တရုတ်နိုင်ငံက လှူဒါန်းသည့် ရဲတပ်ဖွဲ့သုံး ကားအစီးငါးရာကျော်ကို ကားမရှိသည့် နယ်မြေရဲစခန်းများတွင် ဦးစားပေးထားရှိမည်

တရုတ်နိုင်ငံကလှူဒါန်းထားသော ရဲတပ်ဖွဲ့သုံးကားအချို့

မြန်မာနိုင်ငံရဲတပ်ဖွဲ့သို့ လှူဒါန်းသည့် တရုတ်ယွမ်မင်ဘီ ၉၉ သန်းဖိုးရှိ ရဲတပ်ဖွဲ့ဝင်သုံးမော် တော်ယာဉ်အစီးရေ ၅၀၅ စီးကို အဓိကလိုအပ်ချက်ရှိနေသည့် နယ်မြေရဲစခန်းများတွင် ဦးစား ပေးထားရှိသွားမည်ဟု သတင်းရ ရှိသည်။

တရုတ်ဝန်ကြီးချုပ်သည် ပြီးခဲ့သည့် ၂၀၁၄ က မြန်မာနိုင်ငံ သို့လာရောက်သည့် ခရီးစဉ်တွင် ပြည်ထဲရေးဝန်ကြီးဌာန၏ တရား ဥပဒေစိုးမိုးရေးလုပ်ငန်းများတွင် အသုံးပြုနိုင်ရန် ကူညီဆောင် ရွက်ပေးခဲ့ကြောင်း မြန်မာနိုင်ငံရဲတပ်ဖွဲ့ဌာနချုပ်မှ ရဲမှူးချုပ်စိုး မြိုင်ကပြောသည်။

ပါရမီယာဉ်အရှိန်လွန်ပြီး အငှားယာဉ်ရှစ်စီးကို ဆင့်တိုက်

လှည်းတန်းခုံးတံတား အောက်ရှိ မီးပွိုင့်အ၀င်တွင် ပါရမီ ယာဉ်လိုင်းမှယာဉ်တစ်စီး အရှိန် လွန်ပြီး အငှားယာဉ်ရှစ်စီးနှင့် အိမ်ကားတစ်စီးကို ဆင့်တိုက်မှု ဖြစ်ပွားခဲ့သည်။

နိုဝင်ဘာ ၂၈ ရက် နံနက် ၉နာရီခန့်က စိုက်ပျိုးရေး မှတ်တိုင်ဘက်မှ လှည်းတန်းဘက်သို့ ပြည်လမ်းအတိုင်းမောင်းနှင်လာသည့်(၁၇၄) ပါရမီယာဉ်က ၀င်တိုက်ခဲ့ခြင်းဖြစ်ကာ အမျိုးသမီးတစ်ဦးဒဏ်ရာပြင်းထန်စွာရရှိခဲ့သည်။ ယာဉ်မောင်း ထွက်ပြေးသွားခဲ့သော်လည်း ပါရမီယာဉ်လိုင်းမှ တာဝန်ရှိသူများက ယာဉ်မောင်းကို ရဲတပ်ဖွဲ့ထံ ပြန်လည် အပ်နှံခဲ့သည်ဟု ကမာရွတ်မြို့နယ် ယာဉ်ထိန်းရဲစခန်းမှ ဒုရဲမှူးအောင်ကြီးက ပြောသည်။

‘‘ကျွန်တော့်ကားကို အ နောက်ဘက်က အရှိန်နဲ့ဝင်တိုက် လိုက်တော့ ကျွန်တော်ရော ခေါင်း ခန်းကခရီးသည်ရော ဒဏ်ရာတွေ ရသွားတယ်။ ပြီးမှ အရှိန်ပြင်းပြင်း နဲ့ ဂျာနယ်ရောင်းနေတဲ့ ကောင်မ လေးရော တခြားကားတွေကိုပါ ဆက်တိုက်တိုက်သွားတယ်။ ဒရိုင်ဘာက ထွက်ပြေးသွားတယ်’’ဟု အငှားယာဉ်မောင်းက ပြောသည်။

ကြိုတင်မဲနှစ်ကြိမ်ထည့်သည့် ရဲအုပ် ယာဉ်ထိန်းတပ်ဖွဲ့မှ ထုတ်ပယ်ခံရပြီး အမှုပါရင်ဆိုင်နေရ

ကြိုတင်မဲနှစ်ကြိမ်ထည့် ခဲ့သည့် ယာဉ်ထိန်းရဲအုပ်ကို နိုဝင် ဘာတတိယပတ်တွင် ယာဉ်ထိန်း ရဲတပ်ဖွဲ့က တရားဝင်ထုတ်ပယ်ခဲ့ ကြောင်း ရန်ကုန်တိုင်းဒေသကြီး ယာဉ်ထိန်းရဲတပ်ဖွဲ့(၂)မှ ဒုရဲမှူး ကြီး အောင်ကိုဦးက ပြောသည်။
မင်္ဂလာတောင်ညွန့်မြို့နယ် တောင်ညွန့်ကြီးရပ်ကွက်ရှိ မဲရုံနှင့် ဒဂုံမြို့သစ်(မြောက်ပိုင်း) မြို့နယ်ရှိ ယာဉ်ထိန်းသင်တန်းကျောင်းတို့ တွင် ကြိုတင်မဲနှစ်ကြိမ်ထည့်မိခဲ့ သောကြောင့် ယခုကဲ့သို့ထုတ်ပယ် ခဲ့ရခြင်းဖြစ်သည်ဟု ဒုရဲမှူးကြီး အောင်ကိုဦးက ဆိုသည်။

‘‘ရဲတပ်ဖွဲ့စည်းမျဉ်းစည်း ကမ်းအတိုင်း သူ့ကို ယာဉ်ထိန်း ရဲအရာရှိအဖြစ်ကနေ ထုတ်ပယ် လိုက်တာပါ။ သူကိုယ်တိုင်လည်း အရာရှိဖြစ်ပြီး ဒီကိစ္စကို ပေါ့ပေါ့ ဆဆလုပ်ခဲ့လို့ အပြစ်ပေးခဲ့ရတာ ပါ။ ဝန်ထမ်းဖြစ်တဲ့အတွက် ချ မှတ်ထားတဲ့ စည်းကမ်းဖောက် ဖျက်တဲ့သူကို ဥပဒေအတိုင်း အ ရေးယူခဲ့ခြင်းဖြစ်ပါတယ်’’ဟု ဒုရဲ မှူးကြီး အောင်ကိုဦးက ပြော ကြားသည်။
ရဲအုပ်အောင်ဆန်းဝင်းသည် နိုဝင်ဘာ ၁ ရက်က မင်္ဂလာ တောင်ညွန့်မြို့နယ် တောင်ညွန့် ကြီးရပ်ကွက် ကော်မရှင်အဖွဲ့ခွဲရုံး တွင် မဲစာရင်း အမှတ်(၁၂၅၄)ဖြင့် တစ်ကြိမ်၊ နိုဝင်ဘာ ၃ ရက် က ဒဂုံမြို့သစ်(မြောက်ပိုင်း)မြို့ နယ်ရှိ ယာဉ်ထိန်းရဲအုပ်သင်တန်း ကျောင်းတွင် ကြိုတင်မဲတစ်ကြိမ် ပေးခဲ့ကြောင်း မင်္ဂလာတောင် ညွန့်မြို့နယ် ရွေးကောက်ပွဲကော် မရှင်မှ တာဝန်ရှိသူ တစ်ဦးက ပြောသည်။

ဒီချုပ်အမတ်များကို လစာဖြတ်မည်၊ စာမေးပွဲစစ်မည်၊ ပိုင်ဆိုင်မှုစစ်မည် ပြင်းပြင်းထန်ထန် ကိုင်တွယ်သည်ကို စိတ်ဓာတ်မကျရန် ဒေါ်အောင်ဆန်းစုကြည်ပြော

အမျိုးသားဒီမိုကရေစီ အဖွဲ့ချုပ်အနိုင်ရ လွှတ်တော် ကိုယ်စားလှယ်များထံမှ လစာဖြတ်တောက်သွားမည်ဖြစ်ကြောင်း ဒေါ်အောင်ဆန်းစုကြည်က ပြောကြားလိုက်သည်။

နိုဝင်ဘာ ၂၈ ရက်က ရန် ကုန်မြို့ ဗဟန်းမြို့နယ်ရှိ တော်ဝင် နှင်းဆီ ခန်းမတွင် ပြုလုပ်သော ရန်ကုန်တိုင်း၊ တနင်္သာရီတိုင်းနှင့် မွန်ပြည်နယ်တို့ရှိ ရွေးကောက်ပွဲအနိုင်ရ လွှတ်တော်ကိုယ်စားလှယ်များနှင့် တွေ့ဆုံပွဲ၌ ဒေါ်အောင်ဆန်းစုကြည်က ပြောကြားခဲ့ခြင်းဖြစ်သည်။

‘‘လစာဖြတ်မယ်’’

‘‘အခုကတည်းက စောစောစီး စီးပြောထားတာ၊ ကိုယ်စားလှယ် အားလုံးရဲ့ လစာတွေ ကျွန်မတို့ ဖြတ်ပါမယ်။ အခုဆိုရင် ပြည် ထောင်စုကိုယ်စားလှယ်တိုင်းက တစ်လကို နှစ်သိန်းခွဲပေးရမယ်။ တိုင်းတို့၊ ပြည်နယ်တို့က လစာ နည်းတဲ့အတွက် ကျွန်မတို့ ကြည့် ပြီးဖြတ်မယ်။ အားလုံး ကိုယ်စား လှယ်တိုင်းဟာ လစာထဲက သတ် မှတ်ထားတဲ့အတိုင်း အဖွဲ့ချုပ်ကို ပေးရမှာဖြစ်ပါတယ်။ တချို့တွေ က ၀န်ကြီးနေရာတွေက ကိုယ်စား လှယ်တွေဆို ပိုပြီးတော့ဖြတ်မယ်။ လခ မြင့်သွားတာနဲ့အမျှ ပိုပြီး တော့ဖြတ်ပါမယ်။ အမြင့်ရောက် သွားတဲ့သူတွေကတော့ တစ်ဝက် ဖြတ်မှာပေါ့။ အမြင့်ဆုံးရောက် သွားတဲ့သူတွေကတော့ အနည်း ဆုံးတော့ တစ်ဝက်ပေးရမှာပေါ့။

ရေဘေးကြောင့် ပျက်စီးသွားသော ကျောင်း (၆၆) ကျောင်း ပြန်တည် ဆောက်ရန် ကျန်ရှိ

ရခိုင်ပြည်နယ်တွင် ရေဘေးကြောင့် ပျက်စီးသွားသော ကျောင်းများအနက် (၆၆) ကျောင်းကို ပြန်ဆောက်ရန် ကျန်ရှိနေ သေးကြောင်း ရခိုင်ပြည်နယ် ပညာရေးမှူးရုံးမှ သိရသည်။

““ကျောင်းသူ ကျောင်းသားလေးတွေ ပုံမှန်အတိုင်း ပြန်တက် နေကြပါပြီ၊ ပြင်နေတဲ့ ကျောင်းတွေ တချို့အဆောင်တွေ ပြီးပြီ၊ မိုးရာသီမှာက ရေတွေနဲ့ ဆောက်လို့မပြီးလို့ အခုကျန်တာကို ပွင့်လင်းရာသီမှာ ဆက်ဆောက် နေပါပြီ””ဟု ရခိုင်ပြည်နယ် ပညာရေးမှူးရုံးမှ လက်ထောက် ညွှန်ကြားရေးမှူး (စီမံ) ဦးလှစိန်ထွန်းက The Messenger Media သို့ ပြောသည်။

ရခိုင်ပြည်နယ်တွင် မတ်လ ရေကြီးရေလျှံမှုများကြောင့် ကျောင်းပေါင်း(၂၉၂) ကျောင်း ပျက်စီးခဲ့ရာတွင် အများစုအား ပြန် လည် ပြုပြင် တည်ဆောက်ပြီးစီးခဲ့ပြီး (၆၆) ကျောင်း ကျန်ရှိနေခြင်း ဖြစ်သည်။ ယင်းကျောင်းများသည် ပုဏ္ဏားကျွန်း၊ ကျောက်တော်၊ မင်းပြား၊ မြောက်ဦးမြို့တို့တွင် ကျန်ရှိနေသေးခြင်း ဖြစ်ကြောင်း သိရသည်။ ယခုအခါ လုံးဝ ကျောင်းပျက်စီး သွားသော နေရာများတွင် ယာယီ စာသင်ဆောင် (၆၁) ဆောင် ကိုလည်း ဆောက်လုပ်ပေးပြီ ဖြစ်ကြောင်းလည်း ရခိုင်ပြည်နယ် ပညာရေးမှူးရုံးမှ သိရသည်။ ရခိုင်ပြည်နယ်တွင် ရေဘေးကြောင့် ကျောင်းသားကျောင်းသူပေါင်း (၇၀၀၀) ကျော် ရေဘေးသင့်ခဲ့သည်။

မြေယာ ပြဿနာများကို အစိုးရသက်တမ်း မကုန်မီ တတ်နိုင်သလောက် ဖြေရှင်းမည်

ဧရာဝတီတိုင်း ဒေသကြီးမှ မြေယာ ပြဿနာများကို အစိုးရသက်တမ်း မကုန်မီ အတတ်နိုင်ဆုံး ဖြေရှင်း ဆောင်ရွက်ပေးသွားမည် ဖြစ်ကြောင်း တိုင်းဒေသကြီး အစိုးရအဖွဲ့မှ တာဝန်ရှိသူတစ်ဦးက ပြောသည်။ဖြစ်နိုင်တဲ့ကိစ္စ၊ ဆောင်ရွက်နိုင်တဲ့ ကိစ္စတွေကိုတော့ အပြီး ဖြေရှင်းပေးသွားမှာပါဟု ၎င်းကပြောသည်။၂၀၁၀ မှ စတင်ကာ တာဝန်ယူ ဆောင်ရွက်ခဲ့သည့် ပြည်ခိုင်ဖြိုးပါတီ ဦးဆောင်သည့် အစိုးရအဖွဲ့ အနေဖြင့် ဧပြီလ (၁) ရက်နေ့တွင် အစိုးရသက်တမ်း ကုန်မည် ဖြစ်သည်။''ပြဿနာ တစ်ခုကို ဖြေရှင်းတဲ့အခါမှာ အထက်ကနေအောက်၊ အောက်ကနေ အထက် အပြန်အလှန် စိစစ်ရမယ်။ ဖြစ်စဉ်ရဲ့ သဘော သဘာဝတွေကိုလည်း သေသေချာချာ လေ့လာသုံးသပ်ပြီးမှ အဖြေရှာလို့ရမှာ။ လေးလအတွင်း အဖြေထွက် ပြီးရောဆိုပြီး အလျင်အမြန်ဆုံး ဖြတ်ဆောင်ရွက် ပေးခဲ့ရင် အလွယ်အမှားတွေလည်း ဖြစ်နိုင်တယ်'' ဟု လယ်ယောမြေအရေး လှုပ်ရှားသည့် ကိုထွန်းထွန်းဦးက ပြောသည်။

အစိုးရ ဖွဲ့နိုင်သော်လည်း ပူးပေါင်း လုပ်ဆောင်မည်ဟု ဒေါ်စုဆို

 NLD ပါတီသည် ပါတီတစ်ခုတည်းနှင့် အစိုးရ ဖွဲ့နိုင်သော အခြေအနေတွင် ရှိသော်လည်း အားလုံး ယူမည်ပုံစံနှင့် လုပ်ဆောင်မည် မဟုတ်ပဲ ပူးပေါင်း လုပ်ဆောင်မည် ဆိုသော စိတ်နှင့် လုပ်ဆောင် သွားမည်ဖြစ်ကြောင်း ယင်းပါတီဥက္ကဋ္ဌ ဒေါ်အောင်ဆန်းစုကြည်က ပြောကြား လိုက်သည်။ နိုဝင်ဘာလ (၂၆)ရက်နေ့ နံနက်ပိုင်း RFA သတင်းဌာန၏ ဒီမိုကရေစီ ခရီးကြမ်းနှင့် ဒေါ်အောင်ဆန်းစုကြည် အစီအစဉ်တွင် ထိုကဲ့သို့ ပြောကြားလိုက်ခြင်း ဖြစ်သည်။ ““အစိုးရထဲမှာ NLD ပါတီဝင်မဟုတ်တဲ့ တိုင်းရင်းသား တွေလည်း ပါမယ်။ တခြားနိုင်ငံကို အကျိုးပြုနိုင်တဲ့ လူတွေလည်း ပါနိုင် လိမ့်မယ့်လို့ အစ်မတို့ မျှော်လင်တယ်””ဟု ဒေါ်အောင်ဆန်းစုကြည်က ပြောကြားသည်။

စာသင်၊ စာချ သံဃာတော်များကို အင်တာနက် အသုံးမပြုရန် တားမြစ်

မိုဘိုင်းဖုန်းများဖြင့် အင်တာနက် အသုံးမပြုရန် စာချ၊ စာသင် သံဃာတော်များကို ပုသိမ်မြို့ ပစ္ဆိမာရုံ ကျောင်းတိုက်က တားမြစ်ထားကြောင်း သိရသည်။ မြတ်စွာဘုရားက အစွန်အဖျား ကျတဲ့နေရာ လူသူဝေးတဲ့ နေရာမှာ သီတင်းသုံး နေထိုင်ရမယ်လို့ မူလကတည်းက ဟောထားတယ်။ ဘာလို့ ဒီလို ဟောထားလဲ စိတ်ဓာတ် ပူလောင်မှုတွေ ငြိမ်းအေးအောင် လူနဲ့ပတ်သတ်တဲ့ ပြဿနာ အရှုပ်အထွေးတွေ ကင်းအောင် နေခိုင်းတာ ဒီတော့ အင်တာနက် ဆိုတာ တစ်ကမ္ဘာလုံးနဲ့ ချိတ်ဆက်ထား တာဆိုရင် တစ်ကမ္ဘာလုံးနဲ့ ပတ်သက်တာတွေ အရှုပ်ထုတ်တွေ ၀ိနည်းနဲ့ တားမြစ် ထားတဲ့ အရာတွေ မမြင်နိုင်ဘူးလား။ ဒါ ကြောင့် တားမြစ်ရတာ ဟု ပစ္ဆိမာရုံ တိုက်ကြပ် ဆရာတော် အရှင် ဉဏိဿရဘိဝံသက မိန့်သည်။ အင်တာနက်တွင် သံသရာမှ လွတ်မြောက်ကြောင်း တရားနှင့် နိဗ္ဗာန်ရောက်ကြောင်း တရားများ မပါဝင်ဘဲမြန်မာ တစ်နိုင်ငံလုံး အတိုင်းအတာဖြင့် မူလသံဃာတော်များ လုပ်ဆောင်ရမည့် ပရိယတ်၊ ပဋိပတ်လုပ်ငန်းများ ကျဆင်းသွားရခြင်း၏ မူလတရားခံသည် အင်တာနက်ကြောင့် ဖြစ်သည်ဟု ဆရာတော်က ဆက်မိန့်သည်။

တောင်ကြီး မီးပုံးပျံပွဲ ဧည့်လာ ရောက်မှု ယခင်နှစ်များထက် နည်းပါး

တောင်ကြီးမြို့တွင် ကျင်းပလျက်ရှိသည့် တန်ဆောင်တိုင် မီးပုံးပျံပွဲသို့ ဧည့်သည် လာရောက်မှုမှာ ယခင်နှစ်များထက် နည်းပါးကြောင်း တောင်ကြီးမြို့ ဒေသခံများထံက သိရသည်။နိုဝင်ဘာလ (၁၈) ရက်နေ့မှ စတင်ကာ တောင်ကြီးမြို့တွင် ကျင်းပလျက်ရှိသော တန်ဆောင်တိုင် မီးပုံးပျံ ပွဲတော်ကြီးသို့ ရပ်ဝေးရပ်နီး ဧည်သည်များ လာရောက်မှုမှာ ယခင်နှစ်များထက် နည်းပါးကြောင်း တောင်ကြီးမြို့တွင် လူမှုကူညီရေး လုပ်ငန်း များအား လုပ်ဆောင်နေသည့် ၈၈ မျိုးဆက် ကျောင်းသား ခေါင်းဆောင် တစ်ဦးဖြစ်သူ ကိုနေမျိုးက ပြောသည်။

မဲပေးသူများ စာရင်း အလျင်မြန်ဆုံး ထုတ်ပြန်မည်ဟုဆို

၂၀၁၅ ခုနှစ် ပါတီစုံ ဒီမိုကရေစီ အထွေထွေ ရွေးကောက်ပွဲတွင် တစ်နိုင်ငံလုံး အတိုင်းအတာဖြင့် မဲပေးခဲ့သူများ စာရင်းအား အလျင်မြန်ဆုံး ထုတ်ပြန်သွားမည် ဖြစ်ကြောင်း ပြည်ထောင်စု ရွေးကောက်ပွဲ ကော်မရှင်ထံမှ သိရသည်။

လက်ရှိအချိန်တွင် အထွေထွေ ရွေးကောက်ပွဲအား ကျင်းပပြီးစီး၍ အနိုင်ရပါတီ အနေဖြင့် အစိုးရသစ် ဖွဲ့စည်းရန် စောင့်ဆိုင်းနေသည့် ကြားကာလ ဖြစ်သည်။ ပြည်ထောင်စု ရွေးကောက်ပွဲ ကော်မရှင် အနေဖြင့် ကန့်ကွက်လွှာ လက်ခံခြင်း၊ ရွေးကောက်ပွဲ ကုန်ကျစရိတ်များ တင်ပြမှုအား လက်ခံခြင်းနှင့် မဲပေးသူများ စာရင်းအား ပြုစုခြင်းများကို လုပ်ဆောင်နေခြင်းနှင့် ပတ်သက်ပြီး အထက်ပါအတိုင်း ပြောကြားခဲ့ခြင်း ဖြစ်သည်။

အနိုင်ရရန် လုံလောက်သည့်အခွင့်အရေးများ ဖန်တီးနိုင်ခဲ့ကြောင်း ဗန်ဂါးလ်ဖွင့်ဟ

ပီအက်စ်ဗွီကို ဂိုးမရှိ သရေကျခဲ့ပြီးနောက် ဝေဖန်မှုများ နှင့် ရင်ဆိုင်နေရသော်လည်း မန်ယူအသင်းနည်း ပြဗန်ဂါးလ်က မိမိတို့အနေဖြင့် အနိုင်ရရန်လုံလောက်သည့် အခွင့်အရေးများဖန်တီး နိုင်ခဲ့ကြောင်းပြောကြားခဲ့သည်။ မန်ယူအသင်းသည် အနိုင်ရ ပါက နောက်တစ်ဆင့်သို့ တက်ရောက် နိုင်မည်ဖြစ်သော်လည်း သရေရလဒ်ကြောင့် နောက်ဆုံးပွဲစဉ်တွင် မဖြစ်မနေ အနိုင်ကစားရတော့မည်ဖြစ်သည်။ မန်ယူအသင်း၏ ခြေစွမ်းသည်စိတ်ပျက်စရာဖြစ်ခဲ့သောကြောင့် ကစားသမားဟောင်းများဖြစ်သော ရွိုင်ကိန်းနှင့် ပေါလ်စခိုးတို့က ပြင်းထန်စွာဝေဖန်ခဲ့သည်။ သို့သော် ဗန်ဂါးလ်က မန်ယူအသင်းသည် ပီအက်စ်ဗွီကိုအနိုင်ရရန် အခွင့်အရေးများစွာ ဖန်တီးနိုင်ခဲ့ကြောင်း ပြောကြားခဲ့သည်။

တပ်မတော်နှင့် SSPP/SSA တို့ ငါးရက်အတွင်း စစ်ရှိန်လျော့ဖို့ နှစ်ဘက်သဘောတူ

ရှမ်းပြည်တိုးတက်ရေးပါတီ၊ ရှမ်းပြည်တပ်မတော်(SSPP/SSA)နှင့် ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီ(UPWC) တို့ လက်ရှိ ဖြစ်ပွားနေသော စစ်ရေးပဋိပက္ခများကို လျော့ချ ရပ်ဆိုင်းရေးကို ဦးတည်ဆောင်ရွက်ရ အပါအဝင် အချက် ၆ ချက်ကို မူအားဖြင့် သဘောတူညီခဲ့ကြသည်ဟု မဇ္ဈိမက ရရှိထားသည့် ဆွေးနွေးမှု မှတ်တမ်းတွင် ဖေါ်ပြသည်။

နိုဝင်ဘာလ ၂၄ ရက် နေ့စွဲဖြင့် နှစ်ဖက် ခေါင်းဆောင်များ လက်မှတ်ရေးထိုးထားသည့် အစည်းအဝေး မှတ်တမ်းတွင် SSPP/SSA အနေဖြင့် မိုင်းနောင်၊ မိုင်းရှူး ကားလမ်းမြောက်ဘက်ခြမ်းတွင် ရွေ့ပြောင်း နေထိုင်ရန်နှင့် မိုင်းနောင်-မိုင်းရှူး ကားလမ်း တောင်ဘက်ခြမ်းရှိ ထိပ်တိုက်ရင်ဆိုင်နေသော တပ်မတော် စစ်ကြောင်းများကိုလည်း ရွှေ့ပြောင်းနေရာချထားရန်၊ မိုင်းနောင်တွင် SSPP/SSA ဆက်ဆံရေးရုံး ဖွင့်လှစ်၍ နှစ်ဖက် ပဋိပက္ခများနှင့် လိုအပ်သော အုပ်ချုပ်ပှုဆိုင်ရာကို ညှိနှိုင်း ဖြေရှင်းသွားရန်တို့ကို သဘောတူညီမှု ရရှိခဲ့သည်။

အလယ်အလတ်တန်း အခွန်ထမ်းများဆိုင်ရာ အခွန်ရုံးကိုဖွင့်လှစ်နိုင်ရန် စီစဉ်

တိုင်းပြည်၏ အနာဂတ်ကာလ၌ အစိုးရ၏ အသုံးစားရိတ်များကို နိုင်ငံတော်မှ ကောက်ခံရရှိသည့် အခွန်ငွေအပေါ်တွင် ရပ်တည်ဆောင်ရွက်ကြရ မည်ဖြစ်သည့်အတွက် အခွန်ဆိုင်ရာပြုပြင်ပြောင်းလဲမှု ခြေလှမ်းအဖြစ် အလယ်လတ်တန်းအခွန်ထမ်းများဆိုင်ရာ အခွန်ရုံးကိုဖွင့်လှစ်ရန်စီစဉ်နေကြောင်း ဘဏ္ဍာရေးနှင့်အခွန်ဝန်ကြီးပြည်ထောင်စုဝန်ကြီး ဦးဝင်ရှိန် ကပြောသည်။

ဖွံ့ဖြိုးဆဲနိုင်ငံများတွင် ကျင့်သုံးနေသည့်တိုက်ရိုက်အခွန်ကောက်ခံသည့် စနစ်မှသွယ်ဝိုက်အခွန်ကောက်ခံသည့် စနစ်ကိုကူးပြောင်းရန် အနည်းဆုံးအခွန်းနှုန်းထားများဖြင့် အခွန်အခြေခံချဲ့ထွင်၍ အခွန် ထမ်းများမှ ကိုယ်တိုင် အခွန်ပေးဆောင် စည်းကြပ်သည့်စနစ်ကို ကူးပြောင်းရန်ပြုပြင်ဆောင်ရွက်နေကြောင်း ပြည်ထောင်စုဝန်ကြီး ဦးဝင်းရှိန်က ဘဏ္ဍာရေးဝန်ကြီးဌာန၏ ယခုနှစ်ဘဏ္ဍာနှစ် ပထမ ၆ လပတ် အခွန်ရရှိမှုကို နိုဝင်ဘာလ ၂၄ ရက်နေ့တွင် ကျင်းပသည့် ပြည်ထောင်စုလွှတ်တော်သို့ လာရောက်ရှင်းလင်းရင်း ပြောကြားခဲ့ ခြင်းဖြစ်သည်။

ဗဟိုဘဏ်မှအထိမ်းအမှတ် ငွေဒင်္ဂါးပြားထုတ်သည်အပေါ် ပြန်သုံးသပ်ရန် လွှတ်တော်တွင် အစီအရင်ခံ

 ပြည်ထောင်စုလွှတ်တော်၏ ပြည်သူ့ငွေစာရင်းပူးပေါင်းမှုကော်မတီက မြန်မာနိုင်ငံဗဟိုဘဏ်မှ အထိမ်းအမှတ်ငွေဒင်္ဂါးပြားထုတ်ခြင်းသည် ဥပဒေနှင့်ညီညွှတ်မှု ရှိမရှိ သုံးသပ် ရမည့်အချက်ဖြစ်ကြောင်း ပြည်ထောင်စုလွှတ်တော်သုိ့ အစီအရင်ခံခဲ့သည်။

“ ဗဟိုဘဏ်က ဒင်္ဂါထုတ်ခွင့်ရှိသော်လည်းပဲ ဒီဗဟိုဘဏ်၏ ဥပဒေအဆိုရင်တော့ တရားဝင် လည်ပတ်တဲ့ငွေတွေ ကိုပဲ ထုတ်ခွင့်ရှိတယ်ဆိုတဲ့သဘောမျိုးဥပဒေမှာ ရေးထားတာကိုတွေ့ရပါတယ်၊ဒီအထိမ်း အမှတ်ဒင်္ဂါးပြားတွေထုတ်တယ် ဆိုတဲ့ဥစ္စာဟာ ကျွန်တော်တို့ ဥပဒေနှင့်ညီညွှတ်ရဲ့လား၊တရားဝင်သုံးလို့ရတဲ့ ငွေကိုပဲ ထုတ်ခွင့်ရှိသလား အထိမ်းအမှတ်ကိုလည်း ဗဟိုဘဏ်အနေနှင့်ထုတ်လို့ရသလား ဆိုတာဟာ သုံးသပ်ရမယ့်အချက်ဖြစ်တယ်ဆိုတဲ့ ဒီဟာလေးတစ်ခုကို ကျွန်တော်တို့ တွေ့ရှိရပါတယ် “ ဟုပြည်သူ ငွေစာရင်းပူးပေါင်းမှုကော်မတီမှ နိုဝင်ဘာလ(၂၄)ရက်နေ့တွင် ကျင်းပသည့် ပြည်ထောင်စု လွှတ်တော် အစည်းအဝေးတွင် အစီအရင်ခဲ့သည်။

ပြည်ခိုင်ဖြိုးအမတ်တစ်ဦး နိုင်ရာမှ ပြန်လည်ရှုံးနိမ့်

ပြီးခဲ့သည့် ရွေးကောက်ပွဲတွင် ရှမ်းပြည်နယ် အမျိုးသားလွှတ်တော် မဲဆန္ဒနယ်အမှတ် (၅) ၏ မဲစာရင်းများ ရေတွက် အပြီး နိုဝင်ဘာ ၁၂ ရက်နေ့ ကြေညာချက်အရ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီမှ ဦးစိုင်းဆာလူက အနိုင်ရရှိခဲ့ပြီး အဆင့်ဆင့် တိုင်ကြားမှုအရ တအာင်း(ပလောင်) အမျိုးသားပါတီမှ အနိုင်ရရှိကြောင်း ပြည်ထောင်စု ရွေးကောက်ပွဲကော်မရှင်က နိုဝင်ဘာ ၂၄ ရက်နေ့တွင် ထပ်မံကြေညာခဲ့သည်။

ရေတွက်ရန် မဲရုံများ ကျန်နေသေးကြောင်း မြို့နယ်၊ ခရိုင်၊ ပြည်ထောင်စုအဆင့်ဆင့်သို့ တိုင်ကြားခဲ့ သောကြောင့် ကျန်ရှိနေသည့် နမ့်ဆန်မြို့နယ်အတွင်းရှိ မဲရုံ ၅ ရုံအား ပြန်လည်ရေတွက်မှုအရ ပြည်ထောင်စု ရွေးကောက်ပွဲ ကော်မရှင်က တအာင်း(ပလောင်) အမျိုးသားပါတီမှ ဦးညီစိန်အား အနိုင်ပေးခဲ့၍ ပြည်ခိုင်ဖြိုးပါတီမှာ နိုင်ရာမှရှုံးသွားသည်ဟု တအာင်း(ပလောင်) အမျိုးသားပါတီ ရုံးချုပ်က ပြောကြားသည်။

လူထုအခွင့်အရေး အာမခံချက် မရှိသည့် ပတ်ဝန်းကျင် ထိန်းသိမ်းရေးဥပဒေ ပြင်ပေးရန်ပြော

သဘာဝပတ်ဝန်းကျင် ထိန်းသိမ်းရေးနှင့် ပက်သက်ပြီး လူထုအခွင့်အရေး အာမခံချက်မရှိသည့် ပတ်ဝန်းကျင် ထိန်းသိမ်းရေး ဥပဒေကို ပြင်ဆင်ရန် လိုအပ်ကြောင်း သဘာဝပတ်ဝန်းကျင်ဆိုင်ရာ လှုပ်ရှားနေသည့် အဖွဲ့အစည်း ၃ခုက အကြံပြု ပြောဆိုလိုက်သည်။

နိုဝင်ဘာ ၂၅ရက်၊ လသာမြို့နယ် အနော်ရထာလမ်းပေါ်ရှိ Best Western China Town ဟိုတယ်တွင် ပြုလုပ်သည့် ပတ်ဝန်းကျင် ထိန်းသိမ်းရေး ဥပဒေအပေါ် ရှုထောင့် ပေါင်းစုံမှ သုံးသပ်ခြင်း သတင်းစာရှင်းလင်းပွဲတွင် ပြောဆိုခြင်းဖြစ်သည်။

ရုရှားက S - 400 ဒုံးကျည်ကာကွယ်ရေးစနစ်များကို ဆီးရီးယားတွင် ချထားမည်

ရုရှားသည် ၄င်း၏ S-400 ဒုံးကျည်ကာကွယ်ရေးစနစ်ကို ဆီးရီးယားတွင် ချထားမည်ဖြစ်ကြောင်း ရုရှားကာကွယ်ရေးဝန်ကြီးက ပြောကြားသည်။ S-400 လေယာဉ် ပစ်ဒုံးကျည်စနစ်များကို မှေးမင်လေတပ်အခြေစိုက်စခန်းတွင် ချထားမည်ဖြစ်ကြောင်း ဆာဂေးရှိုအီဂူက နိုဝင်ဘာ ၂၅ တွင်ပြောကြားသည်။

ယင်းသို့ပြောကြားမှုက ဆီးရီးယားအနောက်ပိုင်းရှိ လာတာ ကီယာဆိပ်ကမ်းမြို့အပြင်ဘက်ရှိ ရုရှားလေတပ်အခြေစိုက်စခန်းတွင် ချမည်ဟု ရည်ညွှန်းခြင်းဖြစ်သည်။

NLD အနိုင်ရ အမတ်နှင့် အောင်နိုင်ရေး တာဝန်ခံကို စွပ်စွဲရေးသားသည်ဆိုကာ ဒေါ်ညိုညိုသင်း အမှုဖွင့်

အမျိုးသား ဒီမိုကရေစီအဖွဲ့ချုပ် ပြည်သူ့လွှတ်တော်အမတ် ဦးထွန်းမြင့်နှင့် ရွေးကောက်ပွဲ အောင်နိုင်ရေး အထူးတာဝန်ခံ ဦးစိုးညွန့်တို့ လက်ရှိ ရန်ကုန်တိုင်း လွှတ်တော်အမတ် ဒေါ်ညိုညို သင်းကို စွပ်စွဲရေးသားသည်ဆိုကာ အမှုဖွင့်ထားသည်ကို ဖြေရှင်းတောင်းပန်မှ အမှုကို ရုတ်သိမ်းပေးနိုင်မည်ဟု ဒေါ်ညိုညိုသင်းကဆိုသည်။

နိုဝင်ဘာ ရွေးကောက်ပွဲတွင် ဗဟိန်းမြို့နယ်မှ တသီးပုဂ္ဂလအမတ်အဖြစ် ဝင်ရောက်ယှဉ်ပြိုင်ခဲ့သူ ဒေါ်ညိုညိုသင်းက ဗဟန်းရဲစခန်းတွင် ဦးစိုးညွန့်နှင့် ဦးထွန်းမြင့်တို့အပေါ် ရွေးကောက်ပွဲ ဥပဒေပုဒ်မ ၅၈(ဃ)ဖြင့် အမှုဖွင့်ထားမှုနှင့် ပက်သက်ပြီး ဆက်သွယ်မေးမြန်းရာတွင် ပြောခြင်းဖြစ်သည်။

လူနည်းစု အခွင့်အရေး လှုပ်ရှားနေသူ ဝေေ၀နု

မြန်မာနိုင်ငံမှာမွေး၊ မြန်မာနိုင်ငံမှာ ကြီးပြင်းခဲ့ကြသူများဖြစ်သည့် မိခင်ဖခင် အပါအ၀င် မိသားစုဝင်များကို လူမျိုးရေး ခွဲခြား ခြင်း၊ လူ့အခွင့်အရေး ချိုးဖောက်ခံရခြင်းများကို ကိုယ်တိုင်ပါဝင်ခံစားခဲ့ရပြီး ထိုအပြုအမူများက သူမကို ထိုးနှက်မှုတခု ဖြစ်စေခဲ့သည်ဟု မဝေေ၀နုက ပြောသည်။

ဖိနှိပ်မှုတခုကို ထပ်မံပြီး ပြောရမည်ဆိုပါက အလုပ်သမား အခွင့်အရေးများကို တစိုက်မတ်မတ် အားပေးကူညီနေသည့် ဖခင်ရှေ့နေ ဦးကျော်မင်းကို နိုင်ငံသား မှတ်ပုံတင်ကတ် တရားမ၀င် ပြုလုပ်သည်ဆိုကာ ဖခင်ကြီးဦးကျော်မင်း အပါအ၀င် တမိသားစုလုံး ဖမ်းဆီး ထောင်ချခြင်း ခံခဲ့ရသည်။

မဲဆွယ်ခဲ့သည်ဟု ဆိုကာ ဒီချုပ်ပါတီဝင်များ မဲရုံဝန်ထမ်းများကို ပြည်ခိုင်ဖြိုးကိုယ်စားလှယ်အမှုဖွင့်

မဲရုံအတွင်းနှင့် မဲရုံ ပရိဝုဏ်ကိုက်ငါးရာအတွင်း မဲ ဆွယ်ခဲ့သည်ဟု ဆိုကာ အမျိုးသားဒီမိုကရေစီအဖွဲ့ချုပ်ပါတီဝင်နှင့် မဲရုံမှူးအပါအ၀င် မဲရုံဝန်ထမ်းများကို ပြည်ခိုင်ဖြိုးပါတီ တိုင်းဒေသ ကြီး လွှတ်တော်ကိုယ်စားလှယ်က အမှုဖွင့်တိုင်ကြားခဲ့သည်။

‘‘ရဲစခန်းမှာ အမှုဖွင့်မှာက ၁၁ မှုရှိတယ်။ ၀န်ကြီးဌာနတွေကို တင်ပြမှာက သုံးမှု၊ ပြည်ထောင် စုရွေးကောက်ပွဲကော်မရှင်အထိ တင်မှာက ငါးမှုရှိတယ်။ နိုဝင်ဘာ လ ၂၂ ရက်အတွင်းမှာ အပြီးလုပ် မယ်’’ဟု ပြည်ခိုင်ဖြိုးပါတီမှ အောင်လံမြို့နယ် တိုင်းဒေသကြီးအမှတ်(၁) လွှတ်တော်ကိုယ်စားလှယ် ဦးခင်ဆွေက ပြောသည်။

နိုဝင်ဘာ ၁၉ ရက် ညနေက အောင်လံမြို့မရဲစခန်းသို့ လွှတ်တော်ကိုယ်စားလှယ်ကိုယ်တိုင် လာရောက်အမှုဖွင့်ခဲ့ကြောင်း ရဲ အရာရှိတစ်ဦးက ပြောသည်။

မြို့မရဲစခန်းတွင် အမှု ၁၀ မှု ဖွင့်ခဲ့ပြီး မဲရုံမှူး၊ မဲရုံ၌ တာဝန်ထမ်းဆောင်ခဲ့ကြသည့် ၀န်ထမ်းခုနစ်ဦးနှင့် ဒီချုပ်ပါတီဝင် ၂၀ ကျော်အထိ ပါဝင်နေကြောင်း ရဲအရာရှိက ဆိုသည်။

အများစုသည် မဲရုံအတွင်း နှင့် မဲရုံပရိဝုဏ်ကိုက်ငါးရာအ တွင်း မဲဆွယ်သည်ဟု ဆိုကာ အမှုဖွင့်တိုင်ကြားခံရခြင်းဖြစ်ပြီး မဲရုံဝန်ထမ်းများက နှိပ်ရမည့်အကွက်ကို လက်ထောက်ပြခြင်း၊ မည်သူ့အား မဲပေးရန် ပြောဆိုခြင်း၊ ကိုယ်စားမဲလာထည့်ခြင်းနှင့် ဘက်လိုက်ဆောင်ရွက်ခြင်းစသည့် အချက် များဖြင့် စွပ်စွဲတိုင်ကြားခြင်းဖြစ် ကြောင်း သိရသည်။

ဖားကန့်မြေစာပုံပြိုကျမှု သေဆုံးသူ ၁၀၀ ကျော်ရှိလာ

ဖားကန့် စွန့်ပစ်မြေစာပုံ ပြိုကျမှုတွင် သေဆုံးသူအရေအ တွက် တိုးလာနေပြီး စုစုပေါင်း ၁၀၅ ဦးရှိပြီဖြစ်ကြောင်း ဖားကန့် မြို့မရဲစခန်းမှ သတင်းရရှိသည်။

နိုဝင်ဘာ ၂၁ ရက် နံနက် ၄ နာရီခန့်က ဖားကန့်မြို့နယ် လုံးခင်းကျေးရွာအုပ်စုမှ ပေ ၁,၀၀၀ ခန့်အမြင့်ရှိ စွန့်ပစ်မြေစာပုံသည် ရေမဆေးကျောက်ရှာဖွေသူများ နေ ထိုင်သည့် တဲအိမ်များအပေါ် ပြိုကျခဲ့ခြင်းဖြစ်သည်။

မြေစာပုံအောက်တွင် ပိနေ သူများအနက် နိုဝင်ဘာ ၂၁ ရက် ညအထိ ရုပ်အလောင်း ၇၉ လောင်း ပြန်လည်တူးဖော်နိုင်ခဲ့ပြီး နိုဝင်ဘာ ၂၂ ရက်တွင် ၂၆ လောင်း ထပ်မံရှာဖွေနိုင်ခဲ့သည်ဟု ဖားကန့်မြို့မရဲစခန်းမှူး ဒုတိယရဲမှူး နိုင် ဝင်းက ပြောကြားသည်။

‘‘မြေပိသေဆုံးတာ စုစုပေါင်း ၁၀၅ ယောက် ပြန်ရှာတွေ့ထားတယ်။ အမျိုးသမီးအလောင်း နှစ် လောင်းပါတယ်။ ဒီညနောက်ဆုံးစာရင်းပဲ။ မနက်မှ ဆက်ရှာမယ်’’ဟု ဖားကန့်မြို့မရဲစခန်းမှူး နိုင်ဝင်းက ပြောသည်။

၅၉(စ)နှင့် အမြီးမတစ်စေချင်

၂၀၁၅နိုဝင်ဘာ ၈ ရက်မြန်မာ့သမိုင်းမှာ အထူး ခြားဆုံးသမိုင်း အလှည့်အပြောင်းတစ်ခုအဖြစ် အ ထွေထွေ ရွေးကောက်ပွဲကြီးကို အောင်မြင်စွာ ကျင်းပနိုင်ခဲ့သည်။ ဒီလိုသမိုင်းဝင်ရွေးကောက်ပွဲကြီး ကို ဝေဖန်မှုများ၊ စိုးရိမ်မှုများကြားက အောင်အောင်မြင်မြင် ကျင်းပပေးနိုင်ခဲ့သည့် နိုင်ငံတော်သမ္မတကြီး၊ တပ်မတော် ကာကွယ်ရေး ဦးစီးချုပ်နှင့် ရွေးကောက်ပွဲကော်မရှင်တို့ကို အထူး (အထူး)ကျေးဇူးတင်ကြောင်း ပြည်သူတစ်ယောက်အနေဖြင့် ပြောကြားလိုပါသည်။

ထို့ထက်ပိုသော သတင်း စကားအဖြစ် သမ္မတကြီးနှင့် ကာ ကွယ်ရေးဦးစီးချုပ်၊ ပြည်ခိုင်ဖြိုး ပါတီခေါင်းဆောင်များက ပြည် သူတွေက တစ်ခဲနက်အတည်ပြု ထားတဲ့ ဆန္ဒကိုလေးစားပါမည်၊ လိုက်နာမည်ဖြစ်ကြောင်း၊ အနိုင် ရ NLD ပါတီခေါင်းဆောင်ကို သော်လည်းကောင်း၊ ပါတီဝင်တွေ ကိုသော်လည်းကောင်း ဂုဏ်ပြု နှုတ်ဆက်စကား၊ ချီးကျူးစကား များ ထုတ်ဖော်ပြောကြားလာတဲ့ အတွက် ပြည်သူတွေမှာ အချိုပေါ် သကာလောင်းသကဲ့သို့ ၀မ်း မြောက်ဝမ်းသာ ဖြစ်ရသည်ကို ခေါင်းဆောင်ကြီးများ သိရှိစေရန် ဒီနေရာကနေ သတင်းစကားပါး လိုပါသည်။

ချင်းတွင်းမြစ်ကြောင်းသွားရေယာဉ်သစ်များတွင် ရေလုံကန်ထည့်သွင်းတည်ဆောက်ရန် ညွှန်ကြား

မုံရွာအခြေပြုပြေးဆွဲနေ သည့် ချင်းတွင်းရေကြောင်းသွား ရေယာဉ်များ အသစ်တည်ဆောက်ပါက ခရီးသည်များ ဘေးအန္တရာယ်ကင်းဝေးစေရန် ရေလုံကန်များထည့်သွင်း တည်ဆောက်ရမည်ဖြစ်ကြောင်း ရေကြောင်းပို့ဆောင်ရေးညွှန်ကြားမှုဦးစီးဌာန(အထက်မြန်မာပြည်၊ မန္တလေး) ရုံးမှ ညွှန်ကြားရေးမှူး ဦးစိုးနိုင်က နိုဝင်ဘာ ၁၉ ရက်တွင် ကျင်းပသော ပြည်တွင်းရေကြောင်းသွား ရေယာဉ် ပိုင်ရှင်များအသင်း အစည်းအဝေး ၌ ပြောကြားသည်။

ရေယာဉ်များတွင် ရေလုံ ကန်များထားရှိခြင်းဖြင့် ဘေးအန္တ ရာယ်ကြုံတွေ့ရချိန်၌ ခရီးသည် များ အသက်ကယ်ပစ္စည်းများရယူ ရန် အချိန်ရရှိနိုင်မည်ဟုဆိုသည်။ ‘‘ရေယာဉ်တွေက ဆောက် ချင်သလို ဆောက်၊ သွားချင်သလို သွား။ ရေယာဉ်ပိုင်ရှင်တွေရဲ့ဆန္ဒ ကို ပန်းပဲဆရာတွေက လိုက်လုပ် ပေးနေရတယ်။ ရေတိမ်မှာ သွား လို့ရအောင် ဆီစားလည်းသက် သာအောင်၊ အဓိကခရီးသည်တွေ ရဲ့ အသက်အန္တရာယ်ကင်းဝေး အောင် ဦးစားပေးတည်ဆောက် ရမယ်’’ဟု ဦးစိုးနိုင်က မုံရွာဒေသခံ ရေယာဉ်ပိုင်ရှင်များအား ပြော သည်။

ချင်းတွင်းရေကြောင်းသွား ရေယာဉ်များ ဘေးအန္တရာယ်ကင်း ဝေးစေရန် ရေကြောင်း အင်ဂျင်နီ ယာဌာနမှ ပညာရှင်များ၏ သုံး သပ်ချက်ဖြင့် ရေယာဉ်များဘေး အန္တရာယ်ကြိုတင်ကာကွယ်နိုင် မည့်ကဏ္ဍကို တိုးမြှင့်တည်ဆောက် မည်ဖြစ်ကြောင်း သိရသည်။

ပုဂ္ဂလိက ပညာရေး ဥပဒေကြမ်း ဆိုင်းငံ့ရန် အမျိုးသား လွှတ်တော် ဆုံးဖြတ်

ပညာရေး ၀န်ကြီးဌာနမှ တင်သွင်းထားသည့် ပုဂ္ဂလိက ပညာရေး ဥပဒေကြမ်းကို အမျိုးသား လွှတ်တော် အစည်းအဝေးတွင် လက်ခံဆွေးနွေးခြင်း မရှိဘဲ ဆိုင်းငံ့ထားရန် အမျိုးသား လွှတ်တော်မှ ဆုံးဖြတ်ခဲ့ကြောင်း သတင်းရရှိသည်။

ယမန်နေ့၊ ပထမအကြိမ်၊(၁၃) ကြိမ်မြောက် ပုံမှန်အစည်းအဝေးတွင် အမျိုးသား လွှတ်တော်မှ ပုဂ္ဂလိက ပညာရေး ဥပဒေကြမ်းကို ဆိုင်းငံ့ရန် အမျိုးသား လွှတ်တော် ကိုယ်စားလှယ် အားလုံး၏ ဆန္ဒဖြင့် ဆုံးဖြတ်ခဲ့ခြင်း ဖြစ်သည်။

ပုဂ္ဂလိက ပညာရေး ဥပဒေကြမ်းက သူနဲ့ဆက်နွှယ်နေတဲ့ နိုင်ငံခြား ရင်းနှီးမြှုပ်နှံမှု ဥပဒေ၊ နည်းဥပဒေနဲ့ ညီညွတ်မှုမရှိလို့ ဆိုင်ငံ့ထားဖို့ တင်ပြတာပါ””ဟု အမျိုးသား လွှတ်တော် ဥပဒေကြမ်း ကော်မတီဝင် ဦးဝင်းမောင်က ပြောသည်။

ကချင် စစ်ဘေးရှောင်များ (၂) ရက် အတွင်း ရိက္ခာပြတ်လပ်နိုင်

ကချင်ပြည်နယ် မိုးညှင်းမြို့နယ်တွင် တပ်မတော်နှင့် ကချင် လွတ်မြောက်ရေး တပ်မတော် (KIA/KIO) တိုက်ပွဲများ ဆက်လက် ဖြစ်ပွားနေပါက စစ်ဘေးရှောင် ပြည်သူများသည် နှစ်ရက်အတွင်း ရိက္ခာပြတ်လပ်မည် ဖြစ်ကြောင်း မိုးညှင်းမြို့နယ် ကချင်နှစ်ခြင်း အသင်းတော် (KBC) ဒုက္ခသည် စခန်းများဆိုင်ရာ တာဝန်ခံ သင်းအုပ် ဆရာတော် ဦးအောင်ဆိုင်းက ပြောသည်။

ယခုလ (၁၄) ရက်နေ့ စတင်၍ KIA နှင့် တပ်မတော်တို့ မိုးညှင်းမြို့နယ်တွင် တိုက်ပွဲများ ပြန်လည် ဖြစ်ပွားခဲ့ပြီး လေကြောင်းပစ်ကူများ ပါရှိကြောင်းနှင့် နေ့လယ်ပိုင်း အထိ တိုက်ပွဲ ဖြစ်ပွားမှု မရှိကြောင်း KBC မှ သိရသည်။

''အခုဟာက အသင်းတော်မှာရှိတဲ့ ငွေကြေးနဲ့ ရိက္ခာတွေကို စစ်ဘေးရှောင်တွေကို ကျွေးထားရတယ်။ တချို့နေရာမှာ စစ်ဘေးရှောင်နေတဲ့ သူတွေကတော့ အခြေအနေကြည့်ပြီး နေ့လယ်ပိုင်းမှာ ကိုယ်အိမ် ကိုယ်ပြန်ပြီး ချက်ပြုတ် စားသောက်ကြတယ်။ ညပိုင်းကျတော့ စခန်းကို ပြန်လာကြတယ်။ နောက်နှစ်ရက်ဆိုင်ရင် ရိက္ခာကပြတ်ပြီ'' ဟု ၎င်းကဆက်ပြောသည်။

တရားဥပဒေ စိုးမိုးရေးနှင့် တည်ငြိမ် အေးချမ်းရေး ကော်မတီ အလုပ်မဖြစ်ကြောင်း ဝေဖန်

ဒေါ်အောင်ဆန်းစုကြည် ဥက္ကဋ္ဌ အဖြစ် ဦးဆောင်သည့် ပြည်သူ့ လွှတ်တော် တရားဥပဒေ စိုးမိုးရေးနှင့် တည်ငြိမ်အေးချမ်းရေး ကော်မတီသည် အလုပ်မဖြစ်ကြောင်း ရခိုင်ပြည်နယ် မြေပုံမဲဆန္ဒနယ်မှ ပြည်သူ့ လွှတ်တော် ကိုယ်စားလှယ် ဦးဖေသန်းက ယမန်နေ့က ကျင်းပသည့် လွှတ်တော် အစည်းအဝေးတွင် ဝေဖန် ပြောကြားလိုက်သည်။

(၁၃) ကြိမ်မြောက် ပြည်သူ့ လွှတ်တော် အစည်းအဝေး (၅) ရက်မြောက်နေ့တွင် တရားဥပဒေ စိုးမိုးရေးနှင့် တည်ငြိမ် အေးချမ်းရေး ကော်မတီ၏ အစီရင်ခံစာ တင်သွင်းထားမှုနှင့် ပတ်သက်ပြီး လွှတ်တော်တွင် ဆွေးနွေးရာ၌ ပြည်သူ့ လွှတ်တော် ကိုယ်စားလှယ် ဦးဖေသန်းက ၀င်ရောက် ဆွေးနွေးရာတွင် ပြောဆိုခဲ့ခြင်း ဖြစ်သည်။

''ကော်မတီရဲ့ အစီအရင်ခံစာ အဆုံးပိုင်းမှာ ဖော်ပြခဲ့တဲ့ တိုင်စာပေါင်းနဲ့ ပတ်သက်ပြီး ကော်မတီ အနေနဲ့ တစ်စောင် တစ်လေကိုမျှ ကိုင်တွယ် ဖြေရှင်းနိုင်ခြင်း မရှိပဲ။ ဆိုင်ရာ ကော်မတီ၊ ကော်မရှင်တွေကိုပဲ လွှဲပြောင်းပေးခဲ့တာလို့ ဖော်ပြထားပါတယ်။ ဒါကိုကြည့်ခြင်းအားဖြင့် ကော်မတီဟာ အလုပ်မဖြစ်ဘူး ဆိုတာ သိသာနိုင်ပါတယ်'' ဟု ၎င်းက ဝေဖန်ပြောကြားခဲ့သည်။

ရေနံ လက်ယက်တွင်းဆိုင်ရာ ဥပဒေကြမ်း ဆိုင်းငံ့ရန် အစီရင်ခံစာတင်

ရေနံ လက်ယက်တွင်းဆိုင်ရာ ဥပဒေကြမ်းသည် ဖွဲ့စည်းပုံ အခြေခံ ဥပဒေကို ပြင်ဆင်သည့် ဥပဒေကြမ်းနှင့် အညီ ပြင်ဆင်ရေးဆွဲရန် လိုအပ်နေသောကြောင့် လက်ရှိ အမျိုးသား လွှတ်တော် အစည်းအဝေးတွင် ပြဌာန်းခြင်း မပြုဘဲ ဆိုင်းငံ့ထားရန် အမျိုးသား လွှတ်တော် ဥပဒေကြမ်း ကော်မတီမှ ယမန်နေ့တွင် အမျိုးသား လွှတ်တော်သို့ တင်သွင်းခဲ့သည်။

ယင်းဥပဒေကြမ်းသည် ပြင်ဆင်ရန် အချက်များစွာ ရှိနေပြီး ဥပဒေကြမ်းကို ဦးဆောင် ရေးဆွဲခဲ့သည့် စွမ်းအင် ၀န်ကြီးဌာနကလည်း ပြန်လည် ပြုစုပေးရန် သဘော တူညီခဲ့သောကြောင့် ပြီးပြည့်စုံသည့် ဥပဒေ တစ်ရပ် ဖြစ်ပေါ်လာစေရန် အတွက် ဆိုင်းငံ့ထားရန် သင့်ကြောင်း အမျိုးသား လွှတ်တော် ဥပဒေကြမ်း ကော်မတီ ဥက္ကဌ ဦးခင်မောင်ရီက ပြောသည်။

''ဒီဥပဒေကြမ်းနဲ့ ဖွဲ့စည်းပုံ အခြေခံဥပဒေကို ပြင်ဆင်ထားတဲ့ ဥပဒေကြမ်း မကိုက်ညီတာ သွားတွေ့ရတယ်။ အဲဒါကြောင့် ဒီဥပဒေကြမ်းကို လတ်တလော မပြဌာန်းဘဲ ဆိုင်းငံ့ထားဖို့ လွှတ်တော် တင်သွင်းတာ'' ဟု ၎င်းကပြောသည်။

ဆီးရီးယားတွင် အိုင်အက်စ်တို့အပေါ် ရုရှား၏ စစ်ဆင်ရေးများ အရှိန်မြှင့်တင်လာ

ရုရှားက ဆီးရီးယားရှိ အစ္စလာမ်မစ်နိုင်ငံတော် (အိုင်အက်စ်) စစ်သွေးကြွများကို တိုက်ခိုက်နေသည့် စစ်ဆင်ရေးကို ပိုမိုအရှိန်မြှင့်တင်သွားမည်ဟု ကြေညာခဲ့သည်။

အကြမ်းဖက် အဖွဲ့အစည်း၏ပစ်မှတ်များကို ချေမှုန်းရန် ဆီးရီးယားစစ်မြေပြင်၌ လေယာဉ်အရေအတွက် ၆၉ စီးထိ တိုးမြှင့်အသုံးပြုသွားမည်ဟု ရုရှားအစိုးရက ကြေညာသည်။ သို့သော်လည်း ထိုမျှပမာဏသည် အိုင်အက်စ်တို့ကို အမြစ်ဖြတ်ချေမှုန်းရန် လုံလောက်မှု မရှိသေးကြောင်း ရုရှားသမ္မတ ဗလာဒီမာပူတင်က သတိပေးခဲ့သည်။

အီဂျစ်ရှိ ဆီနိုင်းဒေသတွင် ရုရှားခရီးသည်တင် လေယာဉ်တစ်စီး အိုင်အက်စ်တို့၏ ဗုံးခွဲမှုကြောင့် ပျက်ကျသွားသည့်နောက် ရုရှား၏ စစ်ရေးလှုပ်ရှားမှုများ သိသိသာသာ ပိုမိုအရှိန်မြင့်လာသည်။

ကက်စ်ပီယန် ပင်လယ်ထဲတွင် နေရာယူထားသည့် ရုရှားတိုက်သင်္ဘောများကလည်း တာဝေးပစ်ဒုံးကျည်များဖြင့် အိုင်အက်စ်ပစ်မှတ်များကို တိုက်ခိုက်ခဲ့ကြောင်း သိရသည်။ ဒုံးကျည်အချို့သည် မဟာဗျူဟာအရ အိုင်အက်စ်တို့အတွက် အလွန်အရေးပါသည့် ပစ်မှတ်များကို တည့်မတ်စွာ ထိမှန်ခဲ့ကြောင်းလည်း ရုရှားရေတပ် တာဝန်ရှိသူတစ်ဦးက ပြောကြားခဲ့သည်။

အပ်ငွေ၏ ၅ ရာခိုင်နှုန်း ဗဟိုဘဏ်တွင် သီးသန့်ထားရခြင်းကို ဖြေလျှော့ပေးရန် ဘဏ်များတောင်းဆို

ဘဏ်များတွင် လာ ရောက်အပ်နှံသည့်ငွေများ၏ ၅ ရာခိုင်နှုန်းကို ဗဟိုဘဏ်၌ သီး သန့်ငွေအဖြစ် ထားရှိနေရခြင်းကို ဖြေလျှော့ပေးရန် ဘဏ်များက ဗဟိုဘဏ်သို့ တင်ပြထားကြောင်း သတင်းရရှိသည်။

အဆိုပါ ၅ ရာခိုင်နှုန်းအ တွက် လာရောက်အပ်နှံသူများအား အတိုးများပေးနေရသော်လည်း ဗဟိုဘဏ်တွင် သီးသန့်ငွေအဖြစ် ပြန်လည်ထားရှိရသည့်အခါ အ ကျိုးအမြတ်မရရှိ၍ ဘဏ်များက ကြားထဲမှ အတိုးစိုက်ထုတ်ပေးနေ ရသည်။ ထို့ကြောင့် ဖြေလျှော့ပေး ရန် နိုဝင်ဘာ ၁၆ ရက်က ဗဟို ဘဏ်တာဝန်ရှိသူများနှင့်တွေ့ဆုံ စဉ် တောင်းဆိုကြကြောင်း ယူနိုက်တက်အမရဘဏ် အမှုဆောင်အရာရှိချုပ် ဦးသန်းဝင်းဆွေက ပြောသည်။

‘‘တချို့အပ်နှံငွေအများကြီး ရတဲ့ ဘဏ်ကြီးတွေဆိုရင် အဲဒီ အပ်နှံငွေတွေရဲ့ ၅ ရာခိုင်နှုန်းဆို တာ မနည်းဘူး။ ဒီငွေကို အလ ကား အတိုးထိုင်ပေးနေရရင် ဘဏ်တွေလည်း မလွယ်ဘူးလေ။ အဲဒီတော့ ဘဏ်တွေရဲ့ငွေတွေကို ဗဟိုဘဏ်က အတိုးပြန်ပေးနိုင်မ လား၊ ဒါမှမဟုတ် ထားရတဲ့ရာခိုင် နှုန်းကို လျှော့ချပေးနိုင်မလားလို့ ဘဏ်တွေက တင်ပြကြတာပါ’’ ဟု ဦးသန်းဝင်းဆွေကပြောကြား သည်။

ရွေးကောက်ပွဲ အနိုင်အရှုံးရလဒ်များ အပြီးသတ်ကြေညာ၊ ပြည်ထောင်စုလွှတ်တော်တွင် ဒီချုပ်က ၃၉၀ ဦး၊ ပြည်ခိုင်ဖြိုးက ၄၂ ဦးရရှိ

ရွေးကောက်ပွဲအနိုင်၊ အရှုံးရလဒ်များအပြီးသတ်ကြေ ညာချက်အဖြစ် ကချင်ပြည်နယ်ရှိ ပြည်သူ့လွှတ်တော်မဲဆန္ဒနယ် နှစ်ခု၊ အမျိုးသားလွှတ်တော်မဲဆန္ဒ နယ် တစ်ခု၊ ပြည်နယ်လွှတ်တော် မဲဆန္ဒနယ် လေးခုနှင့် တိုင်းရင်း သားလူမျိုးလွှတ်တော်ကိုယ်စား လှယ် လေးနေရာတို့ကို ပြည် ထောင်စုရွေးကောက်ပွဲကော်မ ရှင်က နိုဝင်ဘာ ၂၀ ရက်က ကြေညာခဲ့သည်။

နောင်မွန်းပြည်သူ့လွှတ် တော်မဲဆန္ဒနယ်တွင် ပြည်ခိုင်ဖြိုးပါတီက အနိုင်ရပြီး၊ ခေါင်လန်ဖူး၌ လီဆူအမျိုးသားဖွံ့ဖြိုးတိုးတက်ရေးပါတီ (ဒူးလေးပါတီ)က အနိုင်ရခဲ့သည်။

ကချင်ပြည်နယ်အမျိုးသား လွှတ်တော်မဲဆန္ဒနယ်အမှတ် (၁) အတွက် တိုင်းရင်းသားစည်းလုံး ညီညွတ်ရေးပါတီမှ ဦးဂျေယောဝူ ရွေးချယ်ခံရ၍ ပြည်ထောင်စုလွှတ်တော်တွင် တစညက ထိုင်ခုံတစ်နေရာရရှိခဲ့သည်။

နောင်မွန်းရှိ ပြည်နယ်လွှတ် တော်မဲဆန္ဒနယ်နှစ်ခုစလုံးတွင် ပြည်ခိုင်ဖြိုးပါတီက အနိုင်ရခဲ့သည်။ ခေါင်လန်ဖူး(၁)တွင် လီဆူအမျိုးသားဖွံ့ဖြိုးတိုးတက်ရေးပါတီ (ဒူး လေးပါတီ)က အနိုင်ရပြီး ခေါင်လန်ဖူး (၂)တွင်သာ အမျိုးသားဒီမိုကရေစီအဖွဲ့ချုပ်က အနိုင်ရခဲ့သည်။