်ရွက် ပေးသွားတဲ့ ပုဂ္ဂိုလ်ဖြစ်တဲ့အတွက် သူ့ကိုဂုဏ်ပြုတဲ့အနေနဲ့ အဲဒီအချက် တွေကြောင့် ဒီအခမ်းအနားကိုကျင်းပရခြင်းဖြစ်ပါတယ်" ဟု ဗိုလ်ချုပ်နှစ် (၁၀၀) ပြည့် အခမ်းအနားကျင်းပရေးဗဟိုကော်မတီဥက္ကဋ္ဌ သူရဦးအေးမြင့် ကပြောကြားသည်။

အမျိုးသားပညာရေးဥပဒေကို ကန့်ကွက်ဆန္ဒပြသည့် ကျောင်းသားသပိတ် စစ်ကြောင်းများ ဆက်လက်ချီတက် ၊ ထောင်နှင့်ချီသော ပြည်သူများ တစ်ခဲ နက်ကြိုဆိုကြ၊ တက္ကသိုလ်အချို့မှလွဲ၍ နိုင်ငံအနှံ့ရှိ တက္ကသိုလ်အများအပြား သပိတ်မှောက်

ပင်မသပိတ်စစ်ကြောင်းအား မွန်းလွဲ ၁ နာရီ ၄၅ မိနစ်ခန့်တွင် ပြည်မြို့ ဂျီတီစီကျောင်းသားကျောင်းသူများနှင့် အခြားအဖွဲ့အစည်းများ လာရောက် ကြိုဆိုပေါင်းစည်းစဉ်အမျိုးသားပညာရေးဥပဒေကို ကန့်ကွက်ဆန္ဒပြသည့် ကျောင်းသား သပိတ်စစ်ကြောင်းများ ဆက်လက်ချီတက်လျက်ရှိရာ ဖြတ်သန်းချီတက်ရာ ဒေသအသီးသီးမှ ထောင်နှင့်ချီသောပြည်သူများ တစ်ခဲနက် ကြိုဆိုခဲ့ကြကြောင်း သိရသည်။

အမျိုးသားပညာရေးဥပဒေကို ကန့်ကွက်ဆန္ဒပြရာတွင် ဆေးတက္ကသိုလ် များအပါအဝင် တက္ကသိုလ်အချို့မှလွဲ၍ နိုင်ငံအနှံ့ရှိ တက္ကသိုလ်အများ အပြားက သပိတ်မှောက်မှုများ အသီးသီးပြုလုပ်လျက်ရှိကြောင်း သိရသည်။ လက်တလောတွင် ရန်ကုန်မြို့သို့ ဦးတည်ချီတက်နေသော ကျောင်းသား သပိတ်စစ်ကြောင်း လေးကြောင်းရှိနေပြီး မန္တလေးမြို့မှ စတင်ထွက်ခွာသည့် ပင်မသပိတ်စစ်ကြောင်း၊ ပခုက္ကူမြို့မှ ထွက်ခွာသည့် မြေလတ်သပိတ် စစ်ကြောင်း၊ ပုသိမ်မြို့မှ ထွက်ခွာသည့် ဧရာဝတီသပိတ်စစ်ကြောင်းနှင့် ထားဝယ်မြို့မှ ထွက်ခွာသည့် တနင်္သာရီ သပိတ်စစ်ကြောင်း ဟူ၍ ဖြစ်သည်။

၂၀၁၅-၂၀၁၆ ဘဏ္ဍာနှစ်သစ်တွင် စီးကရက်၊ အရက်၊ ဘီယာ အပါအ၀င် အထူးကုန်စည် ကိုးမျိုးကို လက်ရှိအခွန်နှုန်းထားထက် ၁၀ ရာခိုင်နှုန်းမှ ရာခိုင်နှုန်း ၂၀ အထိ ထပ်တိုးကောက်ခံမည်

၂ဝ၁၅-၂ဝ၁၆ ဘဏ္ဍာနှစ်သစ်တွင် ဆေးလိပ်၊ အရက် အပါအဝင် အထူး ကုန်စည် ကိုးမျိုးကို လက်ရှိ အခွန်နှုန်း ထားများထက် ၁ဝ ရာခိုင်နှုန်းမှ ရာခိုင်နှုန်း ၂ဝ အထိ ထပ်တိုးကောက်ခံမည်ဖြစ်ကြောင်း ၂ဝ၁၅ ခုနှစ် ပြည်ထောင်စု၏ အခွန်အကောက်ဥပဒေကြမ်းတွင် ဖော်ပြထားချက်အရ သိရသည်။

၂ဝ၁၅ ခုနှစ် ပြည်ထောင်စု၏ အခွန်အကောက်ဥပဒေကြမ်းကို အများပြည်သူ သိရှိလေ့လာအကြံပြုနိုင်ရန် ချပြထားပြီး ၂ဝ၁၅ ခုနှစ် ဧပြီ ၁ ရက်တွင် စတင် အသက်ဝင်မည် ဖြစ်သည်။

အဆိုပါ ဥပဒေကြမ်းအရ ဘဏ္ဍာနှစ်သစ်တွင် အထူးကုန်စည် ၁၈ မျိုးတွင် စီးကရက်ကို လက်ရှိကောက်ခံ နေသည့်နှုန်းထားထက် ရာခိုင်နှုန်း ၂ဝ ၊ ဆေးရွက်ကြီး၊ ဗာဂျီးနီးယား ပေါင်းတင်ပြီးဆေး၊ ဆေးပေါ့လိပ်၊ ဆေးပြင်း လိပ်၊ ဆေးတံသောက်ဆေးများ၊ ကွမ်းစားဆေးအမျိုးမျိုး၊ အရက်အမျိုးမျိုး၊ ဘီယာအမျိုးမျိုးကို လက်ရှိနှုန်းထားထက် ၁ဝ ရာခိုင်နှုန်း ထပ်တိုးကောက်ခံ သွားမည် ဖြစ်သည်။

သို့သော် ကျောက်စိမ်း၊ ပတ္တမြား၊ နီလာ၊ မြ၊ စိန်နှင့် အခြားအဖိုးတန် ကျောက် မျက်ရတနာအချောထည်များနှင့် လက်ဝတ်ရတနာများကို လက်ရှိ ကောက်ခံ နေသည့် အခွန်နှုန်းထားထက် ၁ဝ ရာခိုင်နှုန်း၊ အရိုင်းထည်များအား ၁၅ ရာခိုင်နှုန်း လျှော့ချထားပြီး ကျန်ကုန်စည်များအား လက်ရှိ အခွန်နှုန်း ထား အတိုင်း ကောက်ခံသွားမည်ဖြစ်ကြောင်း သိရသည်။

မင်္ဂလာပွဲအမှတ်တရ စုံတွဲသီချင်းဆိုတဲ့ ယွန်းဆန်ဟွန်းနဲ့ မေဘီ

တောင်ကိုရီးယားသရုပ် ဆောင်မင်းသား ယွန်းဆန်ဟွန်း နှင့် အဆိုတော် မေဘီတို့သည် ၎င်းတို့၏ မင်္ဂလာပွဲအမှတ်တရ အဖြစ် စုံတွဲသီချင်း တစ်ပုဒ် ထွက် ရှိမည်ဖြစ်သည်။

မေဘီကိုယ်တိုင်ရေးစပ် ထားသော Balsam Colors အမည်ရသီချင်းကို ယွန်းဆန်ဟွန်း နှင့် မေဘီတို့စုံတွဲသီဆိုထားပြီး ယင်းသီချင်းမှာ စုံတွဲတစ်တွဲ မင်္ဂလာမဆောင်မီ ၎င်းတို့ကြားရှိ အချစ်ဇာတ်လမ်းကို ဖော်ကျူး တင်ဆက် ထားသော အချစ် သီချင်းတစ်ပုဒ်ဖြစ်သည်။

ကျောင်းသားဆန္ဒပြမှုနှင့် ကလေးသူငယ်

ဆန္ဒပြကျောင်းသားတွေထဲမှာ ကလေးသူငယ်တွေ ပါလာတယ် တွေ့ရပါ တယ်။ ဒီမြင်ကွင်း၊ ဒီဓါတ်ပုံတွေကို မြင်တွေ့ရတဲ့အခါ စိတ်မကောင်း ခြင်းကြီးစွာ ဖြစ်ရပါတယ်။ ဘယ်သူမှလည်း လှိုက်လှိုက်လှဲလှဲ ကြိုဆိုကြမယ် မထင်ပါဘူး။

ဆန္ဒပြမှုတွေမှာ အခြေခံအဆင့် ကျောင်းသား ကျောင်းသူတွေကိုပါ ဆွဲဆောင်စည်းရုံးဖို့၊ဆန္ဒပြမှုတွေ တိုးမြှင့်ပေါ်ပေါက်လာစေဖို့ စည်းရုံးနေ သူတွေ၊ စီစဉ်နေကြသူတွေအနေနဲ့ ကလေးသူငယ်တွေကို ရှေ့တန်းတင်တဲ့ အရှေ့အလယ်ပိုင်းက နည်းဗျူဟာတွေကို ကျောင်းသားဆန္ဒပြမှုမှာ အသုံးမချ သင့် ဘူး လို့ပဲ ဆိုရမှာပါ။

လူအင်အားများရင် ပြီးရော ဆိုတဲ့ သိမ်ဖျင်းတဲ့အတွေးအခေါ်မျိုးတွေနဲ့ ကလေးသူငယ်တွေကို ပဋိပက္ခတွေကြားထဲ သွတ်သွင်းတာတွေ မျိုးတွေ ကိုတော့ ရှောင်ကြဉ်ဖို့ လိုပါလိမ့်မယ်။

Hmuu Zaw

ကချင်ဆရာမနှစ်ဦး အသတ်ခံရမှု ပြည်နယ် အစိုးရ မဖော်ထုတ်နိုင်ပါက CID သို့ လွှဲမည်

ရှမ်းပြည်နယ်မြောက် ပိုင်း မူဆယ်ခရိုင်၊ ကြူကုတ်(ပန်ဆိုင်း)မြို့နယ် နမ့် တောင်းကျေးရွာအုပ်စု ကောင်းခါးကျေးရွာတွင် ကချင်သာသနာပြုကျောင်းမှ ကချင်ဆရာမနှစ်ဦး အဓမ္မပြုကျင့်ကာ သတ်ဖြတ်ခံရမှု ခြောက်လအ တွင်း ပြည်နယ်အစိုးရမှ အမှုမှန်မဖော်ထုတ်နိုင် ပါက CID သို့ လွှဲပြောင်းပေး မည် ဖစ်ကြောင်း ရှမ်းပြည်နယ်ဝန်ကြီးချုပ်ထံမှ သိရသည်။

ဖြစ်စဉ်မှာ ကောင်းခါးကျေးရွာမှ ခရစ် ယာန်ကျောင်းဝင်းအတွင်းရှိ နေအိမ် တွင် ဇန်နဝါရီ ၁၉ရက် ညပိုင်းက ကချင်ခရစ်ယာန်နှစ်ခြင်းအသင်း တော်မှ အသက် ၂ဝခန့်ရှိ စေတနာ့ဝန်ထမ်း ကချင် ဆရာမနှစ်ဦးဖြစ်သည့် မရမ်လု ရမ်နှင့် တန်တောင် ခေါန်နန်ဒင့်တို့သည် ည(၁၂းဝဝ)နာရီဝန်းကျင် ခန့်တွင် မတရားပြုကျင့်ကာ သတ်ဖြတ်ခံခဲ့ရခြင်း ဖြစ်သည်။

''မှုခင်းရဲတပ်ဖွဲ့(ပြည်နယ်)က အမှုမှန် ပေါ်အောင် အမြန်ဆုံးဆောင်ရွက် နေပါတယ်။ လိုအပ်တဲ့ စုံစမ်းစစ်ဆေးမှုတွေ လုပ်နေပါတယ်။ တကယ်လို့ စုံစမ်းစစ်ဆေးမှုက ခြောက်လအတွင်း မပေါ်ဘူးဆိုရင် CID ကို လွှဲပြောင်း ပေးမှာပါ။ အခင်းဖြစ်တဲ့နယ်မြေက အိမ်ခြေနည်းနည်းလေး ရှိတာပါ။ ကျဉ်းကျဉ်းလေးပါ။ ခြောက်လအတွင်း ဖော်ထုတ်နိုင်မှာပါ''ဟု ရှမ်းပြည်နယ်ဝန်ကြီးချုပ် စဝ်အောင်မြတ်က ဖေဖော်ဝါရီ ၆ရက်က ဆက် သွယ်မေးမြန်းမှုအပေါ် ဖြေကြားခဲ့သည်။

အဆိုပါအမှုကို အမြန်ဆုံး စုံစမ်းစစ် ဆေး ဖော်ထုတ်နိုင်ရန်အတွက် ရှမ်းပြည် နယ်ရဲ တပ်ဖွဲ့၊ ခရိုင်ရဲတပ်ဖွဲ့နှင့် မှုခင်းရဲတပ်ဖွဲ့တို့မှ ပူးပေါင်း ကာ စစ်ဆေး နေကြောင်းကိုလည်း သိရသည်။

ဝန်ကြီးချုပ်ဟောင်းယင်လပ်ရှင်နာဝပ် နိုင်ငံခြားခရီးသွားခွင့် ထိုင်းအစိုးရ ပိတ်ပင်

ယခုလနှောင်းပိုင်း တွင် ရာဇဝတ်မှုဆိုင်ရာ စွဲချက်များ ရင်ဆိုင်ရေး နိုင်ငံ အတွင်းရှိ နေရေး သေချာစေရန် ဝန်ကြီးချုပ် ဟောင်း ယင်လပ်ရှင်နာဝပ်၏ နိုင်ငံခြားခရီးသွားရေး ခွင့်ပြုခြင်း ကို ထိုင်းအစိုးရက ငြင်းပယ်လိုက် သည်ဟု ပြောရေး ဆိုခွင့်ရှိသူတစ်ဦးက ပြောကြားသည်။

ထိုင်းစစ်ဘက်သည် ပြီးခဲ့ သည့် မေလက အစိုးရအာဏာကို သိမ်းယူလိုက်ပြီး မစ္စစ်ယင်လပ်၏ အစိုးရအား ချည့်နဲ့သွားစေသော ဘန်ကောက်မြို့ လမ်းမ များပေါ် တွင် လပေါင်းများစွာ ဆန္ဒပြမှုများကို အဆုံးသတ်စေခဲ့သည်။

ထိုင်းအစိုးရသည် ပြီးခဲ့သည့် သီတင်းပတ်အတွင်းက မစ္စစ်ယင် လပ် နိုင်ငံရေး တွင် ငါးနှစ်ကြာ မပါဝင်ရန် ပိတ်ပင်ခဲ့ သည်။

ဝန်ထမ်းများအားလုံး ကြိုတင်မဲ ထည့်ရမည်ဟု ကန့်သတ်ချက် မရှိကြောင်း ပြည်ထောင်စုရွေးကောက်ပွဲ ကော်မရှင်ဆို

၂၀၁၅ အထွေထွေရွေးကောက်ပွဲ အတွက် ဝန်ထမ်းများ အားလုံး ကြိုတင်မဲ ထည့်ရမည်ဟု ကန့်သတ်ထားခြင်း မရှိကြောင်း ပြည်ထောင်စုရွေးကောက်ပွဲ ကော်မရှင် ညွှန်ကြားရေးမှူး ဦးသောင်းလှိုင်က ပြောကြားသည်။

အထွေထွေရွေးကောက်ပွဲ အတွက် နေပြည်တော်ကောင်စီ နယ်မြေရှိ ဝန်ကြီး ဌာနများ လက်အောက်ရှိ ဝန်ထမ်းများ ကြိုတင်မဲပေးခြင်းနှင့် ပတ်သက်ပြီး ၎င်းက အထက်ပါအတိုင်း ပြောကြားခြင်း ဖြစ်သည်။

“ကြိုတင်မဲဆိုတာ ပေးချင်တိုင်း ပေးလို့ရတာ မဟုတ်ဘူးလေ၊ ရွေးကောက်ပွဲ လုပ်တဲ့နေ့မှာ တာဝန်ထမ်းဆောင်နေရတဲ့ ဝန်ထမ်းတွေ အတွက်ပဲ ကြိုတင် မဲဆိုတာ ရှိတာ ဝန်ထမ်းအားလုံး ကြိုတင်မဲ ပေးစရာ မလိုပါဘူး၊ အဲဒီကြိုတင်မဲတွေနဲ့ ပတ်သက်ပြီးလည်း အသေးစိတ် ပွင့်လင်းမြင်သာစွာ ထုတ်ပြန်ပေးသွားမှာပါ” ဟု ဦးသောင်းလှိုင်က ပြောဆိုသည်။

ထို့အပြင် ကြိုတင်မဲထည့်ရန် မလိုအပ်သော ဝန်ထမ်းများ အနေနှင့် သက် ဆိုင်ရာ မဲစာရင်း ပါဝင်သော မြို့နယ်များရှိ မဲရုံများသို့ လူကိုယ်တိုင် သွား ရောက်မဲပေးရမည် ဖြစ်ကြောင်း ၎င်းက ဆက်လက်ပြောဆိုသည်။

မော်လမြိုင်တက္ကသိုလ်က သက်သေထူတယ်

မနေ့က ကျွန်တော်တို့ မော်လမြိုင်မြို့ကို ထားဝယ်ကျောင်းသား သပိတ် စစ်ကြောင်း ရောက်ရှိခဲ့တဲ့အချိန်မှာ မော်လမြိုင် တက္ကသိုလ် ကျောင်းသား တွေနဲ့ စကားများပြီး ပြဿနာတက်ခဲ့ကြတယ်။ အဲဒီပြဿနာကို ပြည်တွင်း ပြည်ပ မီဒီယာ အချို့က မဟုတ်တရုတ်လုပ်ပြီး မဟုတ်တာတွေ ဖော်ပြ မှာဆိုးလို့ ကျွန်တော်တို့ ဗီဒီယိုရိုက်ထားပြီး အင်တာနက်ပေါ်မှာ ဖြန့်ဝေ ခဲ့တယ်။ အခုလည်း အဲဒီပြဿနာနဲ့ပတ်သက်ပြီး စာရေးပြီးတော့ ထပ်မံ ရှင်းပြပါမယ်။ မီဒီယာအချို့က မဟုတ် မမှန်ရေးပြီး ဖော်ပြမယ်လို့ စွတ်စွဲ တာကလည်း ဘယ်သူမပြုမိမိမှုပါပဲ။

အခုသူတို့သတင်းဆိုဒ်တွေမှာ သပိတ်ထဲက ကျောင်းသားတွေကိုပဲ အာဇာနည်လိုလိုသူရဲကောင်းလိုလိုနဲ့ ဖော်ပြပြီး သူရဲကောင်းပြုနေတာမို့လို့ပါ။

သပိတ်စစ်ကြောင်း မော်လမြိုင်ကိုဝင်တော့ လမ်းပေါ်မှာ စည်းမဲ့ကမ်းမဲ့ အော်ဟစ်သောင်းကျန်းနေတာ မော်လမြိုင် တစ်မြို့လုံးသိပါတယ်။

မဲခေါင် မူးယစ်ဆေးဝါးတိုက်ဖျက်ရေးလှုပ်ရှားမှု သံသယရှိသူ ၈၄၁ ဦး ဖမ်းဆီး

မြန်မာ၊ တရုတ်၊ လာအို၊ ထိုင်း နိုင်ငံ ၄ နိုင်ငံ ပူးပေါင်းဆောင်ရွက်နေတဲ့ ဒုတိယအကြိမ် မူးယစ်ဆေးဝါး တိုက်ဖျက်ရေး လှုပ်ရှားမှုမှာ သံသယရှိသူ ၈၄၁ ဦး ဒီနှစ်အစောပိုင်းမှာ ဖမ်းဆီးရမိခဲ့ပါတယ်။

ဇန်န၀ါရီ ၁၅ ရက်က စတင်ပြီး ထိုင်းမှာ လုပ်ဆောင်ခဲ့တဲ့ လှုပ်ရှားမှုမှာ မဲခေါင် မြစ်ဝှမ်းတလျှောက်မှာ မူးယစ်ဆေးဝါးနဲ့ ဆက်နွှယ်တဲ့ အမှု ၅၉၀ ဖမ်းဆီးရမိခဲ့သလို ဘိန်းဖြူ ၇၀ ကီလိုဂရမ်၊ ဘိန်း ၁.၂ ကီလိုဂရမ်နဲ့ မက်သဖက်တမင်း ၄သန်းကျော် ဖမ်းဆီးရမိခဲ့တယ်လို့ China.org.cn သတင်းဌာနက ရေးပါတယ်။

ကျောင်းသားသပိတ် ကြိုရန်ပြင်နေသော ကျောင်းသားတစ်ဦးကို အမှုဟောင်းဖြင့် ဖမ်းဆီး

သပိတ်မှောက်ကျောင်းသားများအား ပြည်တက္ကသိုလ်ရှေ့တွင် သပိတ်စခန်း ဖွင့်ကာ ကြိုဆိုရန်ပြင်ဆင်နေသော ဒုတိယနှစ် ကျောင်းသားတစ်ဦးကို ရဲတပ်ဖွဲ့ က ဖမ်းဆီးလိုက်ပြီး ပြည်မြို့၌ လုံခြုံရေးတိုးမြှင့်လိုက်သည်။

ဖေဖော်ဝါရီ ၈ ရက် ညနေ ၅ နာရီတွင် ပြည်တက္ကသိုလ်ရှေ့၌ သပိတ် စခန်းဖွင့်ကာ သပိတ်မှောက်ကျောင်းသားများအား ကြိုဆိုရန် ပြင်ဆင် နေသော ပြည်တက္ကသိုလ်ဒုတိယနှစ်(အင်္ဂလိပ် စာ)ကျောင်းသား ကိုသန့်ဇင်ထက်ကို ရဲတပ်ဖွဲ့က ဖမ်းဆီးလိုက်ခြင်း ဖြစ်သည်။

‘‘ကိုသန့်ဇင်ထက်က ကျောင်းသားသပိတ်ကို ကြိုဆိုဖို့ ကျောင်းရှေ့မှာ ပြင်ဆင်နေတုန်း ရှိပါသေးတယ်။ သူ့ကို ဖမ်းသွားတာပါ။ သူက ဦးဆောင် သူပေါ့။ ဖမ်းပြီးနောက်ပိုင်းမှာ ပြည်မြို့ ကျောင်းတွေနဲ့ မြို့ထဲ လမ်းဆုံ လမ်းခွ တွေမှာ ရဲတွေချထားတာ တွေ့ရပါတယ်’’ဟု ပြည်မြို့နည်းပညာတက္ကသိုလ်မှ ကျောင်းသား ကိုရန်နိုင်ကျော်ကပြောသည်။

အဆိုပါကျောင်းသား ဖမ်းဆီးခံရမှုနှင့် ပတ်သက်၍ ပြည်မြို့အမှတ် (၁) ရဲစ ခန်းသို့ ဆက်သွယ်မေးမြန်းရာ ဖမ်းဆီးခံရသူ ကိုသန့်ဇင်ထက်သည် သဲကုန်း မြို့ လယ်သမားအရေး ဆောင်ရွက်စဉ်က အရေးယူခဲ့သည့် ပုဒ်မ ၅၀၅ (ခ) ဖြင့် ဖမ်းဆီးခြင်းဖြစ်ကြောင်း ပြောဆိုသည်။

ဒဂုံဆိပ်ကမ်းမြို့နယ်ရှိ ကျီစုစက်မှုဇုန် စီမံကိန်း စတင်အကောင်အထည် ဖော်မည်

ရန်ကုန်တိုင်းဒေသကြီး ဒဂုံမြို့သစ် ဆိပ်ကမ်းမြို့နယ်ရှိ ကျီစုစက်မှုဇုန် စီမံကိန်း ဖော်ဆောင်မည့် နေရာတွင် ကျူးကျော်များ ရှိနေခြင်းကြောင့် ၎င်းတို့ကို ဖယ်ရှားခဲ့ပြီး စက်မှုဇုန် စီမံကိန်းအား စတင်အကောင်အထည် ဖော်မည်ဖြစ်ကြောင်း ရန်ကုန်တိုင်းဒေသကြီး အစိုးရအဖွဲ့မှ သိရသည်။

ကျီစုစက်မှုဇုန် ဖော်ဆောင်ရန်အတွက် စက်မှုဇုန်စီမံကိန်း ဧရိယာအတွင်း ပါဝင်သည့် ဒဂုံမြို့သစ် ဆိပ်ကမ်းမြို့နယ် ၁၆၈ ရပ်ကွက်အတွင်းရှိ ကျူး ကျော်တဲ ၁၄၄ လုံးခန့်ကို မြို့နယ်အထွေထွေ အုပ်ချုပ်ရေးမှူးရုံးမှ တာဝန် ရှိသူများ၊ လုံခြုံရေး ရဲတပ်ဖွဲ့ဝင်များနှင့် သက်ဆိုင်ရာ ရဲအရာရှိများ၊ တာဝန် လက်ပတ်အနီ တပ်ထားသော နေ့စားဝန်ထမ်းများက ဇန်န၀ါရီ ၃၀ ရက် နံနက် ၄ နာရီခွဲခန့်တွင် ဖယ်ရှားခဲ့ခြင်းဖြစ်ပြီး ဖယ်ရှားခံရသည့် မိသားစု ၀င်များမှ စိုးရိမ်ထိတ်လန့် ကြောက်ရွံ့မှုများ၊ ငိုယိုတောင်းပန်မှု၊ ဖယ်ရှား သူများနှင့် စကားအချေအတင်များမှုများ ဖြစ်ပေါ်ခဲ့ကြောင်း သိရသည်။

ထို့ပြင် ကျီစုစက်မှုဇုန်ဧရိယာ နယ်မြေအတွင်းရှိ မူလလက်ငုတ် တောင်သူ ၁၉ ဦးကို အစိုးရအဖွဲ့က ကရုဏာကြေးများ ပေးအပ်ခဲ့သည်ဟုလည်း ဆိုသည်။

ယူကရိန်းအရေး ရုရှား၊ ပြင်သစ်၊ ဂျာမနီ ဖုန်းနဲ့ဆွေးနွေး

ယူကရိန်းနိုင်ငံအရှေ့ပိုင်းက ပဋိပက္ခတွေအဆုံးသတ်စေဖို့ ရုရှား၊ ယူကရိန်း၊ ပြင်သစ်နဲ့ ဂျာမနီခေါင်းဆောင် ၄ ယောက် ဗုဒ္ဓဟူးနေ့မှာ တွေ့ဆုံ ဆွေးေ နွးကြမယ်လို့ ဂျာမနီအစိုးရ ပြောခွင့်ရသူက ပြောလိုက်ပါတယ်။

ပြင်သစ်နဲ့ ဂျာမနီအဆိုပြုတဲ့ ငြိမ်းချမ်းရေးအစီအစဉ်နဲ့ပတ်သက်လို့ ရုရှား သမ္မတ Vladimir Putin၊ ယူကရိန်းသမ္မတ Petro Poroshenko၊ ပြင်သစ် သမ္မတ Francois Hollande နဲ့ ဂျာမနီဝန်ကြီးချုပ် Angela Merkel တို့ ဒီကနေ့ တနင်္ဂနွေနေ့မှာ တယ်လီဖုန်းပေါ်ကနေ ဆက်သွယ်ဆွေးနွေးခဲ့ကြပြီးနောက် Belarus နိုင်ငံ Minsk မြို့မှာ လူတွေ့ဆွေးနွေးကြမယ်လို့ ပြောခဲ့တာဖြစ် ပါ တယ်။ ယူကရိန်းအရှေ့ပိုင်းမှာ အစိုးရတပ်တွေနဲ့ ရုရှား လိုလားတဲ့ သူပုန် တွေနဲ့ တိုက်ပွဲတွေ ပြန်ပြီး ပြင်းထန်နေချိန်မှာ ပဋိပက္ခတွေ အဆုံးသတ် အောင် သံခင်း တမန်ခင်းအရ ပိုပြီး ကြိုးစားအားထုတ်နေကြ တာဖြစ်ပါ တယ်။

ကံဆီးရွာတွင် ခိုလှုံနေသော စစ်ဘေးဒုက္ခသည်များကို နေရပ်ပြန်ခိုင်း

တိုက်ပွဲများကြောင့် ကံဆီးကျေးရွာတွင် ခိုလှုံနေကြ သော အောင်ဘာလေ ကျေးရွာ ဒေသခံများကို ဖေဖော်ဝါရီ ၁၀ ရက် နောက်ဆုံးထား၍ နေရပ်ပြန် ရန် နယ်မြေခံအစိုးရတပ်က စေ ခိုင်းနေကြောင်း ကချင်နှစ်ခြင်း ခရစ်ယာန် အဖွဲ့ချုပ် (KBC)မှ သတင်းရရှိသည်။

အစိုးရတပ်နှင့် ကေအိုင်အေ တို့ ဇန်န၀ါရီ ဒုတိယပတ်၌ ဖြစ်ပွားခဲ့သော တိုက် ပွဲများကြောင့် ဖား ကန့်မြို့နယ် အောင်ဘာလေ ကျေးရွာမှ ဒေသခံ တစ် ထောင် ကျော်မှာ ကံဆီးကျေးရွာသို့ တိမ်း ရှောင်ခဲ့ကြသည်။ လက်ရှိအချိန် တွင် ကံဆီးကျေးရွာ၌ အောင်ဘာလေဒေသခံ လေးရာခန့်ရှိနေပြီး အခြား ဒေသ ခံများမှာ ဖားကန့်အပါအ၀င် လုံခြုံရာသို့ ရွှေ့ပြောင်းသွားကြ ပြီဖြစ်ကြောင်း ဒေသ တွင်း အဖွဲ့အစည်းများကဆိုသည်။

ကံဆီးကျေးရွာတွင် ကျန်ရှိ နေသော တိမ်းရှောင်လာသူများ ကို ဖေဖော်ဝါရီ ၈ ရက်ကအစိုးရတပ်က ရွှေ့ပြောင်းရန် အကြောင်းကြားခြင်းဖြစ်ကြောင်း KBC အထွေထွေအတွင်းရေးမှူးဒေါက်တာ ခလမ်ဆမ်ဆွန်ကပြောသည်။

‘‘၁၀ ရက်နေ့ နောက်ဆုံး ထားပြီး အောင်ဘာလေဘက်ကို ပြန်ရွှေ့ရမယ်လို့ order (အမိန့်) ပေးတယ်လို့သိရတယ်’’ဟု ဒေါက်တာ ခလမ်ဆမ်ဆွန် ကဆိုသည်။

လက်နက်ကိုင်လူတစ်စု ရဲကင်းကိုပစ်ခတ်၍ ရဲအရာရှိတစ်ဦးသေဆုံး

သီပေါမြို့နယ်ရှိ ရဲကင်း တစ်ခုကို လက်နက်ကိုင်လူတစ်စုက သေနတ်ဖြင့် ပစ်ခတ်သောကြောင့် ရဲအရာရှိတစ်ဦးသေဆုံးသွားပြီး တစ်ဦးဒဏ်ရာ ရရှိခဲ့ကြောင်း သတင်းရရှိသည်။ ဖေဖော်ဝါရီ ၇ရက်ညက သီပေါမြို့နယ် ကုန်းသာရဲကင်းတွင် ဖြစ်ပွားခဲ့ခြင်းဖြစ်ပြီး ရဲကင်းမှူးရဲအုပ်မျိုးအောင်ဆွေမှာ သေနတ်ဒဏ်ရာဖြင့်သေဆုံးသွားခဲ့သည်။ ထို့ပြင် တပ်သားပြည့်စုံညီညီ အောင်မှာ ခြေထောက်၌ဒဏ် ရာရခဲ့ပြီး သီပေါဆေးရုံတွင် ဆေး ကုသ နေရကြောင်း သီပေါရဲစခန်းမှ တာဝန်မှူးရဲအရာရှိက ပြော သည်။

‘‘ရဲအုပ်က ရဲကင်းရှေ့မှာ တပ်ဖွဲ့ဝင်တစ်ယောက်နဲ့စကား ပြောနေတုန်း တောင်ကုန်းပေါ် စာသင်ကျောင်းဝင်းထဲကနေ သေ နတ်နဲ့ ငါးချက် ပစ်သွားတာ။ ဘယ်အဖွဲ့ကပစ်သွားလဲဆိုတာစုံစမ်း တုန်းပဲ’’ဟု ၎င်းကပြော သည်။ ရဲကင်းနှင့် စာသင်ကျောင်းမှာ ကိုက်တစ်ရာခန့်ကွာဝေးကြောင်း သတင်းရရှိသည်။

ရဲအုပ်မျိုးအောင်ဆွေမှာ ကျောကုန်းနှင့်ရင်ဘတ်တွင်ရရှိသည့် သေနတ် ဒဏ်ရာဖြင့် သေဆုံးသွားခဲ့သည်။ ၎င်း၏ရုပ် အလောင်းကို သီပေါမြို့ စံဖိတ် သုသာန်တွင် ဖေဖော်ဝါရီ ၈ ရက်၌သဂြုင်္ိဟ်လိုက်ကြောင်း ကုန်းသာရဲကင်းမှ တပ်ကြပ်ကြီးတစ်ဦးက ပြောသည်။

စက်မှုဇုန်များ လျှပ်စစ်ဓာတ်အား ၅၀ ရာခိုင်နှုန်းရရှိရေး ယခုနှစ်မှစ၍ ဆောင်ရွက်သွားမည်ဟုဆို

 မြန်မာနိုင်ငံသည် စက်မှုထုတ်ကုန်များ ပြည်ပသို့ ပိုမိုတင်ပို့နိုင်ရန် ပြည်တွင်းရှိ စက်မှုဇုန်များ လျှပ်စစ်ဓာတ်အား ၅ဝ ရာခိုင်နှုန်း အထိရရှိရေး ယခုနှစ်၊ ဧပြီ ၁ ရက်မှ စတင်ဆောင်ရွက်သွားမည်ဟု အမျိုး သား စီမံကိန်းနှင့် စီးပွားရေး ဖွံ့ဖြိုးတိုးတက်မှု ဝန်ကြီးဌာန၊ ပြည်ထောင်စု ဝန်ကြီး ဒေါက်တာ ကံဇော်က ပြောသည်။

မြန်မာနိုင်ငံက ရာသီဥတုကိုမှီခိုရသည့် လယ်ယာထွက်ကုန်များ၊ သဘာဝ သယံဇာတများဖြစ်သည့် သဘာဝဓာတ်ငွေ့၊ ရေနံစသည်များထက် စက်မှု ထွက် ကုန်များကို ပြည်ပသို့ ပိုမိုတင်ပို့နိုင်ရေး ဆောင်ရွက်သွားမည်ဟု ၎င်းကဆိုသည်။

အမျိုးသားစီမံကိန်းနှင့် စီးပွားရေး ဖွံ့ဖြိုးမှုဝန်ကြီးဌာန၊ ပြည်ထောင်စုဝန်ကြီး ဒေါက်တာ ကံဇော်က ''ရာသီဥ တုကိုမှီခိုနေရတဲ့ လယ်ယာထွက်ကုန်တို့၊ နောက်ပြီး ဂတ်စ်တို့၊ ဓာတ်ငွေ့တို့ကို တင်ပို့နေတာထက် ပိုပြီးသေ ချာတဲ့ စက်မှုထွက်ကုန်တွေပြောင်းလုပ်ဖို့ လုပ်နေပါပြီ'' ဟု ပြောသည်။

ဇန်နဝါရီ ၈ ရက် နေပြည်တော်ရှိ အပြည်ပြည်ဆိုင်ရာ ကွန်ဗန်းရှင်းစင်တာ(၂)တွင် ဖေဖော်ဝါရီ ၇ ရက်နှင့် ၈ ရက်တွင် ကျင်းပသည့် တတိယ အကြိမ် ဖွံ့ဖြိုး မှုဖိုရမ် သတင်းစာရှင်းလင်းပွဲတွင် အထက်ပါအတိုင်း ပြောကြားလိုက်ခြင်း ဖြစ်သည်။

စက်မှုလုပ်ငန်းအခြေခံသည့် ပြည်ပပို့ကုန်တင်ပို့ခြင်း ပိုမိုများပြားလာစေရန် လာမည့် ၂ဝ၁၅-၁၆ ဘဏ္ဍာ နှစ်အစဖြစ်သော ယခုနှစ် ဧပြီ ၁ ရက်မှစ၍ ကြိုး စားသွားမည်ဟု ၎င်းကပြောကြားသည်။

အကျင့်ပျက် ခြစားမှုသည် မြန်မာနိုင်ငံ၏ အဆိုးရွားဆုံး ပြဿနာတစ်ခု ဖြစ်နေကြောင်း မြန်မာနိုင်ငံဆိုင်ရာ အစီရင်ခံစာများတွင် ဖော်ပြ

မြန်မာနိုင်ငံတွင် စီးပွားရေးလုပ်ငန်းများ လုပ်ရန် အဓိက စိန်ခေါ်နေသည့် အချက် ၃၄ ချက် ရှိကြောင်းနှင့် ယင်းအနက် အကျင့်ပျက်ခြစားမှု (Corruption) သည် နံပါတ်(၁)အဆင့်တွင် ရှိနေသောကြောင့် အဓိက စိန်ခေါ်နေသည့် အတားအဆီးတစ်ခု ဖြစ်ကြောင်း OECD၊ UMFCCI၊ UNESCAP-2014 နှင့် Myanmar Business Survey တို့တွင် ဖော်ပြချက်များ အရ သိရသည်။

အဆိုပါ စစ်တမ်းတွင် ဖော်ပြချက်များအရ အကျင့်ပျက် ခြစားမှုသည် နံပါတ်(၁) ရင်ဆိုင်ကြုံတွေ့နေရသော အတားအဆီးတစ်ခု ဖြစ်ကြောင်းနှင့် ဒုတိယ အနေဖြင့်မူ နည်းပညာ အားနည်းမှု၊ တတိယအချက်အားဖြင့် မြေနေရာ အခက်အခဲရှိမှု၊ စတုတ္ထအနေဖြင့် အတိုးနှုန်း ကြီးမားနေမှု၊ ပဉ္စမအနေဖြင့် ကျွမ်းကျင်လုပ်သား ရှားပါးမှုနှင့် နိုင်ငံရေးအရ မတည်ငြိမ်ကိုမူ ဆဋ္ဌမအချက် အနေဖြင့် ဖော်ပြထားသည်။

“မြန်မာနိုင်ငံမှာ တစ်ချိန်တုန်းက အကျင့်ပျက် ခြစားမှုတွေ ရှိခဲ့တယ် ဆိုပေမယ့်လည်း အခုလို Emocratic Government လက်ထက်မှာတော့ အစိုးရကနေ မူဝါဒနဲ့ ကြပ်ကြပ်မတ်မတ် ကိုင်တွယ်သင့်ပါတယ်။ ဥပဒေရှိပြီး ဥပဒေအတိုင်း လိုက်နာဖို့လည်း လိုအပ်သလို အကျင့်ပျက်ခြစားမှုတွေ ရှိရင်လည်း မျက်နှာကြီး မျက်နှာငယ် မလိုက်ဘဲ ဥပဒေအတိုင်း ဆောင်ရွက် နိုင်ဖို့ လိုပါတယ်။ ဒီလိုလုပ်မယ်ဆိုရင် အစိုးရကလည်း ပြတ်ပြတ်သားသား လုပ်ရမှာ ဖြစ်ပါတယ်။ ပြည်သူတွေလည်း ပူးပေါင်းပါဝင်ရမှာပါ။ အခုက ပါရာဒိုင်းက ပြောင်းသွားပါပြီ။ သိတဲ့အတိုင်းပဲ တရုတ်ပြည်မှာ ဆိုရင်လည်း ကြပ်ကြပ်မတ်မတ် လုပ်နေပါတယ်။ တစ်ခုရှိတာက ဒီလို အကျင့်ပျက် ခြစား မှုဆိုတာ အမေရိကားလို နိုင်ငံမှာလည်း ရှိတယ်။ Nordic Country တွေဖြစ် တဲ့ ဆွီဒင်တို့ ဒိန်းမတ်တို့ နော်ဝေတို့လို နိုင်ငံတွေမှာတောင် ရှိနေသေးတယ် ဆိုတော့ ကျွန်တော်တို့ နိုင်ငံမှာလည်း ရှိနေမှာပါပဲ။ ဒါပေမဲ့ ဒါကို စနစ်တကျ ကိုင်တွယ်နိုင်ဖို့ လိုပါတယ်။ လူတွေရဲ့ ယုံကြည်မှုကို ရအောင်လုပ်ရမယ်။ ဒီကိစ္စကို အကောင်အထည်ဖော်တဲ့ နေရာမှာ Public Private ပုံစံမျိုးနဲ့ နှစ်ပေါင်းများစွာ စနစ်တစ်ခုထဲမှာ အသားကျနေတဲ့ ပုံစံကို အချိန်ယူပြီး တိုက်ဖျက်နိုင်ဖို့ လိုပါတယ်။ လာမယ့် ရွေးကောက်ပွဲမှာလည်း ဒီကိစ္စက Platform တစ်ခု ဖြစ်လာမှာပါ။ ဥပမာတစ်ခု ပြောရရင် ကျွန်တော်တို့ရဲ့ အိမ်နီးချင်းနိုင်ငံ တစ်ခုဖြစ်တဲ့ တရုတ်နိုင်ငံမှာလည်း ပြတ်ပြတ်သားသား အရေးယူနေပါတယ်။ အိန္ဒိယမှာလည်း အခုတက်လာတဲ့ မိုဒီအစိုးရကလည်း ဒီကိစ္စကိုပဲ ကိုင်တွယ်နေတာပါ။ နိုင်ငံတကာ အစိုးရ တော်တော်များများက အကျင့်ပျက် ခြစားမှုဆိုတဲ့ Case ကို ကိုင်တွယ်နေကြပါပြီ” ဟု ပြည်ထောင်စုမြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ် ဒုတိယဥက္ကဋ္ဌ ဒေါက်တာမောင်မောင်လေးက ပြောကြားသည်။

တင်းကျပ်သော ဗဟိုချုပ်ကိုင်မှု၊ စနစ်ဟောင်းကို မပြောင်းလဲနိုင်တဲ့ ပညာရေးစနစ်နဲ့ ကျောင်းသားတွေ လက်မခံနိုင်ကြတဲ့ အမျိုးသားပညာရေး ဥပဒေ

အမျိုးသားပညာရေး ဥပဒေနှင့် ပတ်သက်ပြီး ကျောင်းသားများက လမ်းလျှောက် သပိတ်မှောက်နေသည်မှာ ရက်ပေါင်း ၂၀ ခန့် ရှိပြီဖြစ်သည်။ အမျိုးသားပညာရေး ဥပဒေ အတည်မပြုမီ ဥပဒေကြမ်း ကာလကတည်းကပင် ကျောင်းသားများ ၀ိုင်းဝန်း ဆန္ဒပြ ကန့်ကွက်ခဲ့ကြသည်။ သို့သော် ထိုဥပဒေကြမ်းကို သမ္မတ လက်မှတ်ဖြင့် လွှတ်တော်မှ အတည်ပြုကာ အမျိုးသားပညာရေး ဥပဒေအဖြစ် ပြဋ္ဌာန်းခဲ့သည်။ ကျောင်းသားများ အနေဖြင့် ထိုဥပဒေအပေါ် သပိတ်မှောက်နေရခြင်းမှာ အမျိုးသားပညာရေး ဥပဒေသည် နိမ့်ကျဆိုးဝါးနေသည့် ပညာရေးစနစ်ဟောင်းကို ပြောင်းလဲနိုင်မည် မဟုတ်ဘဲ ဆက်လက်ဆိုးရွားနိုင်ကြောင်း၊ ဥပဒေပါ ပြဋ္ဌာန်းချက်များသည် ကျောင်းသားထု၏ လွတ်လပ်စွာ ပညာသင်ခွင့်ကို တင်းကျပ်သော ဗဟိုချုပ်ကိုင်မှုဖြင့် ကန့်သတ်ထားခြင်းကြောင့်ဟု ဆိုနေကြသည်။

ပညာရေးစနစ်ကို စီမံခန့်ခွဲရာတွင် ပညာရှင်များကို ပါဝင်ခွင့် မပြုဘဲ အစိုးရ အုပ်ချုပ်ရေးပိုင်းများအား ပါဝင်ထိန်းချုပ်ခွင့် ပေးထားသဖြင့် အဖိနှိပ်ခံ ပညာရေးစနစ်သာ ဖြစ်ကြောင်းနှင့် ကျောင်းသားသမဂ္ဂများ တရားဝင် လွတ်လပ်စွာ တည်ထောင်ခွင့်ကို ထည့်သွင်းမထားခြင်းမှာ ကျောင်းသားအခွင့်အရေးကို ပစ်ပယ်ခြင်းသာဖြစ်ကြောင်း ကျောင်းသားများက ယုံကြည်ကြသည်။

ဒီမိုကရေစီ ပညာရေး လှုပ်ရှားမှု ဦးဆောင်ကော်မတီဝင် ဒဂုံတက္ကသိုလ် ကျောင်းသားသမဂ္ဂ ဥက္ကဋ္ဌ ကိုနန်းလင်းက “ဒီဥပဒေမှာပါတဲ့ အခန်း (၄) က ဗဟိုချုပ်ကိုင်မှုတွေ ရှိတယ်ဆိုတာ သူတို့ကိုယ်တိုင် ၀န်ခံထားပါတယ်။ ဒီအခန်း (၄) မှာပါတဲ့ အမျိုးသားပညာရေး ကော်မရှင် ဆိုတာကို ဖျက်သိမ်းပစ်လို့ မရဘူးဆိုတာ ကျွန်တော်တို့လည်း သိတယ်။ ဖျက်သိမ်းမယ် ဆိုရင်လဲ ဒီဥပဒေကြီး တစ်ခုလုံး အသစ်ပြန်ဆွဲမှပဲ ရမယ်။ အမျိုးသားပညာရေး ကော်မရှင်ဆိုတာက ဥပဒေရဲ့ တော်တော်များများမှာ ပါနေတာကိုး။ ကျွန်တော်တို့ဘက် ဖျက်သိမ်းပစ်ဖို့ ဆိုတာထက် ဒီအမျိုးသားပညာရေး ကော်မရှင်ရဲ့ လုပ်ပိုင်ခွင့်နဲ့ တာဝန်တွေကို လျှော့ချစေချင်တာ။ ဒီကော်မရှင်မှာ ပါဝင်တဲ့ ပုဂ္ဂိုလ်တွေရဲ့ ကဏ္ဍကိုလည်း ဒီမိုကရေစီနည်းကျ ပြန်ရွေးချယ်ဖို့ လိုလားတာ” ဟု ပြောကြားသည်။

ပညာရေးဥပဒေပြင်ဖို့ ဒုတိယအကြိုညှိနှိုင်းပွဲ

အမျိုးသားပညာရေးဥပဒေပြင်ဆင်ရေးအတွက် လေးပွင့် ဆိုင်ဆွေးနွေး ရေးဦးတည်တဲ့ ဒုတိယအကြိုညှိနှိုင်းပွဲကို NNER (ပညာရေး စနစ်ပြုပြင် ပြောင်းလဲရေး နိုင်ငံလုံးဆိုင်ရာ ကွန်ယက်) ကိုယ်စားလှယ်တွေအပါအဝင် ကျောင်းသားကိုယ်စားလှယ်တွေနဲ့ ပညာရေးဝန်ကြီးဌာနတို့ ဖေဖေါ်ဝါရီလ (၉) ရက် တနင်္လာနေ့ကျရင် ရန်ကုန်မြို့မှာ တွေ့ဆုံကြပါလိမ့်မယ်။ ပညာရေးဥပဒေပြင်ဆင်ရေး တွေ့ဆုံဆွေးနွေးညှိနှိုင်းသဘောတူညီချက်ရဖို့ အဓိက ဦးတည်မှာ ဖြစ်ပေမယ့် ဆန္ဒပြချီတက်နေတဲ့ကျေင်းသားတွေကို အစိုးရအာဏာပိုင်တွေက ခြိမ်းခြောက်တဲ့လက္ခဏာတွေ တွေ့နေရတဲ့အတွက် အခြေအနေတွေကို စိုးရိမ်မကင်းဖြစ်မိတယ်လို့ NNER ကိုယ်စားလှယ် ဒေါက်တာသိန်းလွင်ကပြောပါတယ်။ မအင်ကြင်းနိုင်က အကြောင်းစုံတင်ပြထားပါတယ်။

ဒီကနေ့ နေ့လည် (၂)နာရီမှာ ရန်ကုန်မြို့ ပညာရေးဝန်ကြီးဌာနရုံးမှာ ကျင်းပမယ့် ဒုတိယအကြိမ် အကြိုညှိနှိုင်းပွဲမှာကျောင်းသား သပိတ် ကော်မတီက ကိုယ်စားလှယ် သုံးဦး၊ NNER ကိုယ်စားလှယ်နှစ်ဦးနဲ့ ပညာရေးဝန်ကြီးဌာနက တာဝန်ရှိသူတွေ ဆွေးနွေးကြမှာပါ။ ပျက်သွားတဲ့နေပြည်တော်ဆွေးနွေးပွဲလို မဖြစ်စေဖို့ ဦးတည်ဆွေးနွေးမှာဖြစ်ကြောင်း NNER ကိုယ်စားလှယ် ဒေါက်တာသိန်းလွင်ပြောပါတယ်။

“ဆွေးနွေးပွဲပြန်ဖြစ်ဖို့၊ နောက် နေရာ၊ နေရာကိုလည်း ရန်ကုန်မှာလုပ်ဖို့ ကျနော်တို့ တင်ပြသွားပါမယ်။ ဘာကြောင့်လဲဆိုတော့ အရင်တခေါက် ဒုတိယအကြိမ် ဆွေးနွေးပွဲမှာ နေပြည်တော်မှာ အဆင်မပြေဖြစ်ခဲ့တယ်။ သွားရေးလာရေးအဆင်မပြေဖြစ်တယ်။ တည်းဖို့ ခိုဖို့ အဆင်မပြေဖြစ်တယ်။ ဒါကြောင့် ဒီတခေါက်တော့ ရန်ကုန်မှာလုပ်ဖို့ဆိုပြီးတော့ တင်ပြထားပါတယ်။ အဲဒီကိစ္စလည်း ထပ်ဆွေးနွေးဖို့ပါ။ ဆွေးနွေးပွဲမှာ ဘယ်နှစ်ဦးပါရမယ် ဆိုတာလည်း ထည့်သွင်းဆွေးနွေးသွားမယ်။ နောက် ဆွေးနွေးပွဲက ပွင့်လင်းမြင်သာမှုရှိဖို့ ကျနော်တို့ လိုလားပါတယ်။ သတင်းမီဒီယာတွေရှေ့မှောက်မှာ၊ နောက် လေ့လာတဲ့သူတွေရှေ့မှောက်မှာ ဆွေးနွေးတာဖြစ်သင့်တယ်လို့ ကျနော်တို့ တင်ပြထားတာတွေ ရှိပါတယ်။”

ဂျော်ဒန်တွေ IS ကို ပြင်းပြင်းထန်ထန် ထိုးစစ်ဆင်

ဂျော်ဒန် တိုက်လေယာဉ်မှူးကို အရှင်လတ်လတ် မီးရှို့သတ်ဖြတ်လိုက်တဲ့ ဗွီဒီယိုကို အင်တာနက်ပေါ်ကတဆင့် ပြသပြီးနောက်ပိုင်း ဂျော်ဒန်လေတပ်က IS အစ္စလာမ်မစ် စစ်သွေးကြွတွေကို လေကြောင်းစစ်ဆင်မှု ၅၆ ကြိမ် ပြုလုပ် ခဲ့တယ်လို့ ဂျော်ဒန်နိုင်ငံက တနင်္ဂနွေနေ့မှာ ပြောပါတယ်။

ဂျော်ဒန်လေတပ်ဟာ တိုက်လေယာဉ်မှူး Muath al-Kaseabeh အတွက် လက်တုံ့ပြန်တိုက်ခိုက်မှုတွေကို အောင်အောင်မြင်မြင် ဆောင်ရွက်နိုင် ခဲ့ တယ်လို့ ဗိုလ်ချုပ်ကြီး Mansour al-Jabour က ပြောပါတယ်။ ဂျော်ဒန်တိုက်လေယာဉ်တွေဟာ IS စစ်သွေးကြွတွေရဲ့ လေ့ကျင့်ရေး သင်တန်းစခန်းတွေ၊ စစ်တန်းလျားတွေ၊ လက်နက်နဲ့ လောင်စာဆီသို လှောင်တဲ့ နေရာတွေကို တိုက်ခိုက်ခဲ့တယ်လို့ ဗိုလ်ချုပ်ကြီးကပြောပါတယ်။